[首爾素食] Plantude：大商場方便純素餐廳

這間素食餐廳在兩個大商場開店，分別是有星空圖書館的COEX mall 和好多野買的 I'Park Mall，去逛街都有素食醫肚。菜式有西式也有韓式，各種配搭都幾吸引。如果想食純素甜品就建議去龍山站的分店。

[首爾素食] 明洞站 | Vegan Kitchen：明洞漫畫街人氣純素餐廳

沒想到明洞也有純素餐廳，方便就腳很多遊客來用餐。老闆講單字英文，老闆娘則可以用簡單國語溝通，不吃五辛可以問她怎麼點餐。菜式一半西式一半韓式，自己用桌上的平板落單，有機械人來送餐，餐具似港式茶餐廳在桌下抽屜，送泡菜小食熱茶任飲。

[首爾素食] 安國站 | THANKS, OAT Anguk：希臘優格專門店有純素三文治

超有情調的木屋乳酪店，一樓是咖啡店，二樓吃yogurt & granola，雖然無純素乳酪，但有一款Vegan三文治，來吃早餐也不錯。招牌飲品用燕麥奶加12種穀麥製作，濃厚好味。

[首爾素食] 合井站 | Immu Bakeshop：精緻樓上純素蛋糕店

想找精緻韓系咖啡店打個純素卡，來這間就對了！超可愛的薄荷綠色調，純素蛋糕也是非常吸晴。主打Victoria Cake(草莓忌廉海棉蛋糕)和無麩質朱古力蛋糕，間中推出其他甜品，咖啡都用Oatly植物奶沖調。

[首爾素食] 解放村 | Nuldam Space：純素牛角包＆給未來的信

這個品牌在熱門旅遊點景福宮和解放村都有店，可以寄信給一年後的自己，一邊寫一邊吃純素牛角包或扁左的牛角包Croffle，飲品都係純素，店內也有賣自家品牌的純素零食。每間店都有良好景觀，行到累去坐下都唔錯。

[首爾素食] 解放村 | byTOFU：善良的豆腐料理

雖然地鐵不到但也很具人氣的素食小店，必吃的無雞蛋厚蛋治每檯都會點，另外也有沙律、wrap 和純素曲奇等，咖啡預設使用豆奶。店內約有20餘個座位，也可以坐室外，間中有狗狗來用餐。

[首爾素食] 安國站 | London Bagel Museum Anguk：超人氣排隊貝果店

喜歡吃貝果或者想找地方吃早餐可以一試，要有排隊一小時以上的心理準備。店內吃的就是貝果和貝果三文治，也有濃湯、不同口味creamcheese抹醬，大部分是蛋奶素可用。

[首爾素食] 益善洞 | Vegan Insa 비건인사：韓屋純素餐廳

在益善洞和仁寺洞中間的素食餐廳，那邊很多素食選擇，逛旅遊區是完全不用擔心肚餓的。餐廳位處韓屋有個小花園，靚境溫馨舒適，服務親切友善。餐點也以韓式為主，很多外國遊客來吃韓式素炸雞、年糕和炸素餃之類。

[首爾素食] 會賢站 | Overte 오베흐트：不邪惡純素冬甩

純素食者去到首爾都有好多甜品咖啡店可以打卡，這間就專賣純素冬甩，固定口味有9款，另外還有季節限定，比較特別還有一款Garlic & cream cheese鹹口味。純素冬甩約港幣廿蚊一個，口感係美式冬甩，食落唔會太油膩，咖啡飲品亦有植物奶選項。

[首爾素食] 首爾站 | Daom vegetarian noodle restaurant：平價素食餐廳 必試純素餃子

在首爾車站附近找到一間地道小店，菜單非常簡單，就只有韓式麵和水餃，全都可以做純素。阿珠媽可以用單字英文溝通，講唔掂都識用手機翻譯。食客以本地人為主，間中見到外籍素食者。食物平靚正，雙色素食水餃必點。

[香港素食] 灣仔 | JAJA：香港最夢幻素食餐廳

位於藝術中心之內的素食餐廳，果然充滿藝術氣息！粉紅色夢幻裝潢給你無限打卡位，食物以蛋奶素為主(部分純素)，造型和擺盤都極之精美。餐廳最近推出「Taste of Arts 藝術滋味」下午茶，即日至5月31日都有得食，tag閨蜜一齊去感受藝術氛圍啦！

另外，由即日起至2024年5月31日，顧客憑任何香港藝術節及展覽之門票或存根惠顧主餐牌及下午茶套餐，即可享85折優惠。於Mira eShop預訂下午茶，亦可尊享獨家優惠及免加一服務費。

[香港素食] 香港10大特色素食餐廳

分享幾間有特色但比較少人講的素食餐廳
唔好又話點解無呢間無果間
你覺得好想推介的素食餐廳記得自己寫多啲😂
我又無收錢嘅🤷‍♀️

利申：
有兩間未食過，其中一間訂左去完首爾旅行返嚟食，可以再留意之後更新介紹。

[香港素食] 觀塘 | 素食譜：純素無五辛車仔麵/客飯

觀塘東廣場的素食餐廳，全店無蛋奶無五辛，可以吃蔬食車仔麵或客飯，平價好味都幾方便㗎。

[香港素食] 尖沙咀 | Mul Hayam Glatt Kosher Restaurant：香港罕有猶太菜體驗

香港真係國際大都會，連猶太菜都有得食。尖沙咀這間餐廳是在港猶太人的聚腳地，如果你想體驗下猶太飲食文化，原來可以行入去食。大廚們都係猶太婦女，菜式係猶太人家常料理，吃的有點似中東/地中海菜，如果你鍾意食Hummus、falafel果啲會合口味。

[香港素食] 觀塘 | 龜苓元坊：素食手工水餃/飯/米線

去觀塘整指甲，順便搵下有咩素食，行入好多小店的東廣場，見到這間竟然有素肉水餃！仔細望個餐牌，再發現原來本身都有賣素水餃，亦有飯和米線等。水餃可以轉素湯，餐湯係中式涼茶飲品，餃子大大隻都幾夠飽㗎。

[香港素食] 深水埗 | PIGNIC 山治：用心製作三文治&便當 素食友善選擇多

深水埗外賣小店，主打足料三文治和職人便當，有蛋奶素也有純素選擇，平價又美味，住附近的朋友記得save低。

[台北素食] 台北 | Curious Table：必吃米芝蓮素食Fine Dining

一場去到台北，除了平價素街美食，也一定要試試頂級素食Fine Dining。這間餐廳每年都會換主題，今年就選了電影作靈感，上半場精選七齣70年代經典作品，識你將影畫吃進肚子裡。整個用餐體驗由環境到服務到擺盤和味道都一絲不苟，非常值得推薦呢！

[台北素食] 台北 | CHAO 炒炒新亞洲蔬食：排隊素食台式熱炒

好久之前有跟台灣朋友去吃過熱炒店，不過不吃肉就只有炒菜可以吃，純粹係食個氣氛。這次就訂了台灣第一間素食熱炒店，去到門口見到要排隊好誇張，入面見到好多台灣人帶外國人去食，各種聚會都有。菜式大部分都使用素肉，也可以揀下蔬菜和豆腐之類。

[台北素食] 台北 | 芳珍蔬食：多分店平價水餃麵食

肉食朋友去食牛扒大餐，我就自己去平價蔬食。這個是八方雲集旗下的蔬食品牌，可以想像菜式是相似路線，不過全部係素食，選擇也比較多。因為平價又美味，食飯時間都好多人排隊，用餐採自助形式，有點餐機自己落單，再自己找位置等叫號碼。看餐牌好多都想試，而且叫多幾款都唔會好多錢，非常可以一吃。

[台北素食] 台北 | 不葷主義茶餐廳 Veggienius：台灣點心飲茶好去處？菜式似香港上海鋪

這間素食「茶餐廳」不是吃菠蘿包碟頭飯，我起初以為似港式飲茶，食完發現其實係上海點心小菜，成件事好複雜。店內裝修非常雅緻，座位私密度高，也有包廂可以預訂，我見都好受本地人歡迎。菜式選擇很多，適合多幾個朋友分享食，我最推介蘿蔔絲餅。

[台北住宿推薦] 中正區 | 台北喜來登大飯店：善導寺站一出直達 逛景點太方便

捷運善導寺站一出就到的酒店，附近景點和著名食店多不勝數，難怪近800間房都經常爆滿。房間最大特色係睡床超級大，設備完善住得非常舒服，食買玩都方便到感動。

[台北住宿推薦] 中山區 | 台北晶華酒店：跟我體驗大班樓層頂級細膩服務

搭的士去酒店的時候，司機問我地上面定下面，真係聽到一頭霧水，搞好耐先搞清楚原來佢問我地上唔上到去酒店門口。台北晶華酒店在一個小山坡上面，平常不搭車出入的話要走一段小斜路，我覺得非常獨特也有氣派。這次入住19樓大班樓層，完全有被寵壞的感覺，酒店服務就是應該達到這種級數啊！

[香港素食] 旺角 | 燈籠滷味：台灣味方便素食

這間台灣來的滷味店在銅鑼灣/旺角/九龍灣/葵芳/中環都有分店，蔬菜選擇也蠻多，滷味湯底甜甜地重藥材味，唔肯定有無肉，你當鍋邊素/方便素之選先。午市有一個無肉麵餐，包飲品埋單70零蚊，中價之選。

[香港素食] 旺角 | 華星冰室：明星冰室原來有素食MENU？

素食者去港式冰室可以食咩？最近先發現這間明星冰室原來有素食餐，吃蛋奶的可以揀雙拼三文治，菠蘿包也沒有落豬油。如果有外國蛋奶素朋友想試港式地道風味，可以帶佢地去食，在灣仔/筲箕灣/旺角/九龍灣/大埔/石門/上環都有分店。

[香港素食] 天后 | 阿里郎熱狗棒 Arirang Hot Dog：港島區韓式方便蛋奶素

估唔到呢間熱狗店原來有素食？！咁當然都只係蛋奶方便素，但有飯有粉絲有飯卷都唔錯㗎，鍾意食香口野和芝士仲可以食邪惡拉絲炸熱狗添！

[香港素食] 荔枝角 | 秘坊：平價車仔麵有素湯

荔枝角工廈中間隱藏一間只做外賣的車仔麵店，望一望餐牌竟然有素湯供應，素食配料亦算多選擇，價錢仲非常親切，$40有找可以搞掂一餐！唔想現場等仲可以在網站預先點餐，send俾附近返工的朋友啦。

[香港素食] 荔枝角 | Coffee Question ?：日系咖啡店蛋奶素輕食

荔枝角個寵物友善商場一帶有好幾間特色咖啡小店，這次來到其中一間吃個早餐。餐牌上早餐、午餐和下午茶餐都各有一款蛋奶素食選擇，價錢包咖啡飲品算係咁。食物水準中規中距，想打個安靜舒服的地方坐下唔錯啦。

[香港素食] 長沙灣 | Café Influffy 毛所樹樹：緬因貓陪你吃精緻素食

有貓玩有素食，邊度有咁開心嘅事？

長沙灣新開業素食餐廳，菜式有純素有蛋奶素，亦有走五辛選擇，打開APP點餐的時候可以看得一清二楚，方便不同飲食習慣的朋友。店內共有9隻貓咪駐場，全部都唔驚人好Chill咁樣，真係食得好開心㗎！

[香港素食] 佐敦 | Eagle & Sparrow Music Cafe：街角素食/生酮音樂Cafe

素食＋生酮＋音樂是怎樣的一個體驗？如果你記得佐敦之前有間叫Jazz Bird的餐廳，這間其實由同一個圍體主理，餐牌大概90％是素食，也提供生酮選擇。餐廳也是一間社企，為弱勢社群提供工作機會及定期派飯外，也支持年輕音樂人於場內演出。

[香港素食] 北角 | 滕王閣素葷美食：北角美食廣場隱世車仔米線

這間非素食餐廳，不過都好認真做素食，必試當然係素湯底車仔米線，也有素腸粉和各和飯餐。地點在充滿土耳其風情的美食廣場內，環境都幾有趣，港島區的朋友記得save低啦！

[香港素食] 觀塘 | Sow Something 素心事：工業大廈 用心煮素食小店

跟朋友約在觀塘吃飯，選了這間未吃過的小店，原來平日午市都幾熱鬧。餐廳環境佈置有氣氛，午餐有飯有意粉有薄餅，也可以喝咖啡和吃蛋糕。食物即叫即煮要等一陣先有得食，不過又確係熱辣辣又煮得用心，好值得一試啊。

[香港素食] 尖沙咀 | 茶大椰：椰子飲品專門店原個椰王布甸

近年開始流行椰子飲品，這個品牌繼上環之後進駐尖沙咀。新鮮椰子由泰國直送，主打一系列用椰奶椰子水做的飲品，咖啡奶茶應有盡有。吃的部分有原個椰皇布甸，上面灑滿甜甜椰子碎，布甸用椰奶和寒天粉製作，還有椰子肉可以自己刮來吃。

[香港素食] 鰂魚涌 | MAYA Bakery & Bar：太古坊新開業純素麵包店 純素斑蘭菠蘿包

全新開業的素食麵包店，可以吃到純素菠蘿包、純素牛角包和純素鹹批等，有鹹食有甜食也有咖啡飲，在太古坊附近上班的朋友可以save低。這兩天才剛soft opening，服務還在調節當中，推介純素鹹批，菠蘿包入面有夾心都可以一試。

[香港素食] 深水埗 | 造咖 Firearth(已結業)：台式外賣小店有素肉燥飯素蛋餅

好耐無食素肉燥飯，見這間台式外賣店有得食，於是行去買下。小店還有蛋奶素食蛋餅和純素意粉，成個餐牌都好有台灣風味，同時亦有植物奶咖啡可以飲。

[香港素食] 九龍城 | Lazy Creatures：多素食選擇慵懶Cafe

九龍城這間咖啡店寵物友善亦素食友善，餐牌上大部分餐點都可以轉素食，咖啡亦可加錢換植物奶。食物和咖啡都高質素，環境亦好chill好舒服，假日想找個地方放鬆下非常適合。

[香港素食] 旺角 | 景霖正宗四川麻辣米線：天然清新素湯底豐富米線餐

這間四川麻辣米線有幾間分店，最特別係供應健康素食套餐，提供一款天然清新素湯底，可以揀辣或唔辣。套餐米線勁大碗好多料，五十零蚊有飲品十分飽肚。自選米線同下午茶都可以揀素湯底，素食配料亦好多選擇㗎。

[香港素食] 銅鑼灣 | Burger's Friend Forever：大啡菇素扒堡＆素麥樂雞 希慎廣場新Food Court

銅鑼灣希慎廣場地庫最近改裝成Food Court，大批不同種類食店進駐，部分都有素食選擇㗎！這天來吃邪惡漢堡專門店，菜單上有一個素食漢堡，另外有素麥樂雞，在銅鑼灣想食熱氣野可以來這邊。

[香港素食] 大圍 | 御 · 家上海：全新植物肉素食Menu

上海菜品牌推出全新素食餐牌，運用新豬肉、新魚柳和新餐肉等創作菜式，惹味有特色，喜歡吃上海菜又多一個好去處。這間餐廳在元朗、大角咀、將軍澳和大圍都有分店，有沒有方便你的位置呢？

[香港素食] 葵芳 | LEMMIE 手打香水檸檬茶：墨西哥燒粟米 x 手打檸檬茶

打卡葵廣新店，試試這個香港品牌的手打檸檬茶！除了檸茶飲品創新有特色，仲推了左墨西哥Style街頭小食燒栗米，四個口味有辣有唔辣，素食者逛葵廣都有野咬啦。

[台北旅行] 宜蘭 | 頭城2日1夜行程推介 住宿朗居文旅

去台北想往近郊走走，宜蘭是個好地方，除了農莊和溫泉之外，原來還可以出海賞鯨呢！前一晚在寧靜的頭城小鎮住宿，隔天出海近距離看海豚，之後還可以逛博物館、在海邊咖啡店打卡，再嘆文青咖啡和素食呢。

[香港素食] 中環 | 圓 Yuan：香港最頂級素食Fine Dining

香港終於有素食Fine Dining，識飲識食的你一定要去試下。

這間餐廳主打新派混合素菜，由環境、服務到食物都追求極致，整個用餐體驗都一流。你可以在開放式廚房睇到大廚們用心擺盤，每道菜服務生也會詳細介紹。除了12道菜和5道菜套餐，平日也供應三道菜午餐，save低約朋友去食啦。

[香港素食] 荃灣 | 簡品堂 Fresh Fresh Bakery：萌趣麵包店 必試麻糬QQ包&手工曲奇蛋糕

第一次見咁萌趣的麵包店！

店內更不止賣麵包咁簡單，由3D造型蛋糕到包羅萬有手工曲奇，由麻糬QQ包到麻糬布丁蛋糕，新年仲賣埋賀年黃金角仔！這天在荃灣逛街經過，一不小心就帶了一大袋回家，澱粉控一定要立即收藏。