.png)
去曼谷除了飲飲食食和做SPA，好似都應該參觀下文化景點，所以這次也安排一趟鄭王廟拍照之旅。近年都流行穿泰服影寫真，不過我對泰服的要求只係黃色就ok，又熱又曬都無特別諗住約攝影師影，全部去到門口先算。結果都幾順利影到相丫。
目錄
(1) 前往Wat Arun鄭王廟黎明寺交通(2) Wat Arun鄭王廟黎明寺 門票及入場規則
(3) Wat Arun鄭王廟黎明寺 內租泰服價格
(4) 泰服選擇與拍攝技巧
+++++
【 Misskitb 粉絲專屬好康】
iherb 優惠碼：MIS8129
+++++
(1) 前往Wat Arun 鄭王廟黎明寺交通
其中一個最方便的方法當然係搭船，坐BTS到 Saphan Taksin 站落車，出站直行就會見到碼頭。要留意碼頭前面好多人好多攤檔仔兜售觀光船飛，要幾百銖一位。如果你唔係想坐遊客艇仔，記得無視佢地，一路行入碼頭中間，找到 Hop on hop off 這個渡輪航線，單程只要30泰銖一位。買船票之後即刻就有船，基本上好似坐天星小輪，有兩層自由座位。每到一個站都有船長大叫站名，所以要記一下自己要去的地名。
建議可以將河邊行程排在同一天，坐船逐個去都幾方便，航班算密唔需要等船等太耐。
(2) Wat Arun鄭王廟黎明寺 門票及入場規則
坐船來的話，一落船就要直接去買入場卷入場。門票100泰銖一位，送一瓶小水。我來到的時候門口堆了一團大陸遊客，貼士係要穿過佢地自己去售票處買飛，唔好傻傻的跟在後面排隊。入場送的瓶裝水係自取的，基本上自己照顧自己啦。因為宗教原因，進寺廟內不能穿小背心和短裙，現場都有罩衫可以借用，不過要租泰服穿的話就沒這個問題了。
(3) Wat Arun鄭王廟黎明寺 內租泰服價格
我之前以為入廟之前會有機會在附近的街上逛逛，順便再租泰服，沒想到下船就直接進來了。所以入去見到求其一間就直接租，反正價錢都唔貴，只要300泰銖包泰服、首飾和盤髮。
入面沒有更衣室，基本上只係拉起塊簾，亦無冷氣咁講究。我事前都早有準備，穿吊帶裙來，只需跌一邊膊，泰服可以直接穿在上面，方便又衛生，適合同樣打算速戰速決的你。
我先揀了黃色的內層，佢地黃色都有好多個唔同層次的黃，所以都要揀㗎。之後就交晒俾佢地，我諗我只係用左兩分鐘就變完身。盤髮的姨姨也很快手，然後有各種金飾套在你身上，好似Ironman著盔甲咁。
著好俾埋錢就可以去影相，佢話要一個鐘只內返，不過我返去的時候佢地食緊飯，我諗其實無好嚴謹。
要留意返佢地啲金器會甩色，我之後見手臂有一圈橙色先發現，洗得甩嘅唔驚。
(4) 泰服選擇與拍攝技巧
近年興粉色的泰服，不過想成為人群中最耀眼真係應該學我揀黃色，而且金金黃黃先貴氣呀！自拍可以帶腳架自拍棍，場內全部都可以用嘅，另外可以帶埋藍牙搖控，方便影大景。
天氣太熱行兩步都成身汗，其實都係求其影下，取景應該先上IG/小紅書睇下攻略，不外乎都係幾個位，我就漏左出草地再影返入去。另外留意中間個塔有分正面和背面，背面有條電線無咁靚，所以比較少人影。
如果你去到臨時想找攝影師，其實場內都有一些揹著大樓機的泰國人行埋嚟問，有需要都可以試試。價錢應該唔貴，不過質素就存疑啦。
回程我都係搭船去下一站，船票上面仲寫晒航班時間，都唔驚上錯船嘅。
加入Patreon付費會員看零廣告文章
https://www.patreon.com/veggirlclub
+++++
Follow me on Instagram @misskitb
下載港鐵沿線素食餐廳列表
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com