吃完早餐一邊看小說一邊喝茶一邊吃鳳梨酥和花生醬蛋卷，確係人生一大樂事也。雖然已經兩年無飛台灣，不過我都會定期越洋訂購喜歡的零食和茶葉，最近發現左個收錄超過 400 間人氣台灣手信的網站，一次過訂齊想吃的名產，成箱寄到家門口，方便到難以致信！食完呢箱要再上去訂多一箱先得，文末分享埋NT$100 購物金俾你一齊用！
這篇文章會教你：
(1) 如何註冊 iCarry 帳號
(2) 可寄送香港之商品搜尋
(3) 下單流程、付款及海外直送
(4) 產品包裝
(5) 台灣手信推介
(6) NT$100 購物金優惠
iCarry 手信專家
https://link.icarry.me/
找得意食譜/料理靈感：https://linkin.bio/ig-misskitb
++++++++++++++++++++++++++++++++++++++++++++++++++++++++++++++
緊貼最新鮮早餐與蔬食旅遊情報
按讚我的粉專：https://www.facebook.com/breakfastland
追蹤我的IG：https://www.instagram.com/misskitb/
【 Misskitb 粉絲專屬好康】
iherb 優惠碼：MIS8129
++++++++++++++++++++++++++++++++++++++++++++++++++++++++++++++
(1) 如何註冊 iCarry 帳號
註冊 iCarry 帳號非常簡單，只要有香港手機號碼就可以了，記得揀選香港區號852，輸入手機號碼然後按「發送驗證碼」。收到短訊之後鍵入驗證碼，接著進入下一步填資料就OK了。
推薦碼一欄記得填【2021】，登入就會見到戶口有NT$100購物金。
++++++++++++++++++++++++++++++++++++++++++++++++++++++++++++++
(2) 可寄送香港之商品搜尋
iCarry 網站上面有超過400間人氣台灣手信品牌，可以預訂送去機場，直接上飛機返屋企。雖然現在不能飛台灣，幸好還有海外直送服務，除了部分冷藏冷凍商品之外，大部分都可以速遞到指定地址，逐項睇慢慢揀都可以玩成個晏晝架！
搜尋商品的時候，提貨地點要揀「香港」「指定地址配送」，搜出來的產品都可以郵寄香港。
打開發現有超過 2000 項台灣手信！實在太誇張了！如果你有預設目標的話，也可以使用「分類篩選」工具，除了品項之外也可以指定品牌，可以過找找看有沒有自己食慣的心水產品。
++++++++++++++++++++++++++++++++++++++++++++++++++++++++++++++
(3) 下單流程、付款及海外直送
疫情之後你和我都應該已經變成網購專家，上網買野好簡單，見到喜歡的想吃的放進購物車就可以了！iCarry 網站會以重量計算運費，每公斤收費NT$ 120，使用可靠又快捷的順豐速遞，想慳錢記得點選NT$100折扣啊！
前排先忽然想食福源花生醬，在 iCarry 上面見到當然即刻擺入購物車，順便訂埋之前已經想試的花生醬蛋捲。另外訂了好有特色的馬卡龍鳳梨酥和家常料理產品，落單之後就可以期待好快食到想念的台灣味！
購物車右邊欄有一項「購物金折抵」，記得點選「全部抵用」，總金額立減NT$100。
付款方式有好方便的信用卡和支付寶，也可以新增常用收件人地址，方便下次再訂購時不用再打資料。
++++++++++++++++++++++++++++++++++++++++++++++++++++++++++++++
(4) 產品包裝
網購最令人擔心的一件事當然係產品是否能平安送達，落單後好快我已經收到包裹，打開發現包裝非常安全妥當，買玻璃樽裝產品都唔需要擔心。
順豐速遞送貨到家門口，非常方便。
打開入面見到購物清單和泡泡紙，商品排列得好整齊。
鳳梨酥附精美提袋，另外仲送左包小爆谷。
++++++++++++++++++++++++++++++++++++++++++++++++++++++++++++++
(5) 台灣手信推介
今次訂了五樣手信，有一定要食的鳳梨酥和我自己最愛的花生醬，另外也有日常家政產品，咩都想試下嘛。
法布甜三色馬卡龍鳳梨酥禮盒 (原味+茉莉綠茶+日月潭紅茶) NT$650
我第一次吃這個禮盒顏色好高級的法布甜鳳梨酥，主要看到它蟬聯5年台北市鳳梨酥大賽又獲AA Taste Award國際無添加認證最高等級3星獎，而且完全非一般鳳梨酥，無油低糖配方聞所未聞，讓人非常好奇好想食下！包裝咁靚當然亦非常加分！
一盒12個共有三款口味：原味、茉莉綠茶和日月潭紅茶，它最大特色係用了達克亙玆餅做外皮，對於平常沒特別喜歡鳳梨酥個曲奇餅皮的人，另有一種吸引力！
寄到香港都沒穿沒爛，我都幾滿意。
法布甜是全台灣唯一無油的土鳳梨酥，內餡採用關廟17號和2號土鳳梨，外皮用100%杏仁粉，無油、無水兼無麩質，真係減肥都食得！低糖配方之餘，亦特別選用日本海藻糖，吃起來也比較健康。
不瞞你說，我第一次覺得鳳梨酥真係好好食！！平常食一件就擺出去俾屋企人食，今次直頭唔捨得分享，收埋自己慢慢嘆！
達克亙玆餅皮咬下去有種獨特的鬆脆感，三種口味我最鍾意綠色帶茉莉香那個，入面有薄薄一層土鳳梨餡，可以咬到鳳梨肉，酸酸的唔會甜或者假。這個吃完之後我會推介俾所有朋友，希望盡快有機會去台中親身見識下。
新竹福源花生醬 - 福源花生醬蛋捲 NT$400
新竹福源花生醬 - 福源花生醬-顆粒 NT$160
新竹福源花生醬應該也不用多作介紹，我每次去台灣都必定要買！之前香港某間高級超市都有入貨，但這兩年都不見了，也有網店賣原價雙倍至三倍價錢！我幫你計過啦，上 iCarry 訂係平少少的。
禮盒包裝好骨子的花生醬蛋捲一盒有16條，每條都有獨立膠盒包裝，所以寄到來香港都好完整無爛無碎。
我覺得這個蛋捲最優勝的地方在於酥脆蛋捲皮，蛋香十足咬起來也很實在，絕對唔會硬實實。入面係滿滿美味的福源花生醬，每一啖都超級滿足，係會令人一條接一條唔想停下來！自制能力小一點好快就會食晒成盒。
阿聰師 - 甜酒芋頭豆乳 NT$200
和秋 - 麻辣豆腐 NT$109
另外也貪得意買了這兩個，平時見人地食麻辣鴨血食得咁開心，唔食肉的人原來也有麻辣豆腐食下！台灣腐乳係特別好食，咁大樽用來炒菜可以食好耐，幾抵食。
這個麻辣豆腐係湯底配方，成包隔水加熱又得，倒入碗入微波或者倒落鍋煮滾都可以，我見咁多湯汁就順便煮個麵再煮幾條菜。跟包裝加一倍水煮滾，可以好似打邊爐咁煮其他野，方便又好味喎。而且佢不用放雪櫃冷藏幾好。
簡單一煮就變出豐盛又富台灣味的素食午餐！
甜酒芋頭腐乳第一次食，估唔到煮起來真係有芋頭味！入面又真係有芋頭肉，我真係覺得好新奇！腐乳用玻璃包裝，入面仲有個膠蓋，都幾乾淨保鮮。我就鍾意用腐乳來炒菜，放幾塊落鑊加點水開成汁，再放蔬菜入去炒熟就OK，簡單快捷又好味健康的一餐。
這個腐乳味道偏清淡，而且帶清新甜味和芋頭香，我覺得搞不好配饅頭和芋泥會超好食，再搵日實驗一下先。
++++++++++++++++++++++++++++++++++++++++++++++++++++++++++++++
(6) NT$100 購物金優惠
最後係你最期待的折扣優惠碼，註冊時輸入推薦碼【2021】即可獲得 NT$100 購物金(首次消費即可使用，期限半年)，即刻上去買齊你最掛住的台灣名產！https://link.icarry.me/misskitb
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com