深水埗現在竟成為純素天堂，真叫人始料不及啊！最近在楓樹街上開了一間全新的純素麵包店 Ovule Bakery，由大家熟悉的純素私房菜 sowvegan 主理，麵包都沒有蛋奶成分，外型和口味都好吸引呢！各位純素的朋友記得來試試看。
【 Misskitb 粉絲專屬好康】
iherb 優惠碼：MIS8129
+++++
純素麵包店 Ovule Bakery 在楓樹街遊樂場隔離，跟這區的咖啡店都非常接近，一場來到不妨順便試多幾間店嘛。
純素麵包店一眼睇晒，一邊係櫃台，另一邊有幾個可以現場坐低咬包的座位。
純素麵包品項共有 12 款，價位由 HK$26 - HK$75，我係平日搭正開門時間就落到去，所以有齊所有款可以望到買到。
最大個的係酸種麵包，其實歐包好多都無用蛋奶，所以感覺唔算最新奇。旁邊的牛角包就值得一試勒，因為牛角包的重點是牛油酥皮，無牛油都整到出來又好食係好犀利既。牛角包有原味和朱古力味兩款，我梗係揀用左70%朱古力的啦。
粉紅胡椒粟米貝果配搭好似幾有趣，後面的薑黃南瓜都係走養生溫補系列。
前面的卷卷包用左 Biscoff 醬，看起來有點像我喜歡吃的花生醬卷。旁邊的是原條牛奶吐司，據說係用豆奶取代牛奶，其中一款仲係香芋素肉鬆味幾特別。
有些少懷舊口味的南乳麵包條，可以用來配濃湯之類食？
Dirty Chocolate Croissant 髒髒巧克力牛角酥 HK$42
髒髒牛角包入面有一層層朱古力醬，吃起來都幾歡樂，酥皮包也的確做到酥脆感覺，我諗入焗爐烘熱少少再食會更正，這款值得推薦。
Genmaicha Cream Bun 玄米茶忌廉麵包 HK$35
這個忌廉檳據說是招牌款，上面有類似菠蘿包的脆皮，入面則有純素忌廉，整體來說都唔會甜。入面的忌廉餡比想像中少，我仲以為係成個包塞到滿果種添。
雖然我已經戒左澱粉唔再係麵包控，但香港有純素麵包店出現係幾令人振奪，新店開業這個禮拜，去買麵包仲有折扣優惠，快去買幾個慢慢食啦！
+++++++++++++++++++++++++++
Vegan Milk Toast HK$50
因為對個無牛奶的牛奶吐司好好奇，所以一個禮拜之後去買一條試下。沒有用牛奶好似係改用豆奶，摸上手和切開的感覺都幾好，咬落去仲真係有食真牛奶吐司果種鬆軟綿密煙韌感，唔會太乾身或者無香氣，HK$50可以切到四至五片，價錢都唔算太離地，畢竟現今一般麵包店都賣好貴。
雖然有麵包就好想加個雞蛋一齊食，不過個麵包係純素，我都尊重返佢整份純素早餐。剛好雪櫃有 Moving Mountain 素腸和 Just Egg 純素蛋，仲竟然有 Lavva Pili Nut 純素乳酪，沖多杯椰子奶咖啡真係完美早晨。
中間半條切厚件來試做純素 French Toast，唔用雞蛋牛奶，我就用左椰奶、肉桂粉、雲呢拿和營養酵母，浸一浸用大量純素牛油煎香，配花生醬和冷凍果乾。食完成碟超級飽，不過都幾好食，哈哈，我真是天才。
吃完麵包去附近飲咖啡：
深水埗咖啡地圖 | 深水埗究竟有幾多間咖啡店？帶著這張Cafe地圖開始你的尋味之旅
深水埗Cafe | 深水埗4間提供植物奶的文青咖啡小店
深水埗Cafe | Café Sausalito：新裝修再上路 喝咖啡吃素食早餐好去處
深水埗Cafe | The Soulroom 一草一木：約棵樹飲咖啡 月球下的靈魂咖啡店
深水埗Cafe | KOKONI coffee：寵物友善 日式木系文青咖啡店
深水埗Cafe | 光咖啡Brighten Coffee：創業不分年齡 西九龍中心支持60歲咖啡師
深水埗Cafe | FREEZING IN.：室內設計水泥文創品牌 新設手沖咖啡專沖台灣烘焙咖啡豆
深水埗Cafe | COFFEE matters：深水埗街坊文青咖啡店
深水埗cafe | PRESS THE BUTTON：布街飄著京都咖啡香
深水埗Cafe | Coffee of the day：日系簡約咖啡小店
深水埗 | moono：純素馬卡龍純素卷蛋糕！新開業純素甜品小店
深水埗Cafe | Kactus Koffee：後巷飲韓式咖啡 仙人掌主題咖啡店
深水埗Cafe | Flow coffee bar：主打手沖咖啡 細嚐咖啡豆風味
深水埗Cafe | Will's Coffee：大埔道迷你咖啡角落
太子Cafe | SLASH COFFEE BAR：挑高樓底超開揚 日頭飲咖啡 夜晚變酒吧
+++++
餐廳資料
Ovule Bakery
地址：深水埗楓樹街2G號地舖
電話：
營業時間：12:00 - 19:00 (星期三至日)
FB：
IG：https://www.instagram.com/ovule.bakery/
地圖：
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com