在印度超級市場買到印度茅屋芝士Paneer，於是好想食咖喱，本來想用上次去曼谷學的咖喱食譜，但行開甘薯葉見到有素食咖喱醬就買包試下。
包裝後面有寫用法，原來係用清水煮個醬再加椰奶，但我鍾意椰香所以直接用椰奶煮。除了印度芝士之外，我還切了茄子、本菇、金菇、番茄和花椰菜進去，結果好像太貪心變成超多料蔬菜咖喱。
本來仲想切紫洋蔥，但個煲已經塞唔落 XDD。本菇本來想落成包，但都係唔夠位所以切一半。中間那包就是在甘薯葉買的素食咖喱醬，即開即用味道仲唔錯，成分都幾單純無咩化學添加，可以推薦。
印度芝士其實係壓實成磚形的茅屋芝士，有淡淡奶味，通常用來煮咖喱。
先將椰奶煮沸，加入素食咖喱醬，煮出油脂之後再放入蔬菜，煮到蔬菜熟就食得。
低醣飲食必備之椰菜花飯，用果汁機打碎炒乾就食得。這次用小杯子作模具，裝滿壓實倒轉放在盤子上，拿起來就有形狀漂亮的飯塔了。
黃色炒椰菜花飯加點薑黃炒勻就可以，再用同樣方式倒模。
這個低碳素食蔬菜咖喱飯食完好滿足！不過煮一次要成兩個鐘，分兩餐食。
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com
第二種吃法：蔬菜咖喱配麵或蒟蒻麵
想要認真煮咖喱，所以特別去找品質比較好的椰汁，結果發現市面上十款有十款椰汁都有加化學添加劑，明明椰汁應該是很有益的食材啊！找了很找就想起這個有機牌子，終於給我買到有一罐 100% 沒添加的椰汁了！Nature's Charm 除了椰汁，還有煉椰奶和椰奶忌廉等多種純素產品，價錢不是嚴重貴。我這罐在甘薯葉買廿四個幾，素咖喱醬都係廿四個幾，這樣煮一次可以一個人食三至四餐或四個人食一餐，計起來都很合理。
咖喱除了配飯，也可以拿來配麵條，低醣飲食可以用蒟蒻麵，全都一樣好食。
++++++++++++++++++++++++++++++++++++++++++++++++++++++++++++++++++++++++++
LIKE ME ON FACEBOOK
FOLLOW ME ON INSTAGRAM
@misskitb