[香港素食] 鰂魚涌 | 越式素食：香港第一間素食越南菜

2024/06/25

[香港素食] 鰂魚涌 | 越式素食：香港第一間素食越南菜

一般越南餐廳很難找到素食，醬汁又通常都有加魚露，香港素食者終於等到有間專做越南菜的素食餐廳啦！地點在鰂魚涌地鐵站附近，B出口落電梯向前行少少就到，交通幾方便架。

主食有湯檬、撈檬和飯類，素料由越南進口不含蛋奶，炒類會蛋但可以走。檯面樽素魚露撈檬汁有五辛，要走蔥蒜自己同店員講，會幫你安排。堂食只有10個座位，食飯時間好快坐滿，飲品暫時只有檬水和越南咖啡(有奶)，試業期間只收現金。

+++++

【 Misskitb 粉絲專屬好康】
iherb 優惠碼：MIS8129

下載超實用素食攻略：
港鐵沿線素食餐廳列表
香港必買素食手信

【首爾有素食】自由行攻略

+++++

鰂魚涌地鐵站B出口，落電梯之後過兩條馬路，再轉左就見到。這一帶全是細細間的食店，平日放飯時間就非常熱鬧。

入面簡約裝修，只有10個座位，我12點前到就未有人，落完單好快坐滿，門口都有人等位和買外賣。

試業兩星期左右，菜單仲係手寫，基本上就係撈檬、湯檬或者飯，另外有越式小食，飲品暫時得檬水和咖啡。

素料係越南佛堂訂的，所以無蛋奶五辛。不過炒粉麵果啲會落蛋，有需要走落單時同店員講。

桌上有一樽秘製素魚露，入面有五辛，唔食蔥蒜都係落單時同店員講。

隔離檯點的素豬排飯，望落幾大碟，仲有碟湯送。

素扎肉雞絲湯檬 HK$55 / 素牛油果芒果米紙卷 HK$55
老闆話自己鍾意飲咖啡，所以自己調配越南咖啡(有奶)，咖啡不是用煉奶，飲落唔會太甜，都真係幾越南咖啡味。

檬粉系列全部都可以揀湯檬或撈檬，個湯係自家用蔬菜熬煮，都幾好味。素扎肉和素雞絲的份量頗多，吃起來很豐富，記得落埋辣椒和青檸食先正宗。

米紙卷除了牛油果和芒果，還包了青瓜、蘿蔔絲和花生，點魚露食好清新。同埋佢個米紙好薄唔黐牙，無平時食果啲咁厚身。