2020/12/06

[香港咖啡店] 中環Cafe | Between Coffee:藝術館內萬呎CAFE 陽台喝啡吃水果三文治超寫意



大館充滿歷史痕跡的建築後面,有一棟外型好現代的「賽馬會藝方」,入面的建築設計幾特別,又有藝術展覽睇,仲有間上萬呎的咖啡店。上個周末剛好跟朋友在附近吃飯,飯後就去排隊等位試下。

++++++++++++++++++++++++++++++++++++++++++++++++++++++++++++++

按讚我的粉專,追蹤最新鮮早餐與蔬食旅遊情報:

++++++++++++++++++++++++++++++++++++++++++++++++++++++++++++++



雖說是面積上萬呎的咖啡店,周末都係坐滿人要留電話排廿幾張檯先入到去,香港人真係無地方去勒。

我們這天是星期意大概兩點到門口,留低電話之後去左附近咖啡店坐,坐到三點零就收到電話話有檯。留名的時候可以講明想等戶外位啊。



進門就見到咖啡吧檯,咖啡店提供堂食和外賣,我見好多等唔到位的人就直接買杯外賣咖啡然後響入面周圍行影相(傻眼)。



咖啡店的甜品賣相吸引,最受IG打卡人士歡迎的應該係水果三文治。





自家品牌的幾款咖啡豆。



咖啡店的座位可以分幾種,近門處有這些看台式的大眾座,無間隔無檯。



另一邊有一整排正常餐桌座位,最受歡迎的應該是戶外陽台座。



如果你是每日都買咖啡飲的人,不妨揀隻自己鍾意品牌的環保咖啡杯,每日節省一隻紙杯地球感謝你。



貨架上目前有少量品牌自家商品。



食物有鹹有甜,嘩有個北海道海膽意粉成 HK$258 都幾誇張,不過三文治 HK$58 都算合理。



飲品除了咖啡也有朱古力和茶,喝啤酒也可。我見最多人叫的有個黑白色芝麻椰子奶都幾特別,不過只有凍飲。

值得一提的是咖啡可以免費轉植物奶,仲有椰子奶、杏仁奶、豆奶和燕麥奶四款揀。


日本雞蛋/細香蔥/蛋黃醬三文治 HK$58 / 士多啤梨三文治 HK$68
Mocha(椰子奶) HK$48 / 凍朱古力HK$48


我因為見到可以免費轉椰子奶就不加思索轉左,完全無醒起植物奶比較難拉花,結果得到一杯白色霧面的飲品。凍朱古力就係店內另一款賣相搶眼的飲品,用來影相為主,朋友說朱古力味不濃。

至於兩款三文治則比想像中有水準,士多啤梨那款原來加了 cream cheese,吃起來沒有忌廉那麼單調。鹹食三文治有另一款炸豆腐扒我本來都幾有興趣,但唔知個豬扒醬會唔會有肉類成分就無叫到,蛋治都幾好食喎,溏心蛋又靚又高級,個蛋沙律仲好好味添,滿足。

我覺得坐外面陽台位真係有遠離繁囂的感覺,對住大館的景觀仲超悠閒,好似去左外國旅行咁樣。下次要揀平日再約朋友來慢慢坐。

+++++
餐廳資料
Between

地址:中環荷李活道10號大館賽馬會藝方2樓
電話:+852-2877-8711
營業時間:11:00–20:00 (星期一休息)
官網:https://www.between.coffee/
FB:https://www.facebook.com/betweencoffeehk
IG:https://www.instagram.com/_betweencoffee_/
地圖:


+++++
Δ 版權所有 (歡迎轉貼連結。嚴禁全篇圖文轉載!)
Δ 邀訪 / 合作 / 推廣 / 聯絡請洽:misskitb@gmail.com