[香港素食] 旺角 | 無肉食：一餐吃夠蔬菜 多分店素食自助餐

旺角沒甚麼素食餐廳，約朋友都係去這間素食自助餐最方便，平靚正又可以一餐食好多款蔬菜。由熱氣炸蔬菜炸豆腐、糖醋骨素叉燒、炒麵炒腸粉、涼拌到涼粉真係數之不盡每樣都想食下，唔好唔記得仲有湯和糖水可以吃，飲品都好多款茶俾你揀呢！

[香港素食] 大圍 | BRICK LANE Deli：蛋奶素全日早餐 薄餅 意粉

你去左圍方湊熱鬧未呀？新商場開了很多新餐廳，蛋奶素的話這間就有一些選擇，英式早餐全日都有得食，亦有素食意粉、薄餅和焦糖窩夫，約朋友去行新商場可以先mark低有素食的餐廳啊～

[香港素食] 佐敦 | 三德素食館：傳統中式素飲茶 午市點心HK$21起

成日聽人講起這間素食飲茶，剛好有朋友想食就去試下啦。北角和佐敦都有分店的中式齋酒樓，午市有點心食，亦有各式小菜和粥粉麵飯。素點心紙有40個選項，應該有的都在，也有甜品吃。最平小點HK$21，最貴特點HK$32，另收茶錢和加一，周末都幾多人來飲早茶㗎。

[香港素食] 荃灣 | Yau Veggie Bistro：純素浪漫法國菜 無蛋奶「焦糖燉蛋」

想去南豐紗廠搵狗狗玩，順路可以吃這間純素法國菜！平日很少機會吃法式料理，所以每道菜都幾新奇，跟朋友各點一個三道菜午餐，沙律和甜品都可以試晒兩款。主食選了鹹批和釀蕃茄，賣相都很誘人，味道說偏正常啦。

[香港素食] 長沙灣 | Lumière 一盞燈：Meow In Wonderland 期間限定主題打卡

長沙灣這間咖啡店最近推出全新主題菜單，店內更佈置大量愛麗斯打卡位，用兩位貓店長做主角，可可愛愛還有素食選擇呢！新菜單有一款素食漢堡，加上原本的菜單上也有全日早餐和意粉等選擇，更可以配貓貓拉花咖啡，仲有機會一親店長芳澤呢！

[香港素食] 尖沙咀 | 鄭​師姐泰式素食私房菜：香港最神秘泰國菜 HK$180/位私房菜超抵食

一齊上樓㩒鐘仔食泰國素菜～

尖沙咀這間泰國菜超神秘，搭上樓的電梯細細部，上到去見到拉晒閘重門深鎖，仲要㩒鐘仔等一陣先有人開門！不過泰國店員都好好人，平日午市套餐有冬陰公湯飲都只係HK$50/位，食到超飽的私房菜亦都只係HK$180/位，而且兩個人就可以預訂，幾神秘都值得試下㗎！

[香港素食] 尖沙咀 | Branto 印度素食餐廳：南印度素食料理 主打各類特色煎餅

好多年沒吃尖沙咀印度素食餐廳，原來換了新裝修坐得比以前舒服。打開餐牌見無naan餅食，南印度菜似乎係主打各類特色煎餅，仲有麵包和炒飯，感覺全部都係澱粉質。揀不到吃甚麼可以揀套餐，有飯有咖喱各種醬汁甜品飲品，一盤過比較沒煩惱。

[香港素食] 旺角 | Nood Food：健康純素輕食 方便做運動補充體力

這間附屬於健身室的輕食店，在全港有多間分店，方便你做完運動可以健康地補充體力。供應唔少素食和純素選擇，非健身室會員亦可以行入去食，可以記低以備不時之需啊。

[香港素食] 西環 | 寶蓮苑素食：好味齋鋪大份量客飯

這間傳統齋鋪在西環有兩間分店，坐低先開壺普洱，打開餐牌有點心、炒粉麵飯、湯麵、粥和客飯各式各樣。見隔離檯會叫招牌齋鹵味食，我就揀左客飯餐，估唔到份量勁大，想食埋甜品黑芝麻糊都未必食得落。

[香港素食] 尖沙咀 | 慈素小聚：全新開業素食餐廳 用心製作多國菜料理

尖沙咀新開業素食餐廳，裝修配色舒服可愛，大面積窗戶採光好又幾開揚。打開餐牌發現菜式都幾多元化，有中菜也有日式、意大利以到印度料理，各式各樣唔會覺得悶。除了散叫，平日也有優惠午市套餐，一兩個人才吃也可以試到多款美食。

[香港素食] 尖沙咀 | 香港非洲中心：文化交流共融 吃非洲x香港特色融合菜

你有無食過非洲素菜？原來唔使去非洲，去尖沙咀就有得食！這個社會企業推動文化交流，可以上去識朋友玩board game參加活動，隔個星期二更有Vegan之夜，可以吃到非洲x香港style的套餐，菜單每次都唔同，想買票可以WhatsApp/DM訂位或當晚9點之前隨時walk in啊。

[香港素食] 香港最平素食三餸飯？

食素有平亦有貴
銀包得40蚊可以吃到甚麼？

[香港素食] 香港必吃5間貝果三文治特集 賣相味道皆吸引 不吃會後悔 | #素食懶人包

貝果控立即收藏！

好久以前已經喜歡吃貝果，大概是去台北都要食 NY Bagel的年代。後來在雪櫃冰格常備一袋冷藏貝果，早上噴點水焗一焗就有靚早餐食。後來開始少食澱粉先疏遠左。

香港越來越多地方有貝果食，最近心血來潮要做特輯，精選五間素食友善貝果專賣給你參考。 有更多推介可以留言話我知。

[香港素食] 中環 | Schragels：正宗NY Style貝果 素食三文治非常滿足

這間貝果店標榜正宗NY Style，吃起來確係軟硬適中有嚼勁，試完三文治即刻想買幾個返屋企。貝果三文治的配搭也很有紐約風味，當中有幾款蛋奶素食也有一個係VEGAN。在中環吃完才發現上環開了新店，想坐得更舒服可以揀去上環店。

[香港素食] 日本菜 | 香港吃素壽司要幾錢？

好多人都話食素好貴，仲要日本菜豈非天價？ 

不過原來香港食素壽司都有唔同價錢的選擇
平唔一定唔好食
貴亦貴得有道理

Save低再因應唔同需要自己揀

[香港素食] 中環 | 福祿壽健康素食：中環佛心價素食三餸飯

中環商業區想平平地食個飯真係唔容易，所以記得SAVE低這間佛心價素食三餸飯，每日有十幾個菜式任揀，仲有老火湯飲。想食1至4個餸都可以，澱粉可以配白飯、紅飯、炒米粉或炒麵，味道唔算差對得住個價錢囉。

[香港素食] 中環 | Bagels Alley：純素友善無油手工貝果 中環巷內一人小店

最近研究香港吃到的貝果三文治，原來正宗紐約貝果沒幾間，都集中在中環，素食三文治配搭通常都大同小異。這家隱藏在巷子裡，使用本地手工製無油貝果，三文治有一款純素選擇，抹醬也可以揀鷹咀豆泥。

[香港素食] 尖沙咀 | 緻素坊：無蛋奶無五辛素食飲茶 點心中菜樣樣出色

第N次食這間依然覺得好好食，這次全檯只有我一個吃素，但整體評價都非常好，想帶肉食朋友見識高質素食，可以即刻訂個檯先。餐廳午市供應點心及中式素菜，晚市就無點心不過可以試下水煮魚酸菜魚之類，多幾個人一齊食最開心。

【iHerb 純素護膚化妝品推介】

其實食素又唔一定要用純素護膚品

不過感覺上成分天然和不經動物測試會用得安心一點

反正純素護膚化妝品又唔難買到

舉手之勞都無咩蝕底

如果你覺得在香港買純素產品唔夠方便

或者懶得慢慢查成分標簽

上網買都係一個好方法

iHerb就上架好幾個外國有名的純素品牌

更驚喜既係價錢唔夠

有些牌子更係經濟實惠

用埋折扣碼又有專人送到家門口

可以上去睇下㗎

(1) iHerb簡介

。成立於1996年

。讓人們以方便快捷的方式，用經濟實惠價格全球優質健康產品

。提供30000多款產品

。所有產品由iHerb銷售和發貨，非第三方賣家，杜絕假冒產品

(2) 選購純素產品

網站上有【嚴格素食】【素食】分類，方便篩選適用產品。

(3) 無間斷主題優惠

網站上任何時間都有折扣優惠，鍵入優惠碼就會自動幫你減到最抵。

(4) 多重省錢攻略

。購物滿HK$300即免運費

。好物試用低至US＄1

。寫一條新的產品評價就可以獲得1美元即時獎勵

。每成功推薦一位用戶獲得至多 10% 獎勵傭金！

(5) 購物方式

。 官網：https://hk.iherb.com/

。 手機APP

(6) 存低我的優惠碼

結帳時記得輸入 ：MIS8129

－－－－－－－－－－

【香港唯一廣東話素食媒體】

邊度有素食｜#素食懶人包｜素食旅遊｜簡易食譜｜#素食常識

www.veggirlclub.com

[香港素食] 一蘭首推「純素拉麵」7月3日登陸香港！

沒想到素食者也有吃到一蘭拉麵的一刻！