2021/01/28

[香港素食] 灣仔 | 美味廚Megan's Kitchen:米芝蓮推介餐廳素食打邊爐 超豪華一人一鍋體驗



到底連續十年獲米芝蓮推介的火鍋有幾厲害呢?更厲害的當然是餐廳有豪華素食邊爐啦,由湯底到醬料到蔬菜拼盤到素食丸子,每一樣都極之精緻,仲可以一人一鍋放心食添!


++++++++++++++++++++++++++++++++++++++++++++++++++++++++++++++

【 Misskitb 粉絲專屬好康】

iherb 優惠碼:MIS8129


按讚我的粉專,追蹤最新鮮早餐與蔬食旅遊情報
https://www.facebook.com/breakfastland

++++++++++++++++++++++++++++++++++++++++++++++++++++++++++++++

美味廚獨家95折優惠!秋冬素食火鍋走起來!




美味廚獲獎無數,已經連續十年獲米芝蓮推介,今年2021年剛出爐當然也榜上有名啊!



餐廳環境高貴典雅,另外要記得美味廚全香港只有灣仔這一間店,其他同名的並無關係,約朋友唔好去錯。



除了圓檯也有提供這種比較私密的空間。


素味初嚐火鍋套餐 HK$838 (2-4人)、HK$1,488 (6-8人)

這個素食火鍋套餐原來去年已經推出,係我後知後覺,圖中就係成個餐的份量,2-4人食絕對係夠有突。湯底是「四川風味素酸辣湯」,整個非當足料又濃厚,你可以揀要大鍋或者要求一人一鍋,自私鍋又好似係衛生安全一點。順帶一提,個湯底好快滾,唔需要擔心要等好耐。


陳皮馬蹄京蔥Beyond Meat素牛丸
毛豆百頁OmniPork素豬肉丸
萵筍鮮冬菇OmniPork素豬肉餃(菠菜皮)


美味廚手工製作的丸子和餃子都很有名,師父也特別創作了素食版本,使用 Beyond Meat 素牛肉和 OmniPork 素豬肉,吃起來都幾 Juicy,但就唔係彈牙果種口感。餃子入面有大條萵筍,吃起來夠爽脆,口感都幾好。

如果食完覺得鍾意的話,也可以買冷凍丸子和餃子返屋企自己煮,詳情可以向餐廳查詢。


韓式串燒素牛肉片 / 健美素廚師腸素菜串燒

我好少食到有串串的打邊爐,又幾有趣。你睇,食素都有素牛肉片滾下滾下架!西蘭花搭素廚師腸都幾有趣。


五式麵拼盤

五種麵分別有日本蕎麥麵、日本綠茶麵、日本素麵、天使麵和米線,麵條看起來手工感十足,又有唔同顏色都幾醒神,原來打邊爐都可以有咁多種麵食既。


多色蔬菜拼盤

蔬菜拼盤色彩繽紛,真係見到都心情興奮,鮮冬菇大大隻,仲竟然有黑松茸菇咁高級,我都係第一次食。另外仲有南瓜片、蓮藕、白玉蘿蔔、紅心白蘿蔔、金菇、大蔥和車厘茄等等。就咁睇雖然唔多覺,但其實下層收埋左勁多綠色蔬菜,食極都食唔完咁樣。


豆腐製品拼盤

黃豆真是神奇的食物啊,一人竟然可以分飾咁多個角色,成碟都係用佢做出來喎!這入面有日本絹豆腐、蜂巢冰豆腐、山水豆腐、素雞、千層腐皮、豆卜和響鈴等等,其實我都唔太認得佢地,唔肯定有無認錯,都話食素真係好多野食架啦!



自助醬料的部分基本上都係素食,要留意這盤其中一個 XO醬入面有豬肉,記得請店員拿走。另外,店內日常用的豉油有加入魚露調製,素食者可以改用一般豉油,店員都會貼心提醒。



豉油想加甚麼都可以自己隨心加,紫洋蔥、蒜粒、紅辣椒和青蔥都切得好整齊好骨子,高級餐廳果然係比較講究。


香煎素午餐肉

差點忘記套餐還有這個煎得香脆的新餐肉,可以當餐前小食直接吃,也可以放入火鍋煮一煮再吃。



第一次吃黑松茸菇,覺得非常高級,吃起來又沒想像中咁香,但有自己的味道。



這個是韓國品牌的素牛肉片,跟真牛肉片一樣,我覺得不宜煮太耐,煮太耐好似會太軟爛。

除了這個素食火鍋套餐之外,單點菜單都有提供素食湯底和好多素食火鍋料,圖中的丸子餃子串串當然也可以散叫,一兩個人來吃也可以啊。新年情人節元宵節想約朋友打邊爐,可以試下米芝蓮推介,美味廚農曆新年都照常營業架。

美味廚獨家95折優惠!秋冬素食火鍋走起來!



+++++
餐廳資料
美味廚Megan's Kitchen

地址:灣仔灣仔道165至171號樂基中心5樓
電話:2866-8305
營業時間:12:00 - 20:00 (星期二至六)
官網:https://www.meganskitchen.com/
FB:https://www.facebook.com/meganskitchen.hk/
IG:https://www.instagram.com/meganskitchen.hk/
地圖:


+++++
Δ 版權所有 (歡迎轉貼連結。嚴禁全篇圖文轉載!)
Δ 邀訪 / 合作 / 推廣 / 聯絡請洽:misskitb@gmail.com