紅葉季節又到，流水響星期一都勁多人！簡單來說，流水響其實係由多個打卡點組成，由一個點行去另一個點排隊影相，行完一圈都無做過運動咁樣！真係要行山的話，影完相可以行入流水響郊遊徑，我地揀左最簡單平路落山的路線，輕鬆個零鐘行去九龍坑村，再去大埔墟站走。
行山BB班 (1) | 西高山：半小時登頂打卡 飽覽香港城市全景看絕美日落
行山BB班 (2) | 大帽山：香港最高峰 來回三小時全部馬路 舒適散步看風景路線
行山BB班 (3) | 龍虎山：晨運徑緩斜路容易行 40分鐘香港大學直上山頂
行山BB班 (4) | 南丫島：環島半圈遊 一路無敵海景必吃阿婆豆腐花
行山BB班 (5) | 5分鐘攻頂？尖鼻咀后海灣觀察點 唐夏寮涼亭
行山BB班 (6) | 城門水塘環塘之旅 原來要行3個鐘 仲有好多沙石山路
行山BB班 (7) | 南生圍濕地打卡之旅 舒服平路2小時行一圈
+++++
【 Misskitb 粉絲專屬好康】
iherb 優惠碼：MIS8129
+++++
在粉嶺火車站 C 出口集合，這個出口在往紅磡方向果邊，要行過對面月台或者由A出口落樓梯行過去。
火車站對出就係小巴站，流水響專車是這架 52B。平日都好多人去流水響，我地等左兩班車都上唔到，站頭司機叔叔見人多會主動加開特別班次，所以都唔洗等太耐。
搭小巴在這個迴旋處落車。
行少少馬路就會去到閘口。
再行入去幾分鐘就會到流水響公廁，往下果條路行，一落去就見到水都幾興奮。
落羽松還未變色，我覺得這個view都幾有京都的感覺。
因為好多人影相，如果想影無人的畫面，就要行落去水塘邊勒。
再往前行幾步就會見到兩張椅，一張前面有樹，另一張前面開揚，都係要排隊的影相位。
我就覺得打卡相唔一定要影埋張椅既。
另一張椅前面有個位落去少少，影水塘全景都幾靚架！
影完兩張椅之後，可以回頭去公廁那邊，這次走往上那條路，然後就會見到流水響郊遊徑的牌子。第一個牌係一條樓梯上山路，我地就無興趣挑戰勒。
另一個牌就可以去落羽松那邊。
行幾步就會見到另一個打卡點：白花魚籐，長成一個圈圈的樣子好可愛。
都幾好坐既。
然後再行幾步又有另一個打卡點。
這棵在水中間的樹，後面有一棵紅葉，水面有天空之鏡。
再往前行就到流水橋。
行過流水橋就會到達落羽松那條路。
其實又唔係好多棵，面積唔大，多人的話就一點都不悠閒。其他日子來野餐應該比較舒服。
影完相原路折返，流水橋隔離仲有條龍山橋，踏上這條龍山橋就係行入流水響郊遊徑了。
橋上當然都係打卡點之一。
這段路都是石塊山路，終於有行山的感覺。
行到有路牌這個位就可以揀唔同路線，繼續往山上走的話，可以繼續行流水響郊遊徑或者去行另一個水塘。
我地揀容易路線，行落山去大埔公路。
跟著這條好靚的平路就對了。
這條路無流水響咁熱鬧，只係遇到一個外國人跑山，其實景觀唔錯仲好易行好舒服。
前段有一個景點叫英軍哨站，我差點以為係垃圾miss左，好采同行朋友有留意。就係幾個圓形的建築，入面有少少垃圾。
中段有好多芒草，在山邊可以順便影下芒草打卡相。
行一個鐘左右就見到文明了，我覺得這個路口好有行山feel，影相都唔錯架。
仲有電線桿你可以執一個日系顏色。
路段末端有蠻多山墳，唔好亂行入小路，轉幾個彎就會到九龍坑村，村口就有小巴站。
有位坐有瓦遮頭的小巴站，班次都幾密，剛坐低已經有村民出來等車，然後就有小巴來了。因為是總站所以很易上車，車程會經太和及大埔墟火車站。
平日去都咁多人的流水響，影相又真係幾靚既。
+++++
Follow me on Instagram @misskitb
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com