[香港素食] 哪一種植物奶最適合我？

2022/03/30

這個世界所有好與壞都是相對的，所以我們不問哪一種植物奶最好，而係問哪一種植物奶最適合自己。

+++++

【 Misskitb 粉絲專屬好康】
iherb 優惠碼：MIS8129

+++++

近年人們終於發現飲植物奶比牛奶有更多益處，就算不是素食者或者有乳糖不耐，都會自動自覺揀植物奶作為健康選擇。

市面上可以找到林林總總植物奶產品，由最傳統的豆漿，到近年興起的燕麥奶，生酮飲食人士喜愛的杏仁奶，東南亞風味的椰奶，以至各式各樣豆類榖物，都可以加水製成營養又方便飲用的植物「奶」飲品。

自己在家製作植物奶其實唔難，不過因為香港太容易買到，選擇又多價錢又唔貴，我諗都好少人咁有閒情逸致。

揀植物奶通常都有以下考慮因素
- 品牌
- 價錢
- 味道
- 營養成分

每個人的排序都可能唔同，我當然係鍾意平靚正又唔會肥啦。所以買植物奶的首要條件係無糖、少化學添加劑，目前最常飲的是日本品牌無調整豆乳。

如果你係慳錢為主，當然邊個特價買邊個啦；如果你想補充蛋白質和鈣質，就會揀加鈣豆奶；如果想實行生酮或低醣飲食，就會揀碳水最低的杏仁奶；相反如果要補碳呢，就要揀米奶勒。要找出最適合自己的植物奶，首先要了解自己的身心需要，咁做選擇就毫無難度啦！

下面留言分享你飲植物奶的心得~

標籤