2020/10/13

[香港素食] 荃灣 | 麻辣風雲:蔥蒜王大愛!特式自選干鍋風味十足



荃灣這間麻辣風雲最適合蔥蒜王和濃味王,就算唔食得辣都好多野揀,今次跟朋友兩個人食個自選干鍋,配菜可以任選想食素食肉都得,最正係超多蔥超勁蒜,風味十足食個不亦樂乎。

++++++++++++++++++++++++++++++++++++++++++++++++++++++++++++++

按讚我的粉專,追蹤最新鮮早餐與蔬食旅遊情報:

++++++++++++++++++++++++++++++++++++++++++++++++++++++++++++++



麻辣風雲位於荃灣海壩街,要行上一樓,只此一間並無其他分店。



餐廳佔據一整個樓層,所以入面環境幾大幾闊落,兩邊仲有卡位坐幾舒服,盡處仲見到有包箱適合各種聚會。



近門口牆上有好大個「掂」字,餐廳的酒水牌和一些細部設計都有花過心思,處處有特色。



一或兩個人來食飯,這個自選干鍋最方便,有點像車仔麵可以自己選配料,想食素食肉都好多選擇,一鍋可以食多種蔬菜。「干鍋」固名思義是沒有湯的,並非一般打邊爐,鍋底已經有蓮藕片、福花、萵荀和京蔥,仲可以自己蔥爆/重蒜/香辣/麻辣口味,辣度亦可以自己揀。我地揀左蔥爆但都有好多大蒜和炸蒜,兩個喜歡吃蔥蒜的人非常開心滿意。


自選干鍋 (鍋底HK$68 + 五款配料 HK$28×5)

干鍋有限定最少選五款配料,每款配料價格由HK$25至HK$68不等,加上鍋底價格你預算一鍋HK$200起跳啦。我們選了手打牛丸、手打墨魚丸、娃娃菜、鮮枝竹和豆干,上桌有個小火爐暖住,都幾大鍋賣相誘人。



整鍋菜用大蒜、京蔥爆香過,所以食起來非常蔥味,我最喜歡蔥香和蒜香了!入味的娃娃菜、豆卜、枝竹超好食。咦,咪住,我們明明點了豆干,為甚麼會得到豆卜呢?看清楚才發現店員落錯單,問一問之後都有補返一份豆干俾我地。



坐低先發現最近仲做緊「一蚊一碟雞」優惠,晚市來吃飯只要幫餐廳粉專按讚,即可以用HK$1換一碟口水雞,份量唔算好大碟,過下口癮都唔錯,朋友話都幾夠麻辣。

荃灣區都真係幾多特色餐廳食肆,下次來覓食的時候如果想吃濃味醒神菜式,麻辣風雲一定幫到你。

+++++
餐廳資料
麻辣風雲

地址:荃灣海壩街108-114號 Tsuen Pik Building 1樓
電話:+852-2156-9291
營業時間:11:30–02:00
FB:https://www.facebook.com/TheSpicyRestaurant
IG:https://www.instagram.com/spicy_restaurant_hk/
地圖:


+++++
Δ 版權所有 (歡迎轉貼連結。嚴禁全篇圖文轉載!)
Δ 邀訪 / 合作 / 推廣 / 聯絡請洽:misskitb@gmail.com