香港素食者要餐餐去素食餐廳實在唔易，有時約同事朋友食飯，為免麻煩到人都唔介意去葷食餐廳。可惜香港部分食肆對素食了解不深，以為表面上無加肉就係素食，唔覺意設置左大量地雷俾素食者踩！
我自己就一向抱持有禮貌問清楚和不知者不罪的態度，唔小心食左肉亦唔會落地獄，做人有時都唔好俾太大壓力自己，最重要經一事菜一智，以後就唔會中同一招啦！
+++++
【 Misskitb 粉絲專屬好康】
iherb 優惠碼：MIS8129
+++++
(1) 魚露 / 蝦乾
很多東南亞菜式的靈魂調味料，唔落就唔對味，你叫佢走都會無意識慣性照落，所以素食者好少行入一般泰國菜越南菜餐廳找素食。不過近年香港市面多左素食泰國菜，魚露亦有純素食版，食之前問清楚就好。(2) 蝦米 / 蝦子 / 瑤柱
廣東人煮菜就鍾意落海味，蝦米蝦子瑤柱煲湯煲粥都更好味。加上好多人以為素食可以食魚，乾貨形態又唔似肉，你問佢都唔會醒起架。(3) 雞粉
由阿媽到茶餐廳，香港人唔知點解咁鍾意落雞粉，清湯或者炒菜都可能有這作隱藏成分。(4) 雞湯 / 動物骨頭湯
以為碗湯麵湯粉只有菇和菜等如素食？唔好唔記得問埋個湯有無肉，因為香港人約定俗成煲湯一定要落肉，或者用骨頭煲先夠濃有營養。(5) 鰹魚粉
去日本餐廳的話高湯就可能有鰹魚，而煮好多日本菜式都需要落個高湯，包括玉子燒和茶壺蒸等蛋料理，煮腐皮壽司個腐皮個汁，都可能有鰹魚架。順帶一提，日本人真係會食海鮮素，所以購買日本製的素食產品都必須用放大鏡睇標簽啊！(6) 仿鮑魚 / 魚腐
早餐A的素鮑魚湯通粉係唔係素食？除左個湯有可疑，素鮑魚定仿鮑片到底有無動物成分？咁就要入廚房睇標簽先知，佢可能入左仿鮑就以為係素食，其實係用魷魚做。不過都有機會係蒟蒻鮑魚既，你好彩的話。(7) 魚膠粉
除了果凍Jelly，魚膠粉還存在於好多甜品之中，例如免焗芝工蛋糕、幕斯、幕斯蛋糕、奶凍和布甸等等，需要凝固的西式甜品都很常用到，反而中式糕點就用大菜糕比較多。(8) 豬油
因為豬油越來越貴的關係，倒是可以少擔心這件事。傳統中式餅店做餅做麵包都會落豬油，吃起來才夠酥脆，不過現在很多店家都改用植物油了。除了糕餅麵包，醬汁有時都會落豬肉，例如某些混醬腸粉。
你有無中過以上的招？又或者踩過更離奇的地雷？分享下一齊提高警覺丫。
+++++
Follow me on Instagram @misskitb
下載港鐵沿線素食餐廳列表
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com