2020/09/16

[香港素食] 旺角 | Taste of Korea 韓滋味：日韓水果 氣炸鍋食材 掃貨好去處



鍾意食日韓水果？想買方便氣炸鍋小食？介紹一個好地方俾你。

「韓滋味 Taste of Korea」是一間全新生活百貨概念店，最近在旺角MOKO新世紀廣場開業，交通非常方便，去開食飯可以順便掃貨。現場主打韓日直送新鮮水果和多款氣炸鍋食材，素食選擇唔算好多，但個樂天脆皮炸鮮奶和樂天脆皮炸鮮奶都好吸引，真係忍唔住買包返屋企氣炸一下。

閱讀更多 »
標籤：

2020/09/14

[香港咖啡店] 西營盤Cafe | Coffeelin：意大利雪糕與咖啡的夢幻組合



每次去西營盤都會路經這間咖啡店，起初只覺得「哦，綠色都幾靚丫」咁，後來先發現它主打咖啡+雪糕，招牌獨角獸飲品造型仲好可愛添！

閱讀更多 »
標籤：

[香港素食] 深水埗 | 堅信號上海生煎皇：超可愛永澤同學包子 仲有素食咕嚕肉



最近見到堅信號上海生煎皇推出左永澤同學包子，因為個樣太得意，唔可以唔去食下！包子真的跟照片一模一樣，完全乎合商品說明條例，吃起來仲幾有咬口。吃可愛包子之餘，也順便試試幾款素食上海小菜，個純素咕嚕肉又真係同真既一樣味喎。

閱讀更多 »
標籤：

2020/09/13

[香港素食] 太子 | 芋圓圓：高質素手工芋圓 配美味養顏糖水



到底幾時先可以去台灣食芋圓呢？等了又等期間，好在香港都有足料好食的手工芋圓。好紫色的芋圓圓原來在我家附近，這天路過正好入去試一碗，估唔到又真係幾好食喎！

閱讀更多 »
標籤：

[香港咖啡店] 太子Cafe | Nomad：文青風日本居酒屋 手工陶瓷杯飲咖啡



深水埗好多文青咖啡店大家都知道，原來行過少少的太子，亦有好多選擇，鋪位仲普遍大間闊落d。這間近界限街的小店，門面低調住附近都未必知，前陣子一到食飯時間就大排長龍，最近經過終於唔洗排隊，所以入去坐低飲杯咖啡。

閱讀更多 »
標籤：

2020/09/09

[香港咖啡店] 太子Cafe | Le Reveur：浪漫法式情懷 天燈下喝咖啡吃Crepes



繼深水埗之後，現在到太子勁開咖啡店，花墟附近一連冒起了三、四間，唔想去深水埗排隊，一於轉移陣地去隔離太子啦！

花園街這間是近期很有特色的一間，Le Reveur 竟然走浪漫法式風情，草叢牆紙、黑白網格椅和彩色天燈都優雅漂亮，唔想再影日系白色或者水泥牆，呢間係一個好選擇！

閱讀更多 »
標籤：

2020/09/08

[香港素食] 尖沙咀 | Palco Ristorante：無敵海景配意大利粉 名廚主理意大利菜



望住個維港吃甚麼都特別好吃，更別說是由名廚主理的意大利菜了。雖然不是素食餐廳，但餐牌上都可以搵到幾款適合素食者的菜式，而且擺盤靚味道有水準，想要搵 Fine Dining 素食可以考慮。

閱讀更多 »
標籤：

2020/09/07

[香港素食] 北角 | 舒房 Relax & Refresh：街角小清新 必吃牛油果多士



上禮拜去北角影紫色假花海，順便在附近的 Cafe 吃東西。舒房已經開業好一陣子，藍色牆加上戶外座位，曾經也是一個打卡熱點，現在倒也成了街坊休閒小店，食物飲品都做得唔錯架。

閱讀更多 »
標籤：

[香港素食] 西營盤素食地圖 | 素食者都想搬去西營盤？區內吃素有這幾間可以揀



近年西營盤開了很多特色小店，當中竟然有唔少素食餐廳或提供素食選擇，我諗果區都幾多人食素。更厲害的是，西營盤的小店十間有九間都好食又可以影相打卡，無得去旅行的日子，約朋友去玩一日食十餐都唔錯架。

閱讀更多 »
標籤： ,

2020/09/06

[掃街小食] 銅鑼灣 | Perfect Ice：韓國品牌人氣奶昔 全新港式口味夠貼地



韓國人來到香港要入鄉隨俗，韓國奶昔來香港當然要推出本土茶餐廳口味！

Perfect Ice 是在韓國很有人氣的打卡飲品店，來到香港銅鑼灣開店，寶藍色門面叫人眼前一亮。除了本身的招牌奶昔之外，小店最近就推出了三款香港特色口味，而且只賣HK$25一瓶，路過需要消暑可以一試！

閱讀更多 »
標籤：

2020/09/05

[香港旅行] 大埔 | 蝶豆花園：香港都有觀光農場！蝶豆花特飲 / 親親羊駝 / 湖畔露營 / 天空之鏡 玩足全日



唔好以為我去左台灣，其實這是香港大埔一個以蝶豆花為主題的觀光農場，環境又大又靚又舒服，真係好似去台灣旅行咁樣！最厲害是這裡有全港最多的羊駝，又有勁多打卡位，不管係小情侶或者家庭旅遊都好適宜！

閱讀更多 »
標籤：

[香港素食] 大埔 | V.W Vegan cafe：溫馨小店吃媽媽味純素料理



大埔對於我來說有點遠，所以這間純素小店 V.W Vegan cafe 開了這麼久我才有機會去。平日去食好似生意都唔錯，試左招牌日式媽媽便當，又真係幾家庭式溫馨味道喎。

閱讀更多 »
標籤：

2020/09/03

[香港素食] 中環 | Protein & Plants：超健康自選沙律 四款呎吋Impossible Burger俾你揀！



某日經過中環的時候見到這間「Protein & Plants」，頓時覺得好適合我，因為我平時主要就是吃植物和蛋白質啊！！(ok，還有好油) 睇真少少原來都有素食，除了可以吃沙律之外，更提供四個不同呎吋的 Impossible Burger 俾你揀，最平 HK$43 就有交易，實屬經濟之選！

閱讀更多 »
標籤：

[香港咖啡店] 上環 | Orange Dish：新開業咖啡$20杯 竟然有純素月餅食 仲有塗鴉花園可以影相打卡



上環最近開了間有少許隱秘的咖啡店，它位於「We Work」共享工作室的大堂，現在做緊$20蚊杯咖啡的超特價優惠，經過果頭可以去飲下啊~ 不過最令我驚訝的係咖啡店竟然有賣 moono 的純素月餅和曲奇，純素曲奇仲好齊貨，港島區的朋友要食唔洗過海都買到！太陽唔猛的話仲可以出花園影相打卡添。

閱讀更多 »
標籤：

2020/09/02

[香港素食] 中環 | Mother Pearl 圓貝：全港首間純素珍珠奶茶店！自家製植物奶/養生珍珠 給你創新健康選擇



上禮拜五行經中環，見到一間好靚的新店，心諗「哦，又賣珍珠奶茶」，但最估唔到既係佢並非一般珍珠奶茶，而係純素！養生！珍珠奶茶，以後嘴饞都唔需要有罪惡感，人生簡直充滿希望！

閱讀更多 »
標籤：

2020/08/29

[香港咖啡店] 中環Cafe | Cafe Hay Fever：鬧市小花園偷閒嘆咖啡



不經不覺，Cafe Hay Fever 已經開到第三間分店，由花墟開到來中環，新店對住大館，坐外面風涼水冷都幾好景。

閱讀更多 »
標籤：

2020/08/28

[打卡甜點] 中環 | La Viña ：足不出戶都嘆到西班牙品牌蛋糕 流心芝士蛋糕粉紅色磅蛋糕勁吸睛



今年要留家抗疫，少左好多機會周圍去影相打卡，呢個時候學會在家也能影打卡相非常重要！如果你無我整野食咁靚都唔緊要既，上網就訂到的網美蛋糕！今個禮拜剛開始試業的 La Viña 是 Cupping Room 的副線品牌，主打網購麵包蛋糕甜品，招牌 Basque Burnt Cheesecake 芝味滿瀉，訂一個返好屋企慢慢嘆超爽。

閱讀更多 »
標籤：

[香港素食] 中環 | GreenPrice 綠惜超市：唔好浪費！即將過期都可以食 平價掃素食產品



講個秘密你知，其實我成日食過期野 XD

唔肯定你知唔知啦，食品包裝上面的「最佳食用日期」實際用途只係參考和保障廠商，基本上無發霉無變壞都仲可以食。每日都有好多就快過期或者過左期的商品運去堆田區，浪費不少資源，喪屍襲地球的時候你就知道過期食物有幾珍貴！

所以在中環見到這間專賣即期商品的 GreenPrice 我就毫不猶豫行入去 Shopping，貨架上都唔少適合素食者的產品以超低價發售喎！
閱讀更多 »
標籤：

2020/08/26

[香港咖啡店] 尖沙咀Cafe | Ralph’s Coffee Harbour City：時裝店賣咖啡 復古風裝修超吸睛



這間不是新店而是開了很久的咖啡店，是我覺得裝修超漂亮的咖啡店。Ralph’s Coffee 跟同名時裝品牌的店鋪相連，整個店都是墨綠色帶點復古感覺，咖啡也很有水準，在店裡喝咖啡心情也特別好。

閱讀更多 »
標籤：

[香港素食] 旺角中心 | 齊栢林熱狗店：人氣德式熱狗店 可以換素食腸仔



因為google map只search到一間，所以我以為齊栢林熱狗店無其他分店，仔細查清楚才發現品牌是加盟業務，全香港都有分店，要食都好方便。

這間人氣熱狗店最近開始提供素食腸仔，加十蚊就可以換，適合蛋奶/五辛/方便素人士，可以間中食下人間美食。

++++++++++++++++++++++++++++++++++++++++++++++++++++++++++++++

按讚我的粉專，追蹤最新鮮早餐與蔬食旅遊情報：

++++++++++++++++++++++++++++++++++++++++++++++++++++++++++++++



品牌前排係用 Beyond Meat 素腸，不過我一直唔知旺角中心咁近就有分店，所以無去試到。

現在旺角中心一樓和二樓都設有「立食專區」，開左好多小本經營小食店，價位貼地又多選擇，食飯時間都幾多人去買外賣，適合唔鍾意餐餐食飯的朋友。熱狗店在旺角中心二樓，中午12:30開始營業，整間黃色店面好容易認。



熱狗一共有八個口味，如果你吃素的話要留意部分有肉醬或煙肉，我已經幫你刪左果幾款，其他都無睇到的肉品。不過我唔肯定燒烤醬果d入面會唔會有動物成分，很在意的話可以向店鋪查詢。不吃五辛的話亦需要留意，部分有洋蔥蒜頭，自己要睇&問清楚。



現在提供的是「Moving Mountains」的素腸，所有熱狗 +HK$10 就可以轉。

要注意的是，素腸烹調時間較長，大概是正常腸仔的三倍，所以要有等比較久的心理準備。唔想等太耐的話，可以事先用外賣APP落單，計好時間再過來取。


LZ131 紐約辣味熱狗 HK$38 (轉素腸 +HK$10)



熱狗包有煎過唔係冷冰冰，加上有少少脆邊幾有誠意。餡料有炒洋蔥、茄汁和特製辣黃芥末，食到成口醬都幾過癮，而且佢真係有辣唔係兒童適宜口味。

至於條素腸呢，味道都唔錯既，但個腸衣唔太咬得開，一咬就成條扯出來。不確定是煎的方法還是素腸本身的構造，因為我之前在另一間吃就沒這個問題。

香港地暫時唔多食素食熱狗的地方，如果你想過下口癮，齊栢林熱狗店係平靚正的選擇。

+++++
餐廳資料
齊栢林熱狗店 Zeppelin Hot Dog
地址：旺角彌敦道688號旺角中心第一座一期2樓SB03號舖​
電話：
營業時間：12:30 -
官網：https://www.zeppelinhotdog.com/
FB：https://www.facebook.com/zeppelinhotdog/
IG：https://www.instagram.com/zeppelinhotdog/
地圖：


+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com
標籤：
訂閱： 文章 (Atom)