這次去名古屋4個晚上都住這間，單人房價格應該係最平，連稅三百零蚊房夠大間，仲有窗有浴缸，大堂有咖啡任飲，洗浴用品和各式各樣都免費供應。我們入住女性樓層除了安全之外，房內還有全套護膚品，拎包入住咩都唔駛帶都得！
地理位置亦非常方便，地鐵站出來行1分鐘就到，搭機場巴士更係直行幾分鐘就到，不用搬行李上上落落。行去電視搭附近有吃有商店，附近有超市、便利店、Donki、藥妝店、LOFT...步行距離都好多野睇。
+++++
【 Misskitb 粉絲專屬好康】
iherb 優惠碼：MIS8129
+++++
雖然這次同朋友一齊去，不過為免影響對方睡眠質式和爭廁所，於是一人一間單人房，住得舒服唔會打交。搜尋訂房網站找到CP值最高這一間，房間面積大、配色無太古怪、有窗有浴缸、地點亦近地鐵站。來之前都驚會伏，不過住完非常滿意自己的選擇。
由機場可以搭機鐵或機場巴士到栄駅，兩種都試過之後我推薦搭機場巴士，唔需要轉車唔需要搬行李上落樓梯，直達 oasis 21 之後，一條直路行5分鐘左右就到酒店了。
搭地鐵的話在栄駅下車，黃色線1號或8號出口，8號出口有電梯，拉行李建議利用。那邊是宅男商場，可以經過一個長期有粉絲排隊的小舞台，我地有一晚遇到偶像團體同我地揮手打呼，晚上亦有機會睇到少女跳舞團體表演。
這麼小的舞台應該都係初出道組合，不過捧場客也蠻多的，體驗一下日本偶像文化。
酒店大堂在三樓，升降機應該預設左一定停3樓，有無㩒佢都會停。大堂裝修好靚好高級，服務員可以單字英語溝通。
三樓亦設有座位供住客自由使用，可以去超市買食物來早餐或宵夜。
仲有啤啤熊打卡位啊。
入住雖然無附早餐，但有免費咖啡和熱朱古力任飲，隔離部係冰機，可以自己變出凍飲。後來發現同一層還有微波爐可以用。
這個架上都是免費自取的用品，應有盡有非常貼心，房間有浴缸可以拿入浴劑上去浸，茶包亦有8款，選擇好多元化。
男女護膚品亦係應有盡有，忘記帶都不用自己買，還有很多實用小東西。
訂房時無特別揀女性專用樓層，可能櫃台見我地兩個女仔，就安排左這一層。酒店房要拍房卡才可以上樓，所以住得很安全。
單人房面積都140呎，空間非常夠用，我用行李架架起行李箱放床邊，可以保持打開仲有少許路出入。單人床都比正常闊落，兩個枕頭有少許不同，床頭USB是快充插頭，整體非常方便就手。
電視就只有日本電視台，看不懂純粹有點聲音不會太安靜。房間隔音很好，偶爾聽到樓下車聲，基本上不會聽到噪音或隔離房的動靜。
廁所亦幾大間，因為住女性樓層，所以有各種大枝裝用品，完全唔需要自備，不過桌面空間就比較少，，自己的用品沒地方擺。衛生情況亦很好，整間都很乾淨，亦有24小時換氣。
入住的時候佢有張紙寫話唔執房可以貼個牌在門口，後來發現根本無果個牌，基本上都係會每日倒垃圾和換毛巾。
全部大枝裝用品，如果皮膚無特別敏感，品質都正常可以用。
近門處有衣櫃、夾萬和冰箱。冰箱可以非常凍，建議使用前望一望校左幾度，我第二晚擺左杯乳酪和柑入去，隔天竟然結左冰！太誇張了！
酒店對面就是摩天輪，我們住的房間都看得到，景觀算不俗。因為在摩天輪對面，找路回家亦很容易確認方向，不太容易迷路。
唯一要注意的是樓下很多青年人娛樂場所，晚上會有看起來像不良少年的年輕人聚集，其中一晚去附近間Familymart門口亦有一堆似古惑仔的人，早上街道上會有一堆堆垃圾。不過危險就唔會有既應該(始終都係日本)，好似住蘭桂坊咁囉。
加入Patreon付費會員看零廣告文章
https://www.patreon.com/veggirlclub
+++++
Follow me on Instagram @misskitb
下載港鐵沿線素食餐廳列表
+++++
資料
Hotel Actel Nagoya Nishiki ホテルアクテル名古屋錦
地址：3 Chome-17-26 Nishiki, Naka Ward, Nagoya, Aichi 460-0003日本
電話：+81529628080
官網：https://hotel-actel.com/
IG：https://www.instagram.com/hotel_actel/
地圖：
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com