2020/11/02

[香港素食] 九龍城 | 一襌 NIZEN (二訪):咖喱野菜椰菜花飯+豆腐抹茶=低醣午市套餐



好久沒去吃一襌,這天忽然想起就搭車落九龍城,終於都食到咖喱椰菜花飯。其實這間除了素食友善之外,都幾多低醣選擇架,想食得健康一點可以多點去吃。

++++++++++++++++++++++++++++++++++++++++++++++++++++++++++++++

按讚我的粉專,追蹤最新鮮早餐與蔬食旅遊情報:

++++++++++++++++++++++++++++++++++++++++++++++++++++++++++++++



因為第二次來,我已經非常熟路,直接上九龍城廣場二樓。附近好像就快開地鐵站,未來交通會更方便。



這天午市十二點一點左右來吃,這是我吃完走的空景,午飯時間都叫做坐滿人既,不過座位唔係好多啦。



午餐時間來到有比較抵食的套餐,中間兩款係無澱粉主食的「椰菜花飯」和「青瓜意粉」(其實純素沙律都算低醣),仲有一個係素漢堡,附餐湯和HK$35以內飲品,其他特飲可以補差價轉。



這天有兩款純素蛋糕,另外仲有純素曲奇。我都諗左好耐食唔食蛋糕好,不過後尾覺得兩款口果都唔係我非常鍾意,所以放棄左。


日式烤野菜咖喱配椰菜花飯 HK$98 豆腐抹茶 +HK$20轉

這個椰菜花飯我之前已經好想試,烤蔬菜有薯仔、番茄、茄子、蓮藕和翠玉瓜,中間的椰菜花飯份量適中,可能加左薑黃炒到變左黃色。日式咖喱汁好濃郁,係甘口味完全唔辣果種。椰菜花飯咬起來爽口,而且幾重菜味,完全唔會似飯,有些人可能吃不慣或跟期待有落差。這個椰菜花飯的缺點是不夠蛋白質,有幾舊豆腐或天貝會安樂少少,好采我叫果杯係豆腐飲品。

豆腐抹茶原來真係用一磚磚果種豆腐打,口感幾幼滑,亦很香抹茶味,兩者味道都幾夾,非常有驚喜。

+++++
餐廳資料
一襌 NIZEN
地址:九龍城賈炳達道128號九龍城廣場UG樓UG18號舖
電話:+852-3613-0133
營業時間:08:00 - 19:00
FB:https://www.facebook.com/nizenhk
IG:https://www.instagram.com/nizenhk/
地圖:


+++++
Δ 版權所有 (歡迎轉貼連結。嚴禁全篇圖文轉載!)
Δ 邀訪 / 合作 / 推廣 / 聯絡請洽:misskitb@gmail.co