[香港素食] 啟德 | PHI Coffee & Pancake：素食友善梳乎厘專門店

這間主打梳乎厘班戟的連鎖店，港九新界有13間分店，沙律和意粉都有素食選擇，不同季節亦會推出特色餐牌，秋季這個「香烤舞茸菇栗子貓耳朵粉」都幾有水準，蛋奶素食者約朋友飲咖啡食飯傾偈的好去處。

[香港素食] 九龍灣 | Jollibean 石磨樂豆：新加坡品牌豆乳甜品專門店

來自新加坡的石磨豆漿品牌，全港有6間分店，全都在大型 商場方便補充植物蛋白質。品牌主打豆乳飲品，口味超級 多元化，抓住夏日尾巴必試香芒系列，亦有養生之選山藥 百合系列和紫米露系列等，喜歡吃豆花甜品不容錯過。

[香港素食] 葵涌 | 入素：似食肉的入門素食餐廳

馳名海南雞飯的素食餐廳，現在只剩葵涌一間分店，記得多多支持。由葵涌地鐵站行天橋直達KCC，食素唔驚日曬雨淋，套餐價錢仲非常抵食。之前每次都叫海南雞飯，今次特登食下其他。新新地的葡式乳豬飯，個乳豬其實同海南雞一樣係腐皮卷，但係炸咗更香口。小食推介話梅苦瓜和桂花叉燒。這家適合帶初嘗試素食，或者想回味下港式風味的朋友。

[深圳素食] 素食懶人包 | 深圳必吃9間素食餐廳 / 素食小店

香港返深圳越來越方便，請唔到咁多日假搭飛機去旅行，近近地上去行下食下素食餐廳都幾正。國內最大優勢係地大物博，食飯坐咖啡店都悠閒感十足，又可以食到中國各地唔同菜系。搭地鐵打車又平又簡單，落單全部用wechat掃碼，唔需要同人溝通最適合 i 人。

[香港素食] 中環 | WATERMARK：海上餐廳高質素食套餐

你知唔知中環碼頭上面有間海景餐廳，仲飄浮響水面小輪 靠岸會搖😆 最正係餐廳推出素食菜單，西式多國混合料理 ，可以食到黃菜頭、意大利櫛瓜花和耶路撒冷亞枝竹等偏 門食材，配搭有特色，水準極高，而且價錢唔算貴，CP值非常高。

[香港素食] 中環 | MYLKLAB.CO：精品濃豆乳專門店 純素低糖飲品甜品

中環街市有補充蛋白質的好去處！這間豆乳專門店使用有 機黃豆、日本職人技術製作，可能係全香港最濃厚豆乳。 行開飲杯豆乳咖啡，或者試下不同口味豆乳飲品之餘，仲 有純素豆乳布甸和豆乳雪糕，無蛋奶仲係低糖，適合健康 飲食人士。

[香港素食] 北角 | 糕點時光：社企餐廳健康素食選擇

這個協助金齡婦女就業的社企，主打傳統港式糕點，北角 旗艦店更提供主食，而且有幾款素食選擇。主食養生豆腐 菇菌紅米飯、天貝刈包和小食醬煮鮮菌天貝，滿滿蛋白質 ，醬汁亦夠惹味。港式甜品亦以純素為主，新推出米麻糬 港式糖水，用茶餐廳奶茶上，超拉絲打卡一流。

[香港素食] 中環 | 庭日本料理：廚師發辦全素食菜單

香港素食日本料理不多，中環這間新開業的日式禪意庭園廚師發辦餐廳，竟然推出一個全素食菜單，除左無蛋奶亦無五辛，14道菜HK$780/一位。菜式以季節性和高品質的食材為主，包括米糠漬豆腐最中餅、黑松露素麵、昆布素卷和舞茸銀杏土瓶蒸等。

[香港素食] 荔枝角 | Picoso Mexican：工廈秘藏正宗墨西哥菜

你知唔知墨西哥菜通常都有素食？尤其如果鍾意食牛油果、豆和芝士就一定要記低，這間小店竟然開在荔枝角工廈一樓，經典菜式Taco、Burrito和Quesadilla都有素食選擇，用蘑菇取代肉類，味道正宗份量十足，牛油果控當然仲要整返杯牛油果奶昔啦！

[台灣旅行] 花蓮酒店推介：秧悦美地度假酒店 Gaeavilla Resort

入住有自家農場的度假酒店係咩體驗？花蓮秧悅美地度假酒店是台灣唯二獲得 CU-GSTC 國際認證的綠色永續酒店，每晚住宿比一般酒店減少52分斤碳排放。酒店在自家農場種香草、水果、蔬菜等，亦有養雞生蛋，在自助早餐和晚餐都可以farm to table，酒店自家製酸種包更是非常高質。 

酒店各處當然融入香草元素，由迎賓香草茶、香草豆漿、香草點心、香草沐浴系列以至好正嘅私家香草蒸氣浴，當然仲可以參觀香草園，赤腳接地氣，做瑜珈、踩單車、去農場餵雞，亦可以安排去慈濟醫院做中西醫身體檢查，所有活動都好有益身心。

[香港素食] 西灣河 | vegmind：素食砂鍋意大利飯

由元朗開到鯉景灣的素食餐廳，吃西餐為主，意粉意大利飯pizza漢堡之類。最多人點這個西式煲仔飯，雖然用砂煲上，但入面其實係牛肝菌意大利飯。菜式以蛋奶素為主，可走蛋奶及五辛。(元朗店已結業)

[香港素食] 觀塘 | 紫竹林素食：午市兩餸飯晚市私房菜

觀塘這棟工廈入面有三間素食餐廳，save低唔驚無野食。這家吃比較傳統的港式齋鋪素食，午市有四個餸揀兩個餸飯，菜式每日不同，可以添飯添湯。素湯好多料非常豐富，這次吃海南雞實際上比較似薑蓉切雞，薑蓉愛好者表示滿意。

[香港素食] 新蒲崗 | 泰好篤篤餐館：街坊泰國菜素食餐牌

新蒲崗返工的朋友要save低，這間泰國菜小店，提供足足兩版素食選擇，有飯有粉麵有湯河有小食等等，需要走蛋走五辛可以同店員講聲。食個飯HK$60左右，都算經濟實惠，如果有幾個朋友一齊食可以叫小食分享。

[香港素食] 土瓜灣 | 坐鎮：超濃郁多菇素湯麵

由五星級大廚主理的街坊小店，特製一個「姬松茸猴頭菇烤菌黑蒜素湯麵」俾素食者，湯底超濃郁香氣十足。一碗有齊猴頭菇、姬松茸、杏鮑菇等多種菌類，個猴頭菇仲煮到好似牛筋咁膠質十足，每種有菇有唔同口感。除湯麵之外，晚市仲有幾款素食小菜可以試下。

[香港素食] 銅鑼灣 | JIKKA燒雞：燒雞專門店竟然有健康素MENU

本地燒雞品牌開第四間分店，特別推出一版素食菜式，方便素食者出街食飯。前菜、沙律和意粉都以蔬菜為主，無落素肉。招牌熱狗就用炒蛋取代熱狗腸，估唔到都幾有驚喜。特別照顧唔食五辛嘅朋友，其中一款意粉就無肉無五辛，約朋友去試下啦。

[香港素食] 土瓜灣 | All about NUTS：堅果專門店新鋪有堂食

這間堅果主題小店，由石硤尾搬到土瓜灣，除了各種買即磨堅果醬，終於都可以坐低堂食，餐牌上面仲有好多素食選擇。正餐可以揀咖哩飯或者堅果醬意粉，下午茶必食純素窩夫或者堅果醬西多士，堅果糊同堅果飲品都好正，快啲tag堅果控朋友一齊去食。

[香港素食] 中環 | Lady M：OMNI FOOD系列 港女素食套餐

這間千層蛋糕專門店除了吃甜品，原來還供應素食，不過留意返只在中環馬會、機場和澳門店吃到，其他分店就只有蛋糕和飲品啊！素食套餐可以揀2/3道菜，基本上都係用OMNI素肉系列，鍾意Green Common的朋友可以去緬懷一返。

[香港素食] 中環 | Servo：素食友善澳式咖啡店

中環新開業澳式咖啡店，打開餐牌發現很多素食選擇，而 且有標明素食/純素/含堅果/無麩質，非常清晰。早餐基本 上全是素食，叫左番薯斑戟，食落似番薯煎餅煙煙韌韌， 配個雜莓醬和腰果醬都好食。咖啡可以轉植物奶，甜點亦 有純素曲奇可以食。

[香港素食] 北角 | 上善素餐廳：街坊素食茶餐廳

北角有好幾間街坊素食店，這間主打茶餐廳菜式，午市 HK$53起送例湯或熱飯，叫左個乾炒素牛河都幾有鑊氣。 除了炒粉麵飯，也有各式小菜和糕點，價錢合理，所以食 飯時間都幾多人幫襯。

[香港素食] 觀塘 | 壹.01 台式料理：小店心機素鰻魚素手撕雞

觀塘這間小店驚現素食選項，而且唔係用素肉，係用茄子扮鰻魚、杏鮑菇扮手撕雞，各有薑蔥、椒蔥和紫菜味，唔想食飯又可以轉粉絲或豆腐，價錢都唔貴㗎。台式飲品和甜品亦可以轉零卡糖，方便不同飲食習慣人士。

[香港素食] 尖沙咀 | 國金軒：頂級粵菜素食套餐

獲獎無數的新派粵菜餐廳，素食亦做得非常出色，餐牌上有單點選擇，亦可以24小時前預訂7道菜素食套餐。廚房有獨立位置和廚具烹調素食，嚴格素食者亦食得放心。素菜選用上等新鮮食材，素帶子更係自家製作，每道菜的配搭都有心思，加上精緻環境和優質服務，記得save低下次去食。

[香港素食] 深水埗 | 滋潤棧：足料飯焦素食煲仔飯

抓住冬天的尾巴，襯仲涼涼地去食煲仔飯！深水埗呢間街坊住家菜小店，每日精選飯餐都有一款素食(可上FB看餐牌)，另外仲有素食湯飯和煲仔飯。煲仔飯即叫即煮要等25分鐘，可以預先打電話落單，再校啱時間去嘆。例湯亦每日有一款素，大大碗唔油膩，食煲仔飯仲有糖水送㗎。

[花蓮旅遊] 香港快運航空 每周4班香港直飛花蓮 機上嘆港式美食 憑登機證享購物優惠

香港快運航空 HKexpress 去年12月起推出香港直飛花蓮航線，逢二、四、六、日每周四班，去程UO152 晚上八點到花蓮，由機場去花蓮市區只要20分鐘，仲趕得切食飯行夜市。回程UO153 晚上近八點先上飛機，可以玩到最後一刻，不過返到香港就成11點啦。

這篇為你介紹機上香港特色蔬食美食，並收錄拎住登機證可以在花蓮享受的優惠，重要資訊記得save低。

[香港素食] 灣仔 | Cucooland唂咕：特色朱古力飲品專門店

鍾意飲朱古力，但出街發現間間Cafe都淨係得咖啡？記得bookmark灣仔呢間朱古力專門店，佢地有適合純素＆生酮飲食的無糖純可可，亦有60%和73％的黑朱古力，可以配植物奶、梳打水以至季節限定的特色口味。每一杯朱古力飲品都精心調配，亦可以買朱古力粉自己返屋企沖，常飲可以減壓抗衰老。

[香港素食] 啟德 | 素啡工場：燕麥奶咖啡配純素生吐司

這間純素咖啡店迎接6周年，特別於新店推出純素生吐司，共5款口味，價錢HK$38-$48。麵包用燕麥奶做但食落都有甜甜奶香。燕麥奶則有五個牌子可以揀，唔同奶配唔同咖啡撞出唔同風味，總有一款啱你口味。鍾意飲咖啡食麵包記得去試下。

[香港素食] 灣仔/中環 | Banh Mi Nem：米芝蓮推介 越式滷水豆腐法包

一開業已取得米芝蓮推介的越式小店，最近在中環開新分店，越式法包有炒雜菌和滷水豆腐兩個選擇，配料有豆腐蘑菇醬、素肉鬆、蛋黃醬、酸菜、青瓜、芫荽和蔥 (Vegan可以走蛋黃醬)。午市繁忙時間要排一陣隊，不過出餐速度頗快，外賣為主，現場只有兩張小型立食檯。

[香港素食] 上環 | 寶彩軒蔬食料理：午市三餸快餐 晚市私房菜

上環商廈二樓有間低調素食餐廳，平日午市供應六揀三餸套餐，HK$69埋單，晚市就可以預訂私房菜。每日午市菜單和每月私房菜餐單都可以在餐廳FB看到，可以揀好先上去食。入門口劃完紙仔再俾錢，行去拎餐唔使兩秒鐘，午市都幾熱鬧，可以自己揀位坐。

[香港素食] 灣仔 | 東方素：新派粵菜素食 午市高質三餸飯

灣仔真係好多素食選擇，午餐想吃三餸飯可以save埋呢間 ，六款揀三有飯有湯只係HK$50。另外也有炒米、炒河、 小菜客飯可以揀，招牌素叉燒飯都好吸引。夜晚約朋友食 飯，這間吃的是新派粵式素菜，唔想諗叫套餐最方便。

[香港素食] 灣仔 | 素某 so’N：灣仔全新素食餐廳 多元化療癒空間

灣仔最新素食好去處，白色主調富設計感的空間，除了供應素食餐點，亦會舉辦不同主題的療癒活動。套餐包括主食、小菜和茶飲，主菜暫時只有四款，均屬輕巧無負擔的餐點，點心亦以蔬菜和堅果為主，不會吃到素肉。茶飲非常有特色，由淺入深四款調茶，熱茶提供熱水可以自己回沖，亦有加牛奶或糖漿的調製茶飲。甜品則以季節分類，不會高脂高糖比較健康。

[香港素食] 跑馬地 | 壹玖捌叁 Hong Kong Cuisine：中西薈萃的素食盛宴

如果你對食好有要求，想體驗一下搜羅全球各地頂尖食材 ，傳承正宗中菜的烹調精粹，又同時完美融合現代餐飲元 素，盡顯「雅 • 緻 • 和」之美的中式素菜，這間餐廳必須存低。

素食套餐共有9道菜式，兩位起須於一天前預訂，每道菜都又靚又好食，最尾亦唔係靠個炒飯餵飽你😂 (有蛋奶/部分含五辛，如有特別飲食需求可向餐廳查詢)

[深圳探店] 第一次在深圳做頭療 原來可以咁舒服💁🏻‍♀️

唔夠時間搭飛機去旅行，說走就走搭地鐵返羅湖真係幾方便，難怪深圳周圍都係香港人。 

返深圳除了飲飲食食，必定要排按摩行程，今次就揀左一間頭療SPA，放鬆減壓順便養髮，無論有無脫髮問題，經常按摩頭皮促進血液復環都好緊要！

[香港素食] #素食懶人包 | 香港 8 間素食餃子&餛飩

以前不明白為甚麼個個都鍾意食餃子，後來發現一粒有齊澱粉質蛋白質好均衝，自己在家煮簡單快捷，出街食亦是平靚正之選，仲可以單手食完，另一隻手空出來滑手機。這篇跟你分享港九新界8個有素食餃子吃的地方，留意返全部都非素食餐廳，要走蔥蒜的話請自行向店家詢問，也不要帶著顯微鏡去檢視動物成分啊。