今年素食展到第三日先有時間去行，不過我都做足準備拉架車車去，場內好多新產品都非常吸引，又有各種各樣折扣優惠，真係好難唔滿載而歸架！介紹返我今日見到同買左的精選素食產品，想掃貨的話聽日最後機會啦！要買定全家生日禮物聖誕禮以至彌月禮都襯早啦！
(1) KETO-Friendly
(2) 零罪疚零食
(3) 方便純素餐
(4) 邪惡零食
(5) 養生飲品
(6) 咖啡工作坊
+++++
【 Misskitb 粉絲專屬好康】
iherb 優惠碼：MIS8129
Joirme香薰蠟燭8折優惠：kitty2021
找得意食譜/料理靈感：https://linkin.bio/ig-misskitb
+++++
(1) KETO-Friendly
今年素食展多左好多 Keto-Friendly 的產品，實在是潮流來著！生酮飲食或者低碳或者純粹想食得再健康一點，都可以參考這幾款。
一入門口右手邊就見到甘薯葉，這款來自台灣的即食椰菜花飯，我之前在他們FB和IG見到已經好想試，場內有特價八折，立即買齊豬牛雞三款！
返屋企先開盒泰式羅勒檸香未來豬食下，打開紙盒入面原來有兩包，一包係椰菜花飯另一包係泰式豬肉。我以為係成盒放入微波爐一「叮」有得食，睇清楚先發現原來要解凍、倒落碗再微波，比想像中要用多幾分鍾的時間。
除了用微波爐，這個椰菜花飯也可以水煮或者用飯煲加熱。入面的椰菜花也非只有椰菜花那麼簡單，同時加入粟米、毛豆、藜麥和紅蘿蔔，吃的時候感覺很多料很豐盛，唔會太沉悶。
味道非常有驚喜！真的好有泰式風味，尤其個檸香極之突出，食起來夠晒醒神！唯一缺點係椰菜花飯始終比較濕，吃起來就像軟軟的飯，如果想食爽口感就難少少。但個泰式風味真係值得一讚，到位！
經開甘薯葉，我仲推介自然齋的泡菜滿福餃，食過返尋味，場內有八折更抵食，即刻買定包放雪櫃。
(K16)
Organic MaMa Ltd
https://www.organicmama.com.hk/
這間有很多生酮產品！圖中這個是即食椰菜花飯，打開就可以直接食超方便，又唔需要擺雪櫃喎，展場特價 HK$100/3包 價錢都合理。除此之外，生酮用的糖、榛子醬和飲品都有，當然唔少得蒟蒻麵，不過我本人就比較唔鍾意食蒟蒻麵，覺得佢本身無營養又難消化，純粹塞飽個胃無咩意思。不過都有好多人鍾意食既，即食又多口味都有其方便之處。
++++++++++++++++++++++++++++++++++++++++++++++++++++++++++++++
(2) 零罪疚零食
我係唔太食零食的人，難得都仲有野吸引到我，這個牌子的純素低糖朱古力真心好食過好多朱古力，配合埋後面種樹和環保包裝的理念錦上添花。
(K19)
Foodisdom 睿饍
https://www.foodisdom.is/
講都無人信，又無牛奶又無堅果，但食起來係脆米朱古力的感覺，味道比一般朱古力零食好，同時低糖純素無罪疚感。
品牌新產品蛋白能量棒，有做開運動的可以試下。
這個來自德國的牌子，包裝全面採用可分解材料，拿去堆肥六個月就會完全分解，可以做到零污染真係心安理得。
每賣出一條，品牌就會幫你種一棵紅樹，我今日就種左三棵啦！
(K03)
Suphia’s Functional Snacks
https://www.instagram.com/suphias.functional.foods/
好好味的 Suphia’s Functional Snacks 今年都有參展，純素兼富含超級食物營養，最重要係好食。除了一般能量棒也有生酮版本，亦可以加 CBD oil。我特登去買條做早餐，食完先有力繼續行。
(K14)
Nice Pops
http://www.nicepops.hk/home/
香港製造的手工冰棒，八種口味都創新有趣，例如楊枝甘露、紫芋椰香紫米和柚子蘋果雪葩等等，其中兩款仲加左酒添！
(K02)
Life is for Excellence Ltd
https://www.citysuperfoods.com/
由阿諾舒華辛力加代言的高蛋白粉和能量棒，純素、低糖、方便又營養豐富，除了運動健身練大隻之外，平常外食太多難以補充足夠營養的話，其中一兩餐飲這個都幾好架。
++++++++++++++++++++++++++++++++++++++++++++++++++++++++++++++
(3) 方便純素餐
現在越來越多很方便的素食產品，即使零廚藝都可以隨時變出豐富美食，人生頓時方便好多，儲足糧再有疫情都唔驚(啋)。
(J21)
Eat The Kiwi
https://www.instagram.com/eatthekiwihk/
來自澳洲的全新素肉產品，有素肉丸、素雞肉和素肉碎四款，全部HK$60/包，我揀左其中兩款買返屋企試。這個品牌全香港首度登場，最大特色係低鈉配方，特別適合關注血壓的人士，出面暫時未有得賣，想搶先試真係要把握機會啊！
(K21)
Sapori International Limited
https://www.saporihk.com/
這家是專門進口意大利優質食材的公司，素食展推介圖中一系列即煮意粉和意大利粉，我之前已經試過其中一款，真係簡單方便兼好食。展場內買四包就送一枝白松露油，枝油都賣百幾蚊架，所以當然要掃貨啦。
不過要留意返，雖然話係VEGAN，但其中兩款有墨魚汁麵，意大利人同我地對Vegan的理解不大一樣啊。
我鍾意食唔同形狀的意粉，有長通粉有紐紋粉有貓耳朵粉，仲揀左包意大利飯煮下。這個真空包裝可以擺幾年，大時大節要煮大餐的時候，開一包就可以呃到成村人。
(L03)
Hey Pantry
https://www.facebook.com/heypantry
想飲素湯的話，場內有好多款式揀，中式西式都有喎。這家就賣西湯為主，素食展亦特別推出素菜包，掛住行展覽唔得閒煮飯，記得買定幾包返屋企開餐。素湯本身有忌廉，如果需要走蛋奶或走蔥蒜，可以預訂特別版。
Ms Soup
http://www.ms-soup.com/
想飲素湯可以試試這家的出口，成分天然無防腐劑，坐暖就飲得，無油又清甜好好飲。這個品牌本身都做開湯品，今次素食展特別推出純素中湯之外，亦有手工素水餃和素粽，全部都係清爽健康的口味，值得一試。
買定粽下禮拜一端午節有野食。
(H16)
100 Percent Wellness H.K.
https://100-wellness.hk/
喜歡吃日本菜的話一定不能錯過這間，各種純素/無麩質日本拉麵應有盡有，亦有素肉、素咖喱等等，最正係純素拉麵 HK$150/10 包，超級抵買！可以一次過揀十款都好開心。
++++++++++++++++++++++++++++++++++++++++++++++++++++++++++++++
(4) 邪惡零食
正所謂食素唔一定健康，食素都好多熱氣野食架！
純素炸豬皮今年大特價，竟然 HK$100/10 包，平到傻眼貓咪！所以我第三日去到只剩返原味和辣味，我就買左包辣味既試下。
HK$15 咁大包係幾抵。
(L06)
Veggie Plate Company
https://www.facebook.com/veggieplates
好多人都激讚的素食肉乾，經過見到當然都要買盒返屋企試試，食下係唔係真係同其他唔一樣。
基於我唔食肉之前都好少食肉乾，其實我都唔肯定似唔似，要搵肉肉子試下先知。這個原味係有炭燒香，而且佢唔油膩，纖維感又夠細緻，吃起來滿意度甚高！我覺得可以自己烤一烤會更好食。
++++++++++++++++++++++++++++++++++++++++++++++++++++++++++++++
(5) 養生飲品
飲品類似好多元化，由茶、水、果汁以至純素酒都有，唯一係唔知點搬返屋企。
(K08)
南堂花茶
https://www.facebook.com/nantongtea/
自從讀完個中西營養食療證書之後，對養生茶都更有研究，這家全天然養生茶飲好多款式，每盒有唔同功效，成包放入保溫壺加熱水焗一陣就有得飲，適合繁忙都市人保健養生。
(K08)
來自台灣的花果酒系列，花花包裝最吸引人目光，飲完留返插花都唔錯，入面仲真係有花瓣架！
(K08)
百利行
https://www.bethlehem-hk.com/
葡萄酒有分純素唔純素？其實一般釀酒過程中可能會用到動物成分，所以飲酒都係揀純素比較安心，這個來自以色列的純素葡萄酒絕無動物成分，而且有埋 KOSHER 認証。聽負責人介紹，原來以色列人種葡萄係每七年要休耕一年，又幾有趣喎。
(E21)
來自泰國的137杏仁奶好飲係人都知啦，素食展有專賣攤位，除了平常見到的杏仁奶之外，我仲發現這個加了七種蔬菜的牛油果杏仁奶，無加糖添架，非常厲害的感覺。
++++++++++++++++++++++++++++++++++++++++++++++++++++++++++++++
(6) 咖啡工作坊
今年素食展亦有多個品味工作坊可以報名參加，我就去左這個咖啡掛耳包體驗。平時沖咖啡都會用掛耳包，原來是這樣做出來的。
咖啡掛耳包工作坊共製作了三款不同產地的咖啡，分別有 Costa Rica、肯亞和 Ethiopia，單品咖啡粉聞起來各有風味，將咖啡粉倒入濾掛包之後，用機械封口就可以了。明天早餐沖邊個飲先好呢？
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作請洽：misskitb@gmail.com