2021/01/18

[香港素食] 中環 | Grain of Salt:美滿人生由健康飲食開始 營養師教你平衡之道



想擁有健康身體要從飲食入手,但對很多人來說都係知易行難,計我話最簡單的方法就係去營養師開的餐廳食飯。中環這間 Grain of Salt 就將營養餐點與營養咨詢結合,地下有提供好多純素美食的咖啡店,樓上則可以預約見營養師,一站式為你帶來健康人生。

++++++++++++++++++++++++++++++++++++++++++++++++++++++++++++++

按讚我的粉專,追蹤最新鮮早餐與蔬食旅遊情報:

++++++++++++++++++++++++++++++++++++++++++++++++++++++++++++++



新店位於中環歌賦街,左右隔離都係餐廳,屬中上環上班族覓食好去處。



餐廳外型搶眼,外面的位置已經迅間成為 IG 網美打卡熱點。



我覺得餐廳整個理念都好有趣,而且滿滿正能量,好吸引人來愉快用餐。



一樓提供咖啡輕食,座位不多,向窗有三個單丁位。



另外再有三張小圓檯,現在限聚令就每張檯最多坐兩個人。



行到最入面有個貨架,賣的東西都幾有趣,例如幫你計好食物比例的碟、自家品牌環保水樽和膠樽循環再造的檯布等等。



樓上係辦公室和營養師咨詢的空間。



餐點目前只有 7 樣,全部都係比較簡單的輕食,全部都無肉喎!當中仲有大部分係純素,亦有 Keto Friendly 的選項。



飲品有咖啡,亦有紅菜頭、薑黃以至抹茶拿鐵,當然亦有健康人士必備的各種果昔。



咖啡機上面的公仔好得意。



外帶杯都採用環保紙杯,我覺得Slogan都幾有趣,看著就覺得健康了一點。


Latte HK$40

咖啡我覺得幾好飲喎,是我喜歡那種帶可可香的口味。這次沒有轉植物奶,剛剛才看到這邊轉植物奶不用加錢,下次換下先。


Soup-er (Veggie) Dumplings HK$88

餐牌上唯一一個熱食(雖然都唔太熱XD),不過冬天有湯湯水水比較溫暖。餃子吃起來香氣十足,店員說餡料和湯頭都用了五種不同的菇,皮薄餡靚都幾大隻不過有2隻煮爛左。個湯都真係好有菇味幾好飲,不過份量略嫌少了點。



淺淺的菇湯,擺盤有心思,就是很精緻的感覺。



座位不是很舒服那種沙發椅,不過很具設計感,牆身這個橙啡色也的確夠獨特。



於店內消費每滿 HK$50 可獲印仔一個,集滿12個就可以換 15 分鐘營養咨詢一次,可以量體脂之類,簡單同營養師傾下。

餐廳環境咁靚係食得幾開心,最重要係有健康好味的素食,餐牌上面全部野我都可以揀,又有靚咖啡配返,下次再約朋友來吃。

+++++
餐廳資料
Grain of Salt

地址:香港中環歌賦街47號
電話:9861 6657
營業時間:08:00 - 18:00
官網:bit.ly/grainofsalthk
FB:https://www.facebook.com/grainofsalthk
IG:https://www.instagram.com/grainofsalthk/
地圖:


+++++
Δ 版權所有 (歡迎轉貼連結。嚴禁全篇圖文轉載!)
Δ 邀訪 / 合作 / 推廣 / 聯絡請洽:misskitb@gmail.com