2020/08/13

[香港素食] 深水埗 | 樹記明利腐竹:邊度買鮮枝竹鮮腐皮?邊度買豆製品最齊最多選擇?



最近發現我經常去買東西的地方,原來其他人係唔識既,所以決定寫 Blog 介紹下,其實食素真係好多地方買野食。這篇除了介紹我經常去購物的樹記明利腐竹,也分享一些我常買的豆製品,睇完就明白晒邊款打邊款同埋可以點煮來食。

文章目錄

1/ 店鋪簡介
2/ 豆製品介紹和食用方法
3/ 店鋪地址資料


找得意食譜/料理靈感:https://linkin.bio/ig-misskitb
++++++++++++++++++++++++++++++++++++++++++++++++++++++++++++++

緊貼最新鮮早餐與蔬食旅遊情報
按讚我的粉專https://www.facebook.com/breakfastland
追蹤我的IG:https://www.instagram.com/misskitb/

【 Misskitb 粉絲專屬好康】
iherb 優惠碼:MIS8129


Joirme香薰蠟燭8折優惠:kitty2021

++++++++++++++++++++++++++++++++++++++++++++++++++++++++++++++

店鋪簡介



樹記作為一間傳統老店,發生兄弟分家各自開店的事情很正常。詳細故事我無研究過,也不清楚哪一間最好吃,我自己方便和常去的就是深水埗汝州街馬會對面這家,樹記後面有「明利」,我食慣覺得都好食既。傳說之前要排隊買,現在我每次都係直接行入去無排過隊。



進店內右手邊是一大排雪櫃,我通常都買雪櫃入面的產品,要雪即是新鮮並且唔放得耐,素鴨甚麼的有時我買回去不是立即吃的話,會放在冰格冷凍儲存,唔會變冰豆腐的放心。



各種豆製品乾貨當然都有齊,但我懶唔鍾意浸唔鍾意等,所以好少買。不過想擺得耐的話都實際的。



計劃打邊爐的話,來這邊一轉就可以買齊要滾的豆製品食材。



腐乳當然都有得賣啦,你知道腐乳即是中式芝士嗎?我之前去台灣有人教我塗多士,又真係幾好食既,除了配粥也不妨試試配麵包。



商品目錄大概有這些,應該都齊晒既,你有無諗過豆製品原來有咁多款式?

++++++++++++++++++++++++++++++++++++++++++++++++++++++++++++++

豆製品介紹和食用方法


1) 鮮腐皮 HK$24

這個我之前都不認識,朋友說打邊爐要買,它是一層又一層的腐皮,要自己切件煮來吃,建議放湯濕煮,煎無咁好食。



+++++++++++++++++++++

2) 腐皮卷

這個腐皮卷店員姨姨經常sell人買,她們說是當日早上新鮮包,入面是各種木耳蔬菜,不需要加油乾煎兩面就食得,我覺得真係幾好食既,唔用腦當一餐都幾好。



+++++++++++++++++++++

3) 素鵝 HK$12

你識唔識分素鴨和素雞呢?我問店員姨姨兩者有何分吃,她答我素鴨用來煎,素雞用來炒菜,唔。Anyway,兩款都係預先有調味,所以不用另外加鹽,高血壓腎唔好都要留意唔好食太多。

樹記明利的素鴨好厚好多層,我鍾意成條煎香兩邊金黃當早餐,配黑松露醬和沙律醬超好食,也是唔用腦當一餐之選。





+++++++++++++++++++++

4) 百頁 HK$9

這個百頁我之前都無食過,佢有少少硬身好似膠膠地,我就會將佢切闊條扮低醣麵,係唔係好聰明呢?XDD 用來煮炒麵或湯麵都OK,煮軟身少少就好好食,而且超飽肚。



+++++++++++++++++++++

5) 猴頭菇 HK$28

我好鍾意食猴頭菇,但就唔太識處理,所以發現這個雪藏猴頭菇好開心。佢應該預先有煮左少少味,加熱煮一煮就食得。我就會先洗一輪洗走個味,然後再煮咖喱之類,都好好食架!



+++++++++++++++++++++

6) 鮮枝竹 HK$12/5條

枝竹有分新鮮和乾燥兩種,我就鍾意食鮮枝竹因為唔需要再浸水處理。一條份量其實都幾多,鮮枝竹加薑黃粉扮炒蛋都幾好食,仲可以好Fancy加少少黑松露醬。另外我都鍾意用番茄汁煮,扮純素版的番茄炒蛋,簡單家常小菜幾好食。



+++++++++++++++++++++

7) 豆卜 HK$9/4兩

豆卜應該大家都好認識,樹記明利有正方型和三角形兩款,視乎你想點煮就買邊款。豆卜我都會用番茄汁煮,另外都可以做釀豆卜,煮麵加幾舊都得。



+++++++++++++++++++++

8) 黑豆腐 HK$10/盒

平時在日本超級市場見到黑豆腐都賣好貴,在樹記明利見到 HK$10 舊就買來試試,佢又唔係好深色,食起來都係豆腐咁既味啦。涼拌直接食都可以架,我諗皮蛋豆腐都得。



+++++
店鋪資料
樹記明利腐竹
地址:香港深水埗汝州街236號
電話:+852-2711-7899
營業時間:08:00–19:30
地圖:


+++++
Δ 版權所有 (歡迎轉貼連結。嚴禁全篇圖文轉載!)
Δ 邀訪 / 合作 / 推廣 / 聯絡請洽:misskitb@gmail.com