2020/10/28

[香港咖啡店] 尖沙咀Cafe | La Famille:超多口味迷你戚風蛋糕 少女心甜蜜下午茶



其實我一直都好鍾意鬆鬆軟軟的戚風蛋糕,每次經過 La Famille 都覺得佢地的迷你戚風好靚好吸引,最近先發現品牌的尖沙咀有現場座位,仲有下午茶餐可以坐低慢慢食,梗係要即刻去試下。

++++++++++++++++++++++++++++++++++++++++++++++++++++++++++++++

按讚我的粉專,追蹤最新鮮早餐與蔬食旅遊情報:

++++++++++++++++++++++++++++++++++++++++++++++++++++++++++++++



La Famille 在尖沙咀海港城海洋中心二樓,唔熟路的話可能要搵一陣。



這家店有提供外帶和內用,現場座位大約有三十個,下午茶時間都有機會會坐滿架!



這天下午三點左右來到,店內還沒有很多人。



我覺得這個corner 和張花花檯好靚,所以影一張相留念。



迷你戚風蛋糕口味超級多,睇到人眼花瞭亂,最大件事係全部都好似好好食嘛!單是朱古力口味就有兩款,另外有秋天栗子口味,有玫瑰花的打卡良品,仲有好多fans的抹茶味等等。



套餐有一人和二人份兩種,本來係一個迷你戚風再加一個花花果凍,不過這天果凍剛好無來貨,所以可以選兩個戚風蛋糕。套餐仲包兩杯飲品,經典咖啡系列都可以揀,特飲的話可能要補差價轉。



除了咖啡之外,這邊都有預備一系列賣相好靚的打卡飲品,粉粉的玫瑰雲朵泡沫咖啡應該很受少女歡迎。


黑朱古力戚風 / 榛子奶茶戚風 / 玫瑰泡沫鮮奶咖啡 / 伯爵雲朵鮮奶咖啡

蛋糕座和盤子都有金色圖案,好靚喎。迷你戚風蛋糕比想像中大個,口味配搭和造型都很有心思。



我和朋友都是朱古力控,所以揀左這個黑朱古力戚風蛋糕,切開中間有流心熱情果醬都幾驚喜。蛋糕外層有朱古力脆皮,就係脆皮雪條果種有果仁的朱古力脆皮,配蛋糕又幾特別。因為中間的酸酸夾心,所以吃起來不會太甜膩,朱古力味都幾充裕。



滿滿榛子醬的蛋糕,真係唔係講笑,比外表睇起來多一倍。兩層戚風蛋糕中間也是滿滿榛果香,幼滑口感好像吃雪糕一樣,味道不會太甜都幾適合香港人口味。

專注做戚風蛋糕的甜點店我覺得都幾特別,每一款口味都充滿誠意,如果想約朋友在尖沙咀下午茶,很推薦這個充滿少女心的粉紅角落。

+++++
餐廳資料
La Famille

地址:尖沙咀廣東道海洋中心2樓Kiosk 53-27號海港城
電話:+852-3758-2631
營業時間:10:00–22:00
官網:https://www.lafamillecake.com/
FB:https://www.facebook.com/lafamillechiffoncake
IG:https://www.instagram.com/lafamillecake/
地圖:


+++++
Δ 版權所有 (歡迎轉貼連結。嚴禁全篇圖文轉載!)
Δ 邀訪 / 合作 / 推廣 / 聯絡請洽:misskitb@gmail.com