香港人越來越少機會出街食飯，響屋企有時都煮到唔知煮咩好，好彩有素食品牌陸續推出各種方便美食，簡單加熱就色香味俱全，真係令餐桌生色不少。最近我就買左一系列走肉朋友的料理即食包，港式風味都幾正架。
++++++++++++++++++++++++++++++++++++++++++++++++++++++++++++++
按讚我的粉專，追蹤最新鮮早餐與蔬食旅遊情報：
++++++++++++++++++++++++++++++++++++++++++++++++++++++++++++++
走肉料理即食包
訂購表單：https://docs.google.com/forms/d/e/1FAIpQLScyKiBhmd2sTb78xZbzUT153sGrUAZU_S1eFjCvcwTpzdkwQQ/viewform
$120任選三包 (原價@$45)
- 蜜味欖角素肥叉 200g /蛋奶素 (材料 : 素叉燒, 欖角, 麥芽糖, 甜醬, 生抽)
- 中式素牛柳 230g /蛋素,含五辛 (材料 : 中式素牛柳, 洋蔥, 水, 甘荀, 茄汁, 喼汁)
- 港式西檸素雞 200g /蛋奶素 (材料 : 素雞塊, 檸檬, 白醋, 檸檬汁, 吉士粉, 柚子蜜)
- 印尼沙爹串燒 230g /蛋素 (材料 : 素羊肉, 青椒, 菠蘿 , 沙爹, 素菇粉, 素蠔油)
- 蜜味黑椒牛肉粒 230g /蛋素 (材料 : 素羊肉, 三色椒, 黑椒, 百花蜜, 老抽, 素菇粉)
- 惹味麻辣雞 230g /蛋素,含五辛 (材料 :素雞, 乾蔥, 蒜頭, 洋蔥, 乾天椒, 指天椒, 三色椒, 花椒, 八角, 甜醬, 姜, 冬菇, 鹽, 糖, 素菇粉)
走肉料理即食包共有11款，前五款係中式粉麵類，因為本人唔太食澱粉所以skip左。後面六款全部都係啖啖素肉，自己可以配白飯配麵配椰菜花飯或者直接食都得，菜式看起來都幾吸引，自己唔會有心機煮之類。
一次過訂晒六款 HK$240，每個菜 HK$40，唔算超級平，計返材料手工費都抵既。
(1) 蜜味欖角素肥叉
我最鍾意食素叉燒，所以見到這個就極想訂。素叉燒我分別為氣炸鍋和焗爐翻熱，我覺得吃起來差不多，外層都可以炸/焗到脆脆，麵筋咬起來則有肥肉感，蜜汁味道都唔錯，這個很滿意。
(2) 中式素牛柳
我一直預想係比較深色汁那種中式牛柳，不過倒出來原來係茄汁底，味道有微微酸果種，素牛柳片勁太塊，吃都來都真係幾港式餐廳style。這個下面我配了氣炸鍋脆麵底，有個汁撈麵係爽。
(3) 蜜味黑椒牛肉粒
鋁袋包裝的即食包可以成包放落熱水加熱，或者用微波爐「叮」，我就嘗試倒落平底鍋，我諗條條大路通羅馬。這個黑黑椒牛肉粒比想像中乾一點，入面沒甚麼汁，不過有薯仔粒我覺得幾驚喜，如果用鐵板上就更爽。
(4) 惹味麻辣雞
走肉朋友個口水雞超級好食，所以我都幾期待這個麻辣雞，入面有好多薑、辣椒和大蒜，吃起來辣得過癮，濃味人必愛。
(5) 印尼沙爹串燒
這個印尼沙爹串燒都非常吸引，我拿來配印尼辣味素食撈麵。即食包入面有袋沙爹醬，可能我用微波爐「叮」的關係，吃起來不算非常惹味，或者可以試下用氣炸鍋炸一炸。
(6) 港式西檸素雞
這個菜式我平常很少會點，我諗人生中無食過幾次，哈哈哈。入面有五塊薄薄的、外層在炸過的素肉，畢竟都係用微波爐翻熱，食起來唔會脆口，不過個汁酸酸甜甜都幾有趣。
真人實測系列
無印良品新推大豆肉系列：肉排肉丸肉片肉碎都有 免冷藏微波爐即食
走肉朋友料理即食包：微波爐方便素食 十分鐘色香味俱全
TN Meat嚐新肉：新進台灣品牌素肉產品 炸雞牛肉漢堡免治牛肉方便易容
Food Nation：搶眼鮮豔包裝 紐西蘭素肉品牌
自然齋：台灣原裝冷凍水餃 餡料豐富口味正宗
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com