[香港素食] 太子 | JOYS CAFE：全植物純素料理

太子這間純素餐廳開業好一陣子，就係擺滿公仔模型果間 呢。主打健康純素料理，無蛋奶無五辛無素肉，招牌菜鮮 茄素玉醬茄子天貝意粉，聽個名都知豐富又好味。另外仲 有佛陀碗、素漢堡、無飯煮薏以至純素蛋糕甜品，下午茶 可以試試純素公司三文治呀。

[香港素食] 太子 | 四月初八素食：平價中式素食小店

太子地鐵站附近又多一間素食餐廳，前身是佛手柑素食，所以招牌望落都差不多。午市有無得揀兩餸快餐，也有其他飯餐和撈麵，均附送素餐湯。晚市有各種素食小菜，總括來說就普普通通一間素食店，日常平平地食個飯果種。

[香港素食] 盤點香港必吃53間素食餐廳

重新整理香港必吃素食餐廳list
有些素食餐廳結業
有些素食餐廳多開幾間分店
也間中有些熱誠人士開新品牌 

無論你係唔係素食者
都建議收藏起來再約朋友逐間試下
send埋俾預備來香港玩的外國素食朋友

[香港素食] 銅鑼灣 | TREEHOUSE：原型食物健康素食

這間健康素食快餐在香港有4間分店，餐牌上大部分是純素，含蛋奶/五辛會特別標明，嚴選優質食材，以原型食物為主，健康無負擔。店內墨西哥餅皮和酸種麵包都係自家製作，非常好味。支持環保店內所有餐具都可以堆肥，並設有垃圾分類。

[香港素食] 香港大學 | 一念素食：大學校園素食餐廳

原來香港都有磅重的素食自助餐，而且在大學校園入面 。HK$18/100g其實都唔平，不過都有其他點心、麵食和下 午茶可以揀，夜晚就可以預訂素食私房菜。香港大學校園 非學生職員都可以入，地鐵站C1出口，上去找到訪客中心 ，對面就係素食餐廳，都幾容易去。

[香港素食] 尖沙咀 | 鄭師姐泰式素食私房菜：香港最神秘素食泰國菜搬新地址

香港最神秘的泰國素食餐廳搬左新地址，依舊係尖沙咀樓 上鋪，門口都依舊無招牌。午市套餐有冬陰公湯又有紫米 糖水，主菜有飯有金邊粉有湯河撈檬，連芒果糯米飯都有 ，選擇多眼花撩亂。夜晚可以來吃私房菜，十道菜每位HK$ 220，兩位以上就可以預訂，保證豐富飽到食唔落。

[首爾住宿推薦] Hotel Lassa：新村地鐵站旁 機場巴士直達 性價比高單人住宿

去首爾玩機票係好平，不過平價住宿選擇不多，尤其一個人去又不想住Hostel的話，每晚預算起碼HK$400才比較方便舒服，質素較好的亦需要好早搶定，臨時出發或遇上長假期的話就更難了。

這間在新村地鐵站隔離，機場巴士站也很近，房間夠大也算乾淨。不過它之前應該做時鐘酒店為主，近年才轉攻做旅客生意。主要係入住時間有點古怪，其餘都算正常可接受，在Agoda預訂也沒被取消 XD。

[香港素食] 尖沙咀 | 綠野林：生機素食私房菜

你一定無食過生機素食私房菜！

聽到又 Raw 又 Vegan，會唔會以為係飲Smoothies同食水果盤？如果係咁樣我應該唔會介紹俾你。這個地方每個月會舉行一次不同主題的私房菜，10月就以北歐為靈感，每道菜都使用高超手法處理，選用當季高品質食材，無經高溫烹調都做到豐富口感與味道層次。

作為無食開生機素食的人，覺得這個私房菜體驗幾有驚喜，最特別當然係每一啖食物都係健康野，而且食落充滿能量，同大魚大肉享樂型的大餐完全唔同。

[香港素食] 灣仔 | 美味廚：米芝蓮推介港式碗仔翅素邊爐

這家連續13年獲米芝蓮推介的餐廳，一向有提供素食火鍋湯底，最近更推出富港式風味的碗仔翅打邊爐。素食版湯底用蔬菜和菇菌熬製，並加入日本人造魚翅，新鮮感十足。餐廳的手工丸餃亦非常出色，今次就以「山竹牛肉」和「南乳粗齋」為靈感，用來打邊爐既有特色又好味。

單人晚市套餐價HK$499/位，不過無限制一定要跟人頭點套餐，可以兩個人分享食一set都得，唔夠再散嗌其他野食。惠顧火鍋仲可以參加扭蛋抽獎，獎品有現金券或其他禮物。

[首爾旅行] Olive Young 免費入會禮物領取方法

去首爾玩拎免費護膚品samples是必須的，如果有路過明洞，記得行入Olive Young 拎這袋小禮物。 

[韓國素食] CU便利店 | Natuur純素雪糕雪條

韓國樂天集團旗下雪糕品牌，於2020年推出韓國首個獲純素認證雪糕產品，現在去韓國CU便利店都買得到！Vegan雪糕主要見到大桶裝，有幾個口味。朱古力雪條很多分店都有，4,800won一枝，即係大概港幣$30蚊，質感和味道都唔錯。 

這個純素雪糕用椰子奶和腰果醬等材料製作，連包裝都用環保物料㗎，下次去韓國記得入便利店搵來食。

[香港素食] 旺角 | Black Coffee：雙層大啡菇肉厚多汁素漢堡

這間黑色系型格咖啡店，竟然都有幾款方便蛋奶素選擇，蘑菇忌廉和芝士番茄意粉都可以揀唔加肉，另外亦有雙層大啡菇漢堡，味道十分有驚喜，炸薯條亦好有心機好好食。想食甜品有舒芙蕾班戟和窩夫等等，咖啡當然都非常出色啦。

[首爾皮膚科實測] XENIA Clinic：藝術感裝修 獨立房間私密度高 提供廣東話翻譯

這次去首爾四日有兩日都預約了皮膚管理，主要想試多幾間看看有甚麼分別。

位於江南的詩麗雅皮膚科最大特色係有廣東話翻譯駐場，同聲同氣非常安心！另外，雖然是流水線形式，但設獨立空間，私隱度比較好。這家的效率也非常高，我行入去到完成化返個妝都只係30分鐘，超爽手。

[台東景點] 青澤伴手禮琪瑪酥(鐵花館)：遊台東不能錯過 3大必買手信推介

去台東旅行除了遊山玩水，最期待的景點一定係去青澤買手信。這次來到位於鐵花村的分店，順便也可以做一下文青，這篇跟你分享我最推介的三款手信，實在令人上癮，每次來必須入貨回家慢慢嘆。

[香港素食] 如何免費吃Dough Bros薄餅？

辦法非常簡單
只要行入去同店員講：我要換生日Pizza
對埋身份證就得啦

[首爾皮膚科實測] Three Wishes Hongdae 弘大三個心願： 雖然是流水線 但環境服務很親切

女生朋友敲碗的首爾皮膚科Do臉經驗分享來了！

如果你也是「聽講韓國do臉平靚正，想試又好驚中伏」的一分子，緊快先追蹤起來！

＊我目前也處於皮膚科幼兒班，主要做些人畜無害的療程，如何你要睇高級打針療程就要睇返醫美KOL分享啦，這邊是非常入門級的資訊。

[香港素食] 太古 | HERE with YEARS：素年港島東區新店

素年最新分店你試左未？非常搶眼的紅白色裝修，必吃十 九幾種蔬菜本地有機野菌全日早餐，意粉和素三文魚蓋飯 亦非常出色。食物份量依然大大碟，最啱約幾個朋友叫多 幾款分享食！

[香港素食] 觀塘 | 素便當 lovebento：家庭風日式素便當

觀塘好多素食餐廳，最近又開了一間。日系簡約裝修，家 庭風簡單料理，二十道菜式每日輪流上場，套餐可自配前 菜小食，店員耐心講解，仲有湯或健康茶飲可以揀。留意 返餐廳有時會早收，出發前可以上社交媒體望一望每日公 佈。

[香港素食] 尖沙咀 | 梔子Café Zi：清新健康純素料理

環境非常舒服的咖啡小店，吃的也是清新風純素料理，看 餐牌滿滿都是彩色蔬菜，味道有水準，吃起來對身體也沒 有負擔。咖啡都預設用燕麥奶沖調，也可以免費轉椰子或 夏威夷果仁奶。唔少得當然仲有純素甜品，非常適合約朋 友吃飯聊天的地方。

[花蓮住宿推薦] 親子度假好去處 | 花蓮遠雄悅來大飯店 素食認證餐飲出色

帶一家大細去花蓮旅行，入遠呢間酒店就無得輸，建議揀包早餐晚餐的package，全日留喺酒店享受各種設施，或者望住個太平洋放鬆心情。這次住的親子房係露營主題，設計有特色又好玩，真係唔錯㗎。

[宜蘭住宿推薦] 羅東 | 松風文旅 So Fun Hotel：羅東市城景文旅 無敵泳池 親子設施齊備

去宜蘭玩通常都係包車出入，住宿唔一定要近火車站，反而房間舒適設施齊備更重要，喜歡景觀無邊際泳池可以揀就間，房間都好大又乾淨舒服。

[香港咖啡店] 鰂魚涌 | Affee阿啡：街角浪漫嘆啡小店

每次去太古坊都會經過這間咖啡店，這天特別提早一點去吃個早餐，特別悠閒。

[台灣旅行] 港澳旅客獨家優惠專案 格上租車包車遊台灣低至NT$4,300(4小時)

細個去旅行唔怕辛苦
宜家一把年紀覺得舒服享受比較重要
如果你要帶一家大細遊台灣
識揀專業可靠的租車/包車公司就更加緊要 

今次我試坐台灣最新的熱銷電動車 LUXGEN n⁷
環保減碳都可以咁爽咁嘆
坐住佢周圍食素更心安理得

[香港素食] 荃灣 | PARKSIDE@NINA：人氣打卡餐廳蛋奶素食

荃灣最近開左間排隊餐廳，由辣西瓜沙律、粟米湯、酸種薄餅到意大利飯，素食者約朋友去影相打卡都可以有幾款野食。餐廳位於木化石園旁邊，所以都用木做主題，亦可以睇到幾百萬年歷史的木化石珍藏，仲可以順便嘆埋隔離咖啡店的靚咖啡。

[香港素食] 上環 | 好客山東：家庭式魯菜館飽滿素水餃

聽講呢間山東菜館有個素水餃好食，經過上環就去試下。家庭式風味小店，主打水餃之外也有麵食和小菜，當中都有一兩款可以做素食，如果多幾個朋友去可以試下。素水餃就得一款，可以淨食十隻水餃或者食水餃麵。即叫即煮大大隻，入面滿滿蔬菜又有幾條粉絲，帶少少油香，調味都做得唔錯。

[香港素食] 大角咀 | Coftea：素食友善咖啡店

奧運站匯豐中心對面找到這間低調咖啡店，睇餐牌原來都幾素食友善，由全日早餐、三文治、韓式拌飯到漢堡意粉都有素食選擇，菜式多元化望落幾吸引，味道都唔錯啊。話俾住大角咀或者附近返工嘅朋友聽。

[香港素食] 尖沙咀 | Auntie Anne's：排隊食蝴蝶麵包圈

有返咁上下年紀先知Auntie Anne's係重臨香港😂，新店開業竟然要排隊先有得食。新鮮出爐麵包圈有多款口味，其中原味(Original)及肉桂糖(Cinnamon Sugar)走牛油就係純素(Vegan)友善，其餘大部分都適合蛋奶素食。

[香港素食] 尖沙咀 | Kailash Parbat：國際連鎖印度素食品牌

尖沙咀很多印度餐廳，專門做素食的也有不少，這間很多人推薦過，你又有無食過呢？菜式以蛋奶素為主，也提供Vegan選擇，由印度街頭小食到家常美味都有，適合大班家人朋友聚會分享食。餐廳裝修現代化，果然是世界各地都有分店的國際品牌。

[香港素食] 灣仔 | Ahttimong：韓國人小店健康純素選擇

其實韓式飯卷Kimbap都幾健康㗎，一舊有齊唔同顏色蔬菜、蛋白質和澱粉質，而且單手就食到，工作忙嘅時候最方便。灣仔最近開左間韓國人主理小店，主打韓式街頭小食，純素選擇有蔬菜飯卷和炸年糕。另一招牌核桃蛋糕就有落牛油，蛋奶素食可用。

[香港素食] 葵芳 | Soymylk Co：全港首創豆奶蓋

來自馬來西亞的豆乳專門店，產品全部用有機黃豆製作，使用日本技術蒸煮黃豆，豆乳除了特別濃郁，蛋白質成分也比較高，非常適合素食者和健身人士。必試當然係豆乳咖啡，還有全港創家豆奶蓋，自家製豆腐花和豆乳雪花冰也很贊呢！

*除了咖椰鮮油多，其他均為VEGAN。

[香港素食] 中環 | Snack Baby Gelato & Drinks：復古風人氣純素雪糕店

近日最吸引的新店，老闆因為愛女有乳糖不耐所以研發純素雪糕。店內標明animal-free(AF)的雪糕使用腰果奶製作，部分則屬於Lactose Free(LF)，使用無乳糖的牛奶製成，可以跟據自己飲食需要選擇。 

雪糕全部都可以試食，不同size最多均可選三個口味，留意返餅乾筒含牛油成分非VEGAN。飲品有咖啡亦有酒精，亦可選無/低酒精成分的飲品。店內裝修走復古風格，打卡都幾靚㗎。

[香港素食] 中環 | VEDA Café & Bar：精品酒店餐廳食素食印度菜

中環這間精品酒店的餐廳竟然主打素食！吃的是印度料理，最近推出一系列新菜式，靈感來自世界各地摩登印度家庭日常的素菜。除了必吃的招牌印度薄餅DOSA，各種小食和咖喱都好吸引㗎。

[香港素食] 觀塘 | 福德素食小廚：HK$39素食三餸飯

觀塘熟食市場上面有間平價素食店，最平一餸飯只需$27！ 菜式都係傳統中式齋，望落唔算太多素料，蔬菜為主，味 道就無咩驚喜嘅。可以自己揀食飯或者食粥，或者食完飯 再加碗粥都可以，唔驚食唔飽。湯和清水都係自助形式， 另外留意返熟食市場無冷氣。

[香港素食] 大角咀 | 添食堂：台式小店素食便當/藥膳湯麵

大角咀 My Ahjussi 個鋪位，由韓式變左做台式，不過同樣保留住素食友善的style，滷肉飯便當和藥膳湯麵都有素食版。蛋白質就用素料為主，不過價錢唔算貴，食物質素都OK，同非素食朋友去大家都食得開心。

[香港素食] 鰂魚涌 | 越式素食：香港第一間素食越南菜

一般越南餐廳很難找到素食，醬汁又通常都有加魚露，香港素食者終於等到有間專做越南菜的素食餐廳啦！地點在鰂魚涌地鐵站附近，B出口落電梯向前行少少就到，交通幾方便架。

主食有湯檬、撈檬和飯類，素料由越南進口不含蛋奶，炒類會蛋但可以走。檯面樽素魚露撈檬汁有五辛，要走蔥蒜自己同店員講，會幫你安排。堂食只有10個座位，食飯時間好快坐滿，飲品暫時只有檬水和越南咖啡(有奶)，試業期間只收現金。

[香港素食] 上環 | Ăn Chơi：米芝蓮越南餐廳純素越式法包

一到食飯時間門口就出現人龍，米芝蓮越南餐廳確係有人氣。自家製法包每日11am&5pm新鮮出爐，越式三文治有一款可做素食(可揀vegan/vegetarian)，前菜/沙律/米紙卷都有純素選擇，仲有越南咖啡飲，價錢都好合理啊。

[香港素食] 佐敦 | Mobin：東方墨西哥菜餐酒館 走肉手工意粉

墨西哥菜再加啲港式元素又幾特別，手工意粉紅醬和白醬都可以走肉，另外有薯仔蛋餅、酸種麵包和玉米脆片等等，飲品和甜品亦很多選擇，仲有一個聽都未聽過的BUNUELOS麵餅甜食。食物質素和服務都很好啊。

[香港素食] 元朗 | Brava Java Coffee：素食友善葡萄牙風咖啡店

葡萄牙風打卡咖啡店都有素食(蛋奶素)，仲要好食，又幾有驚喜！鹹食主推意大利拖鞋軟包，另外也有貝果和牛角窩夫，各種配搭都很清新望落好食，仲有健康仔馬基莓乳酪碗 (第一次在香港見到)。另外也推介咖啡飲品和甜品，放假想約朋友食啲靚野記得save低。

[香港素食] 九龍城 | 堅記車仔麵：素食友善車仔麵

經過這間麵店見到大大個素字，原來有素菇湯供應，素料 選擇亦有近20款。車仔麵配搭都好自由，湯底和蔥量當然 可以揀，麵條就有11款，我就揀左似乎養生的淮山麵。素 菜配料除了豆製品，也有酸齋、素叉燒和素餃等。湯底我 就覺得以鹹味為主，三個餸四十零蚊算係咁。

[香港素食] 土瓜灣 | 圓善素食： 港式/西式/泰式新派齋菜

搭屯馬線去土瓜灣睇下有咩素食，地鐵站出來行幾步就見到這間齋鋪，裝修乾淨都幾骨子。午市套餐有十幾款揀，種類多元化，想食碟頭飯、炒粉麵以到水餃年糕都有。除了港式素菜，店內也有泰式小食和港式西餐，算是比較新穎的齋鋪。

香港家庭式狗狗寄宿｜萌寵度假

屋企有養狗狗的你

放假去旅行Book好酒店未？

人去旅行可以揀住酒店、民宿、Airbnb
狗狗度假也有不同選擇
如果唔想狗狗每日困在籠內

可以考慮家庭式寄養。

[香港素食] 銅鑼灣 | 肥後屋：素食友善日式串燒 平日蔬食午餐

如果想食日式串燒，很多人都推銅鑼灣這間居酒屋，佢地最近就推出左午市套餐，每個禮拜變三個蔬食料理俾你揀，價錢唔貴亦整得用心好味道，堂食或外賣都可以㗎，食完覺得好食再約朋友夜晚食串燒都得。(每周菜單請留意餐廳 IG 公佈)

[香港素食] 太子 | Happy Belly Hong Kong：特製馬德里魷魚刈包

如果你去開太子始創中心，呢個商場有素食餐廳又有素食材賣，地庫這間小食店仲有個素食刈包可以醫肚。選擇就只有一個，軟棉棉刈包入面有三個炸素魷魚圈，配個微辣蕃茄醬，都幾惹味啦。佢就無套餐揀嘅，可以再散叫薯條，飲品就有咖啡、果茶和冷泡茶。

[香港素食] 銅鑼灣 | 合和荳品：自家製手工豆品 有機無糖豆漿

銅鑼灣這間豆品店細細間，估唔到所有豆品到素餃子素春卷全部自家製作，豆漿更加選用有機無基改黃豆，飲落確係唔同！餐牌上找到一系列素食選擇，滷水豆腐超級滑又入味，推薦！食素餃子的話要留意個湯係豬骨湯(可走湯)，自家製素春卷非常飽滿，入面仲有綿綿芋頭好味道。

[香港素食] 九龍城 | HOMEBROWN：用心製作蛋奶素Brunch

如果你對飲咖啡好講究，又想食個靚靚早午餐，介紹你九龍城呢間咖啡店。主打早午餐用料上乘煮得有心機，每日提供一至兩款蛋奶素選擇。手沖咖啡超級專業，意式咖啡使用單品豆，杯子和奶量都會仔細配搭，仲有個超特別未飲過的咖啡果皮蜂蜜茶。店內不時舉辦特色文化活動，想飲夜啡都可以留意下㗎。

[香港素食] 長沙灣 | 三寶素食：平價素壽司卷 中式飯麵套餐

長沙灣新開業齋鋪，一對夫妻加個小男孩打理，主打素食壽司卷，另外也有炒飯和每日不同的自選兩餸飯。菜式部分含蛋奶，店內有張紙仔列晒出嚟，有需要走蛋奶可以落單講聲。街坊式親切服務，食物即叫即製，簡單美味。

[香港素食] 旺角 | 蟲二 Poach：天台空間日式蔬食

旺角朗豪坊後面有楝保育建築，頂樓找到這間特色小店，主打日式家庭料理，餐牌上有數個無肉之選，平日午餐亦可以蛋奶素食。如果要約不同飲食習慣的朋友傾偈聚會都好方便，環境也舒服好坐，記得先Save低啦。

[首爾素食] 合井站 | forfourBread：溫馨純素麵包餅店

已經開業5年的純素麵包店，店主曾經有嚴重過敏，轉吃純素之後才得以根治，所以開始焗純素麵包，與另一位做純素蛋糕的朋友開了這間小店。店內有數個座位可以堂食，配豆奶咖啡。想買方包建議早一點去，因為很多當地人買有機會沽清。

[香港素食] 大角咀 | 素來素往：HK$68不限時自助下午茶餐

奧運站附近的素食自助餐，午市、下午茶和晚市價格分別為HK$75 / HK$68 / HK$128，期中下午茶更係不限時間，長者卡仲有折扣添，一家大細去食都可以。這間自助餐食物選擇一定唔係最多，但當中都有唔少特色野食，蛋奶素為主，一路食一路都見到店員補充食物，唔會話不限時其實無野食。

[香港素食] 大角咀 | 十二味：自選多款蔬菜麻辣香鍋

全香港有二十多間分店的麻辣餐廳，主打香鍋有辣有唔辣，可自己揀多款蔬食配料。全線用手機點餐方便客製化，一大鍋重口味蔬菜吃得非常滿足。部分小菜亦可以轉做全素，喜歡吃辣的素食者必須收藏。