以前去澳門都係搭船，不過住九龍的人要去上環搭船都需要時間，計落行去太子搭直通巴士更方便，所以今次就試下。
+++++
【 Misskitb 粉絲專屬好康】
iherb 優惠碼：MIS8129
+++++
港澳快線上車處在太子上海街，即係維景酒店對面，近地鐵站C2出口。我本身住附近，行過去只要十分鐘左右，真係非常方便。車站隔離有7-11便利店，本來諗住買咖啡上車飲，結果果間係無cafe。
這次我用 Trip.com 訂飛，到站頭出示返個訂單，就會換到一張實體車票。必須留意張飛要好好保存，因為之後過完關再上車都需要俾車飛。至於個貼紙仔就無咩用嘅，鍾意貼就貼下啦。
旅遊巴都幾大架，有帶行李箱可以放車底。
開車之後直接開到港珠澳大橋香港口岸旅檢大樓，帶齊行李隨身物品落車，之後一路跟住行就可以自助過關，入面有廁所有需要可以用。落車前司機有講邊度上返車，車站唔難找，上車要俾車飛。
香港去澳門這段有人去澳門有人去氹仔有人去珠海，所以會轉車分流，有機會坐唔返原本個位。
上車之後就係過港珠澳大橋，去到中間就係公海收唔到電話，橋上面風景都幾靚嘅。
一路去到港珠澳大橋澳門邊檢大樓，同樣跟住指示行就得，這邊是入澳門境的。如果之前有申請過自助過關就可以用機過，人手check都唔使排好耐，基本上無咩人。
入境之後同樣係找跨境車站上巴士，上車同樣需要出示車票。
之後就一跟到目的地了，我這次搭去氹仔，第一站銀河，第二站威尼斯，都好方便。
回程同樣搭港澳快線，我揀了新葡京上車，車站在酒店後方，越過其他免費接駁巴士車站就會見到。可以直接在站頭買票，售票的姐姐都幾好禮貌既。 
預返少少時間去車站排隊上車，旅遊巴規格都差唔多，車飛無劃位自己揀位坐。
回程這架巴士有電視可以睇戲，都幾先進，雖然都唔會點睇。不過有需要可以幫電話叉電。
加入Patreon付費會員看零廣告文章
https://www.patreon.com/veggirlclub
+++++
Follow me on Instagram @misskitb
下載港鐵沿線素食餐廳列表
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com