[澳門酒店推介] 澳門JW萬豪酒店：高級商務酒店Style 生活機能全不缺

2023/09/23

[澳門酒店推介] 澳門JW萬豪酒店：高級商務酒店Style 生活機能全不缺

前事提要，我玩澳門旅遊Reels比賽贏咗晚酒店，寫完曼谷的遊記就去玩兩日。在香港可以搭港澳快線直達銀河門口，入去行少少就到JW萬豪酒店，交通實在方便。萬豪酒店就是高級商務酒店的Style，沒有金碧輝煌華貴感，裝飾都用現代藝術。房間都係簡約設計，該有的都齊晒俾你，長期住都會幾舒服。

(1) 澳門JW萬豪酒店入住手續

話說集團有個APP可以下載網上check-in，不過到現場咪一樣要埋櫃台登記拎房卡刷按金，唔知其實有咩用。不過平日入住時間來到都不用排隊，手續時間則比一般酒店長，可能房間太多掛。房卡是粉紅色磨沙面，又幾靚。

這裡的房間號碼有五位數，升降機也有三組往不同樓層，搭乘的時候要看清楚去唔去到自己樓層。客房的走廊很長，找房間時也要看得清楚，以免行冤枉路。

Check-out的時候，如果用信用卡刷按金的話，只需將房間投入箱子即可，又幾方便。

(2) 澳門JW萬豪酒店房間設備

房型：Guest room, 1 King

這次入住最基本的一大床房型，位處23樓沒景觀，用禮卷換大概就這樣吧。外面是地盤，早上隱隱約約會聽到地盤聲，不過整體隔音係唔錯。

進門的走廊偏暗，基本上唔會太用到，除了開衣櫃拎拖鞋和衣架。首先看到的是咖啡機和茶水吧，雪櫃是櫃筒式都幾得意，茶包則有四個TWG Tea可以帶回家。瓶裝水共有6枝細，我一個人夠飲。

睡房面積大，有書桌有沙發設計實用，電動窗簾的開關在書桌旁邊，早上睡醒打開有點不便，我覺得窗簾掣都係放床邊比較好。轉角位的沙發就好軟好好坐，讚賞。床頭和書桌旁都有三腳插頭和USB充電插頭。

枕頭太軟一睡下去就恍如無物，我估應該有其他枕頭揀嘅，下次住JW要留意一下。

浴室裝了電動霧化玻璃，按個掣就看不見，又幾好玩。鏡面有電視機，搖控在櫃筒內，不過裝正正中間有點阻住照鏡。洗浴用品全部都係薰衣草+依蘭依蘭香味幾放鬆幾舒服，而且係大枝環保裝，亦有同味浴鹽浸浴。馬桶係日本電動式，要按掣打開廁板，不過沖廁掣卻在牆上，初用要研究一小下。風筒有電線連著不能移動，廁所內亦找不到電掣插自己帶的捲髮棒。

(3) 澳門JW萬豪酒店健身室及泳池

24小時開放的健身室跟泳池在同一層，室外泳池有三個，其中一個係兒童池。中間設有泳池酒吧，整體上唔算太打卡-able。

(4) 澳門JW萬豪酒店自助早餐

10:30前在酒店一樓餐廳吃自助早餐，餐廳幾大間，不過無對外窗沒風景看。食物選擇多元化，當中蠻多中式選擇，有白粥、煎堆、茶葉蛋之類，素食可以吃超健康蒸蔬菜，也有自選即煮蔬菜菇菇麵。飲品最特別係有茶餐廳港式奶茶，味道不錯，唔加糖都幾好飲。另外我推薦脆脆薯餅。

(5) 澳門JW萬豪酒店附近環境及交通

澳門JW萬豪酒店位於銀河之內，如果外面太熱或者落雨都有商場行下，場內餐廳有平有貴都有野食嘅。除了由香港搭港澳快線可直達門口，也有免費巴士往碼頭和關閘。由酒店行去氹仔官也街都近，傍晚行過去食野唔曬都舒服。

加入Patreon付費會員看零廣告文章
https://www.patreon.com/veggirlclub

+++++
Follow me on Instagram @misskitb

下載港鐵沿線素食餐廳列表

+++++
資料
澳門JW萬豪酒店
地址：Galaxy Macau™, Estrada da Baía da Nossa Senhora da Esperança, s/n, 澳門
電話：+853-88866888
官網：https://www.marriott.com/en-us/hotels/mfmjw-jw-marriott-hotel-macau/overview/?scid=f2ae0541-1279-4f24-b197-a979c79310b0
FB：https://www.facebook.com/JWMarriottHotelMacau
IG： https://www.instagram.com/jwmarriottmacau/
地圖：

+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作請洽：misskitb@gmail.com

標籤

2023/09/23