2020/08/08

[IG廣告伏唔伏?] 第一回:韓式水潤電髮 @t.a.m.a.s_



你有沒有試過在FB或IG見到廣告覺得幾吸引就買左野?

今時今日的AI廣告真的好痴線,不管你響電話隔離同朋友講起、google搜尋過或者唔小心睇過相關廣告,你的動態版面都會不斷出現相類似廣告,然後你唔小心就會俾錢。我當然都交左唔少學費,咁錢都俾左,不如就寫個系列分享返,究竟IG廣告有無好野?究竟伏多定唔伏多?讓我們繼續看下去。

+++++

【 Misskitb 粉絲專屬好康】
iherb 優惠碼:MIS8129
Joirme香薰蠟燭8折優惠:kitty2021

找得意食譜/料理靈感:https://linkin.bio/ig-misskitb

+++++



其實我一向都喜歡曲髮,之前經常去台灣就順便在那邊電,今年無得飛個頭又唔知想點,終於要研究一下香港有甚麼電髮好地方。呢個時候,IG 就彈出一堆唔同的髮型屋廣告俾你揀,終於我揀左呢個,主要因為click入去成版大部分都係我想要的髮型,唔係主打五顏六色電髮果d。

本來想整好大把那種韓國姐姐頭,但我把頭髮留極都唔夠長,所以都係電左再繼續留。圖中這個HK$600韓式水潤電髮好似幾平,我約的時候睇清楚先發現唔包剪,剪要另外加HK$80。



髮型屋在尖沙咀近尖東,後來我睇清楚發現 IG 上面有好多髮型師都在同一個地址,看起來是個類似共享空間的地方,有不同髮型師在同一個地點做差不多的髮型。



髮型屋據說佔地有三千呎,現場感覺都幾大既,坐得疏落d保持社交距離。



現場服務就一般般,唔係賓至如歸果種,都無咩人會特別理你。



這位髮型師咨詢的時候講得好清楚,有任何問題都答得到,而且我一講就知道我想要咩樣的髮型,溝通都幾暢順,第一印象算唔錯。

但我個頭其實都無咩需要點剪,佢都照幫我剪左幾刀,照收我HK$80。如果佢照直同我講你個頭都唔洗剪喎,唔洗收啦,俾人既印象會好好多囉,係唔係先?

咨詢完確定要點電之後,我個頭就交左俾助手之類處理,由洗頭髮到上卷落藥水set機落定形水再沖水,髮型師都無掂過我個頭。香港的髮型屋是不是都這樣呢?對於髮型師沒有親力親為這件事我就唔太鍾意,定係電這種頭求其搵個人上捲都OK?會俾人唔專業的感覺。



順帶一提,原來HK$600電髮又唔係靚藥水,要加錢換既,好似加左HK$350。髮型師亦有游說我加錢焗油,但我髮質明明好好,頂盡係髮尾有丁點乾,而且根據我之前在台灣的電髮經驗,髮型師都同我講我髮質太好好難電。咁我都要拒絕左佢幾次先無加treatment。

OK,咁最後個頭電完出來又真係exactly我心目中想要個樣,所以我都滿意既。



我的頭髮電完之後好似仲順滑左,乜原來宜家的電髮藥水真係咁神奇?搞到我有少少擔心會唔會好快唔卷 XDD 電完髮有兩日唔洗得頭髮,先聞到殘留的藥水有陣怪怪味,要洗幾次頭先洗得走。

廣告標示價格:HK$600
現場實際支出:HK$1030

+++++
髮型師IG (佢由頭到尾都無同我講佢叫咩名)
https://www.instagram.com/t.a.m.a.s_/

+++++
Δ 版權所有 (歡迎轉貼連結。嚴禁全篇圖文轉載!)
Δ 邀訪 / 合作 / 推廣 / 聯絡請洽:misskitb@gmail.com