2020/07/08

三眼仔迷必訪!朗豪坊Toy story 期間限定店



嘩嘩嘩,聽說朗豪坊最近被三眼淹沒了,當然要去睇下啦!你估下我買左咩無聊野?



++++++++++++++++++++++++++++++++++++++++++++++++++++++++++++++

按讚我的粉專,追蹤最新鮮早餐與蔬食旅遊情報:

++++++++++++++++++++++++++++++++++++++++++++++++++++++++++++++



三眼仔ALIEN REMIX期間限定店在朗豪坊4樓通天廣場,面積其實不算大,商店區有圍欄圍起,要排隊量體溫才可以入內。外面都有幾個可以影相的位置,如果商店區太多人可以在外面影住先。

我覺得最得意的係扮唔同卡通人物的三眼公仔,不過原來無得散買,要買袋或者座墊等產品先會送。幾款袋都實用既,但我就唔會揹出街囉,如果真係好想要堆公仔,可以買座墊擺梳化都ok。



商品咩類型都有,由大件行李箱到細細粒文具仔都有,豐儉由人。我就專門鍾意買d實用既細位仔野,你鍾意著上身的話都有自選圖案T-shirt可以買。



食得的都有唔少選擇,印左圖案的馬卡龍、有插牌的千層蛋糕和個罐好靚的餅仔之類,整體來說我覺得無咩創意,吸引力欠奉。



限定店中間仲有一堆膠公仔展出,都係三眼仔扮唔同人物的主題,仲有水晶版,應該都係for玩具收藏者買既,我屋企就無位擺呢d,都係幾得意喎睇過就算。



我覺得套環保餐具幾靚,不過入面d餐具無公仔既,又未至於一定要買。三眼仔遮柄都好正,真係要買的話我應該會買遮,起碼落雨拎出街都開心!不過我已經有把三眼仔縮骨遮,再考慮下先。

場內除了三眼仔,其實還有賣好多其他 Toystory 角色的產品,包括 Forky 和果兩隻兔仔等等,如果剛好有咩日常用品、餐具、文具或袋仔要買,可以來掃下貨。鍾意三眼仔的話都應講要來望望既。

+++++
活動詳情
迪士尼與彼思 — 三眼仔ALIEN REMIX期間限定店登陸朗豪坊
日期:27/06/2020 - 30/07/2020
時間:11:00 - 21:00
地點:4樓通天廣場

+++++
Δ 版權所有 (歡迎轉貼連結。嚴禁全篇圖文轉載!)
Δ 邀訪 / 合作 / 推廣 / 聯絡請洽:misskitb@gmail.com