我曾經在無印良品的即食料理區食物研究標簽很久，發現無論湯包咖喱包全部有肉，即係咩都無得買。終於，等到佢地推出左全新大豆肉產品，一次過買晒四款返屋企試先！
++++++++++++++++++++++++++++++++++++++++++++++++++++++++++++++
按讚我的粉專，追蹤最新鮮早餐與蔬食旅遊情報：
++++++++++++++++++++++++++++++++++++++++++++++++++++++++++++++
大豆肉系列共有四款產品，全部室溫保存，均一價 HK$25/包。上面兩款係純素無蛋奶，需要烹煮。下面兩款有蛋，微波爐加熱就食得。我覺得下面兩款成分有可可粉都幾特別。
大豆肉片我拿來炒大根，調味料簡單從雪櫃拿出素蠔油和麻辣蘑菇醬。
一包份量唔算非常多，上面寫2-3人前，但我一個人食晒，哈哈。
大豆肉片口感都唔錯，不過就有好大陣大豆味，我個人就接受到，你可以試下。
這個大豆肉排包裝話可以用微波爐「叮」熱食，記住係倒出來放在碟上再「叮」，唔好原個錫紙包裝，會爆炸。我因為煮早餐煎開野，所以順便煎埋，外面有煎完會變深色有少少脆口，應該比微波爐「叮」好食少少。
大豆肉排咬起來有纖維感，口感都幾試 Old-school 中式素排，味道不算特別好，中規中矩還可以接受的程度。
肉丸拿來做番茄肉丸意粉，意粉醬用這個無加糖的，方便簡單。
這款肉丸也是可以用微波爐「叮」的，煮我諗應該好食d掛。
肉丸的口感都唔錯，亦跟肉排一樣有陣大豆味，感覺比較適合煮日本餐，煮西餐就唔太夾勒。
最後這款肉碎我拿來炒魚香茄子，從包裝倒出來都幾乾身，看起來不錯。
炒的時候我加了大量醬油和魚露，所以比較沒吃到大豆味，口感似炒得比較乾的肉碎，我覺得唔錯喎！如果這四款硬要我選一個推介的話，我會揀這個大豆肉碎。
真人實測系列
無印良品新推大豆肉系列：肉排肉丸肉片肉碎都有 免冷藏微波爐即食
走肉朋友料理即食包：微波爐方便素食 十分鐘色香味俱全
TN Meat嚐新肉：新進台灣品牌素肉產品 炸雞牛肉漢堡免治牛肉方便易容
Food Nation：搶眼鮮豔包裝 紐西蘭素肉品牌
自然齋：台灣原裝冷凍水餃 餡料豐富口味正宗
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com