2020/11/21

[食譜] 法國蘋果流心包 feat.法國新鮮水果蔬菜跨區促進會(INTERFEL)



唔講唔知法國原來係歐洲第三大蘋果出產國,平常在香港買到的加拿蘋果、史密夫蘋果大部分都係法國出品,聽聞今年收成的蘋果質量好好,除了直接吃也可以試試由星級名廚創作的特色食譜,我就蒸了這個蘋果流心包,酸酸甜甜的中式包都幾有趣喎!

++++++++++++++++++++++++++++++++++++++++++++++++++++++++++++++

按讚我的粉專,追蹤最新鮮早餐與蔬食旅遊情報:

++++++++++++++++++++++++++++++++++++++++++++++++++++++++++++++



上禮拜收到一盒由 INTERFEL 寄來的法國蘋果,入面有三個不同品種的蘋果,仲有焗包的材料和食譜等。

法國新鮮水果蔬菜跨區促進會(INTERFEL)是一個法國農業私營協會,嚴密監控蔬果生產、運輸、出入口、批發以至分銷等等,為消費者帶來達安全標準且頂級美味的水果和蔬菜。



你估下法國產的蘋果有幾多個品種?

竟然有400款咁多!乜原來蘋果有咁多品種既咩?真係見到都唔識分,我淨係認得富士蘋果和青蘋果,哈哈哈哈。很多常聽到的品種如加拿、史密夫、金冠和粉紅佳人;以至新品種茱麗葉、Honeycrunch、Candine、Lolipop和Kissabel等都係法國產,嘩,如果逐隻試齊晒都幾好玩!

今年法國蘋果收成達1.43公噸,雖然較去年少但質量相對更佳。

曾任兩間米芝蓮餐廳的法籍星級名廚 Charles Soussin 就設計了幾款中西食譜,使用三種清脆可口的蘋果入饌,估唔到食蘋果都咁有創意。



參加完大廚的網上 Masterclass,我周末就來動手試試看,蒸幾個蘋果流心包食下先!

由十一月下旬開始,會有買法國蘋果送精美禮物包和食譜的推廣,去超市或街市買生果時可以留意下。


蒸包
200g 小麥麵粉
50g 白米粉
4.6g 烘焙酵母
1茶匙 發粉
1湯匙 蜂蜜
150ml 水
1湯匙 葵花籽油

混合粉類材料,加水揉1分鐘,再加油揉5分鐘,室溫發酵45分鐘。

我加水揉完的時候麵糰是非常正常的狀態,但唔知點解加油再搓就勁黏手,因為驚再搓會出筋又唔想落太多手粉,所以我由得佢照發酵哈哈。雖然秋冬都好暖,但我都預熱左個焗爐用來發酵。因為想有造型,簡單分左小部分麵糰,混合竹炭粉搓成灰黑色。


杏仁蘋果流心餡
250ml 杏仁奶
3個 蛋黃
50g 糖
50g 粟米粉
2個加拿蘋果
1個史密夫青蘋果
1個茱麗葉蘋果

因為我最近飲緊豆奶,費事特登開盒新的杏仁奶,所以我改左食譜。基本上係先煮熱個奶,混合蛋黃和粉類材料,持續攪拌煮至濃稠。餡料要放入冰箱冷卻,再拌入蘋果粒。我比較貪心真係切晒兩個蘋果加入去,結果好似太多蘋果粒,建議你用1/3至半個就夠。法國名廚話紅色for香甜,青色for清爽,所以要有紅有綠的蘋果。



麵糰發酵完成就可以包餡造型,中式包只需要發酵一次,無做西包咁麻煩。



白色麵糰平分成六份,將它壓平成圓片,中間包入一湯匙餡料,搓返靚圓形就好。放在烘焙紙上,再用加色麵糰造型,輕輕黏上去就可以了。



流心包放入蒸爐內,水煲蒸12分鐘就可以了。



很少會做中式包子,估唔到都成功喎。





包子的口感唔錯,不過我得承認包餡係有點求其。



一日一蘋果醫生遠離我,我諗食蘋果包都一樣得既。

+++++
Δ 版權所有 (歡迎轉貼連結。嚴禁全篇圖文轉載!)
Δ 邀訪 / 合作 / 推廣 / 聯絡請洽:misskitb@gmail.com