聽講話行山新手要行下龍脊，所以約朋友去見識下，連埋影打卡相行左三個幾鐘，在山脊上行走風景靚又有「行山」感覺，山路唔算超級崎嶇但都有一定難度，建議穿著適合行山的服裝、有充足體能和帶定純水濕紙巾先去行。
行山BB班 (1) | 西高山：半小時登頂打卡 飽覽香港城市全景看絕美日落
行山BB班 (2) | 大帽山：香港最高峰 來回三小時全部馬路 舒適散步看風景路線
行山BB班 (3) | 龍虎山：晨運徑緩斜路容易行 40分鐘香港大學直上山頂
行山BB班 (4) | 南丫島：環島半圈遊 一路無敵海景必吃阿婆豆腐花
行山BB班 (5) | 5分鐘攻頂？尖鼻咀后海灣觀察點 唐夏寮涼亭
行山BB班 (6) | 城門水塘環塘之旅 原來要行3個鐘 仲有好多沙石山路
行山BB班 (7) | 南生圍濕地打卡之旅 舒服平路2小時行一圈
+++++
【 Misskitb 粉絲專屬好康】
iherb 優惠碼：MIS8129
Joirme香薰蠟燭8折優惠：kitty2021
找得意食譜/料理靈感：https://linkin.bio/ig-misskitb
+++++
在筲箕灣地鐵站A出口出發，行去巴士總站就見到9號巴士。因為龍脊係非常熱門的山徑，所以跟住著行山裝既人上車就唔會錯。
我們在「士地灣」站落車起步，巴士站隔離有幾格流動廁所，衛生情況尚可，因為山上面完全無廁所，有需要記得用完再出發。
出發前望一望地圖，今日行的是紅色那條路線，由土地灣行去大浪灣，屬於港島徑，全長8.5公里。
路徑初段需要上山，要行幾段大石級路，不過全部都係見到盡頭，上一段再行一段平路咁樣，體能上比較容易應付。
上少少已經有一個影相位，唔想行影完落返山都得 XD
可以影到望落幾有氣勢的打卡相。
其實仲未行到龍脊入口，要再上一段山先到達。
樓梯都有盡頭，唔係無盡天梯，所以我覺得OK。
路邊見到天然石英，覺得非常有趣。
行完最長果條樓梯，就會到達這個觀景台，你可以同「龍脊」兩隻字影相。
再行幾步見到這個可愛的龍仔牌，就正式開始龍脊之旅了。
行上少少已經到這個打卡位，上面有兩舊大石，前面有少少凹位，可以影唔同style的打卡相。
叫朋友在石頭上面高炒，可以影草叢中扮晒野相。
龍脊顧名思議就是在山脊上行走，兩邊都是海景，腳邊是山谷，實際上係平路但好有正功感。
下一個打卡目標係對面個山頭，佢叫打爛埕頂山。
望落好遠，其實行一陣就到。
望返落個山谷都好靚好迷人。
龍脊可以由大潭峽或土地灣起步，這天都見幾多人從對面方向行過來。
這個就是山頂打卡位了。
山脊上面勁大風。
這天雲層頗厚有點可惜。
觀景台助你認識香港地理。
咁大風所以適合玩滑翔傘，原來香港有咁多人玩喎！
行到呢個路口即係完成左龍脊啦。
我地繼續行去大潭峽方向，這段路都幾平坦，難度不高。
之後仲會接駁一段馬路。
在這個路口可以選擇去大潭峽離開，或者繼續行去大浪灣。
去大浪灣的初段係行馬路，完全係晨運路線，非常易行。
經過這個燒烤場之後，就會搵到落大浪灣的路。
直行係去小西灣，大浪灣要一路往山下面走。
這段下山的路要大半個鐘，沿途都係好似剛掘爛塊地的山路，好似行左去人地後山，我覺得都有一定難度，想舒服我諗去小西灣會好一點。
衝落最後一段靚石樓梯路，終於見到海啦！這也是港島徑的出口。
路徑末端就係大浪灣村，當然都有人從這邊起步啦。
一場來到大浪灣，當然要落沙灘行下chill下。
海邊都可以影大浪打卡相。
好似仲好影過龍脊山上 XD
這天的上山下海之旅正式完成，行出去大浪灣村口有紅色小巴，上齊人就會開車，快過等巴士。廿分鐘後回到筲箕灣地鐵站起點。
龍脊的難度原來都有2-3星，剛開始行山又想挑戰少少可以去行，行完都真係幾有滿足感架。
+++++
Follow me on Instagram @misskitb
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com
