2022/09/27
[香港素食] 中醫直播 | 食素點補氣血？
+++++
【 Misskitb 粉絲專屬好康】
iherb 優惠碼：MIS8129
+++++
面色可以反映身體狀況，面黃的話主要成因是脾胃氣虛，氣血不足以濡養面部。依家好多女仔會因為keep fit而食少D嘢，甚至唔食飯，導致身體能量唔夠，產生唔到足夠氣血。加上都市人工時長，平時用腦會消耗好多氣血，各種因素加埋令到氣血唔夠。
而補氣血都唔一定要食肉，其實好好食飯已經可以補充氣血架喇！中醫古籍記載白飯有補中益氣，益腸胃既作用，係非常好既補脾食物。有唔少人為左減肥都會食好少飯，甚至唔食，身體缺乏米氣，長遠容易造成脾虛。
有一條中醫藥方叫八珍湯，它由補氣四君子湯同補血四物湯組成，可以緩補氣血。平時可以用北芪、黨蔘、龍眼、紅棗煲水當茶飲，都有補充氣血既作用。不過面黃得嚟平時容易熱氣，比如話易生飛滋，容易喉嚨痛，口乾口苦既朋友，就要先諮詢醫師睇下適唔適合喇，身體有熱既時候盲目進補，有機會造成反效果架。
平時可以曬多點太陽，主要曬背脊，背部係身體的陽面，可以令身體陽氣更充足，令血氣流通。怕曬的話可以上午10點前、下午4點後，紫外線指數較低時曬，無咁易曬黑。
與其用化妝品遮住皮膚，不如試下用中藥內調，從內部將身體調好，加上針灸補益臟腑氣血，令臉色恢復紅潤光澤。
+++++
Follow me on Instagram @misskitb
下載港鐵沿線素食餐廳列表
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com