觀塘區人來人往,吃素的人應該也不少,那區內又有甚麼素食餐廳或者葷店素食可以揀呢?這天走入東廣場,竟然發現入面就有七間店有素食之選,當中有純素餐廳也有葷店方便素,價錢大部分都幾合理添。
目錄
1/ My Burger:HK$50有找超美味素食漢堡2/ 愛家愛便當:日式純素便當 (VEGAN)
3/ Comfy:高級咖啡店素食西餐
4/ 素食譜:平價純素自選車仔麵 (VEGAN)
5/ 幸福馬尺:方便素便當日式飯糰
6/ Even Green:自選營養沙律
7/ MOS Burger:日式快餐米漢堡
![](https://blogger.googleusercontent.com/img/b/R29vZ2xl/AVvXsEhBfMNc14NPqzh-mWnEY2HvUUMKK-g3PXqzE8YKIJ28jKpsZKc7NfwQgtLBuFwoZZEL2SvP9OEslEjYgL8F4uwU0dpcidyCztZ5kX8sgd7ZGGoCRSmxuf-FXyiJmKoHYUYHBE2jZRiBlDhTS8z7LvEw0qzWB0nQJTFKN8a_M0JwXruRDTEW4m813xDO/s16000/600-x-450.png)
+++++
【 Misskitb 粉絲專屬好康】
iherb 優惠碼:MIS8129
Joirme香薰蠟燭8折優惠:kitty2021
找得意食譜/料理靈感:https://linkin.bio/ig-misskitb
+++++
1/ My Burger:HK$50有找超美味素食漢堡
這間漢堡店我好多年之前已經吃過,唯一印象就係個素漢堡超好食!這裡沒有用素肉排,純粹係大啡菇加蔬菜,售價 HK$50 樓下,絕對係又平又好食之選。![](https://blogger.googleusercontent.com/img/b/R29vZ2xl/AVvXsEiuiL8ZSridn_M0GaLPVAytnIus37Gohr8QDcwfQwsnp904waRyZzKcJhsWsay5M7XHrdb3rQ-BtpaKWLaQ8FFmVYDBT5Cac_hPU9NuYKzkmWoWAuAUsQMwJZLT5YUsyi4KNH3cRGF93GE/s16000/cats1.jpg)
2/ 愛家愛便當:日式純素便當 (VEGAN)
這家純素外賣店主打日式便當,有壽司飯糰和各種日式小菜料理,賣相都幾精緻架。![](https://blogger.googleusercontent.com/img/b/R29vZ2xl/AVvXsEjYTIUgKM9G9vymIZT4i7zwjN0p_jrbPd-nzmw6XO6HUEr8HbwOvRm_xBXsXl5OT9kQEv1PkqmOZ1pu1ubG8VUpf8qkYdHa-VFIiDoYXQqX3XakkOeVgIsVdbjh0xcaRqk27vW2JqwXP-I/s16000/cats2.jpg)
3/ Comfy:高級咖啡店素食西餐
新開業的文青風咖啡店佔了商場地下一個大角落,入面裝修幾靚幾骨子,想搵個好少少的地方食飯可以揀佢,當然價錢都貴一截。餐牌上有唔少素食選擇,由沙律、全日早餐、漢堡、薄餅到意粉都有,漢堡用 Impossible burger,薄餅意粉有用新豬肉。![](https://blogger.googleusercontent.com/img/b/R29vZ2xl/AVvXsEjET2vOKA90XMs_hlIty1pgeiwmrO-cl7KDfmiHuEEvNzpiLeUBDrAWiUL8yG95fatVfzzmBe_cGxhJfPNEIWC_Z4ANlGvgkp1FqkmagbkRX5Tp-3n7lEBQI94VpcWbkfE4zMQ2iyl2jYg/s16000/cats3.jpg)
![](https://blogger.googleusercontent.com/img/b/R29vZ2xl/AVvXsEgjCcQAUyxZGaZCivAoPk7VIZ8DB_NOpnSyoXEC0x96uOOyWQ6b5WECmae6wHnnvdGJGZ5vi4Pjxeth24C01E9uXK0VSErHIRFMwQd-u_rQANFsDj8SNW0nfTik-m4xp4C_ESESOLOtGCw/s16000/cats4.jpg)
4/ 素食譜:平價純素自選車仔麵 (VEGAN)
一入商場就見到的素食小店,主打 HK$40 有找的純素車仔麵,可以自選三個菜,自家特製湯底用味噌煮幾清甜味香。除了車仔麵之外,亦有多種素食飯餐可以揀,每日有例湯和自家製養生茶等。![](https://blogger.googleusercontent.com/img/b/R29vZ2xl/AVvXsEhSxvUPE48LAhl7Mg9yTsqQDu30pGMNIIw56-uMuOPpZQ9H_Ilkot5vkd1YtXZshWBelJvTcpNgjbzNB4eaoJ7cIaXbn44otLYjlcPN3xfAqfMQquW26FooQ_Bx52uW2-xEGtjqcw5BhgM/s16000/cats9.jpg)
5/ 幸福馬尺:方便素便當日式飯糰
喜歡吃日本菜的話可以吃這間飯糰專門店,除了玉子、新豬肉、梅子和腐皮幾款素食飯糰(HK$16-HK$20)之外,亦有兩款素食便當,用了新餐肉和素牛肉片,套餐仲有特價,都係平價之選。![](https://blogger.googleusercontent.com/img/b/R29vZ2xl/AVvXsEgfmRcQthrUZmzimoJ6aI_vZQUPzjcE_UmD2Pmc-UTkM1REOdg4M158x9Tib9Q8SYJIKK616aUDj6UFc_ZDqloBtdfV59X2ecDRmu0iT2JvUIS0UoKwZKirRQNzNoJV7YoLKxWHFDirrJE/s16000/cats5.jpg)
![](https://blogger.googleusercontent.com/img/b/R29vZ2xl/AVvXsEgpYMsyBFWSxNhdSpvmFS3vTP5K9xYhTiHOIKB_VE8WpDr_yKZbTbYFf0bVmw6nEeCVpY68qZO5yb-iBB2qtm5wYpaei_Nm5n93mvgh-CLSs347f41yzNTYtnQn8tGFXPeyvNMo_pmxYNk/s16000/cats6.jpg)
6/ Even Green:自選營養沙律
夏天想食清爽的素食沙律,這間就有色彩繽紛的選擇,每日有近十款沙律可以自己揀,當中有唔少都係素食。沙律以新鮮蔬菜和水果製作,原型食物健康又有營養。![](https://blogger.googleusercontent.com/img/b/R29vZ2xl/AVvXsEg2qlqkim_PDD5ewy35SuOMehdAjzyGl5OxXD8BYQXLexyGYPIpg8a76f5ik2OiEDc1-MHTo1xnFbgmSCdacOu3j-y5cawzREivOIJnFy-rRS5lKiPQo_uIFIiqoqhHDxjrhMblUtDRaGQ/s16000/cats7.jpg)
7/ MOS Burger:日式快餐米漢堡
如果你都係掛住連鎖快餐店,近門口這間 MOS Burger 其實也有方便素選擇,金平牛蒡米漢堡係清爽之選。留意返上面果個北海道南瓜漢堡,雖然表面上沒有肉,但據說換左食譜入面可能有動物成分,要查清楚先可以食。![](https://blogger.googleusercontent.com/img/b/R29vZ2xl/AVvXsEgKNvSah0fHjBlOhGm7Ml8q55d6jwlrOUn-eYbR1bzL0hOWYBZNPSkOFEJ0_Ptd3wa14v3W24UXUVbTH-lCO3uBYUCJ-ZQ6JAAurIL79mwG8vCjwjJTe7mC4c5amL_x5TGnxcNWTCAcpa4/s16000/cats8.jpg)
估唔到觀塘單是一個東廣場就有咁多素食,你又有無其他心水選擇呢?
觀塘 | Vegetarian Kitchen by Dickson Yoga:去瑜珈中心吃美味素食?
觀塘 | 漢堡專門店moo moo burger:輕盈菇菇素漢堡
+++++
Δ 版權所有 (歡迎轉貼連結。嚴禁全篇圖文轉載!)
Δ 邀訪 / 合作 / 推廣 / 聯絡請洽:misskitb@gmail.com