[香港素食] 禁足食咩好？素食者儲糧應該買咩？邊度買？詳盡圖文攻略

全民檢測？禁足？無得出街點算好？素食者儲糧應該買甚麼？這篇為你提供詳盡圖文攻略，跟住買就一定可以豐衣足食營養均衡。

(1) 榖物類
(2) 罐頭類
(3) 植物奶
(4) 香料類
(5) 堅果種籽類
(6) 乾貨類
(7) 醬料類
(8) 冷凍類
(9) 零食類

+++++

【 Misskitb 粉絲專屬好康】
iherb 優惠碼：MIS8129

全清85折+免運費：@misskitb

+++++

(1) 榖物類

+ 米
+ 「叮叮」即食飯
+ 即食麵
+ 中式麵條、意粉
+ 藜麥

圖中兩款圈住的韓國辛辣麵都係素食產品
邊度買？
圖為旺角彌敦道一間韓國食品專門店，農心果款在惠康百佳都有得賣，或者可以去尖沙咀韓國街搵

在誠品見到這款素食台式米粉，這個在百味市集 Feast Market 都有見過

更多平價即食麵推介可以看這篇：
[香港素食] 東南亞素即食麵 HK$5一餐超低價 / 泰國冬陰公印度Masala 越南營多麵

不正常麵食之「Seapoint Farms 有機毛豆義大利面」，這個麵用毛豆製作，含豐富蛋白質。放入滾水焗2分鐘就食得，口感唔彈牙既，可以當某種闊條麵咁理解
邊度買？ iherb 網購 (優惠碼：MIS8129)

不正常麵食之2「蛋白麵」，來自泰國的生酮品牌 nimnim，打開包裝就食得，用全蛋白製作，零碳水完全蛋白質。一包份量唔多，白色這款我覺得口感似米線，都幾好食既。
邊度買？ 我在 hktvmall 網店買

馬來西亞品牌 Green Bio Tech 的天然色彩蝴蝶麵，網購見到貪得意試下，煮兩分鐘就食得幾快捷，顏色靚都食得開心一點
邊度買？ hktvmall

神奇的即煮意大利飯，入面已經有齊全部配料，加油加水煮半個鐘就有得食。烹煮時間略長，不過對料理苦手來說都方便既
邊度買？ Taste of Veg「Trevijano特濃牛肝菌意大利飯」

(2) 罐頭類

+ 罐頭豆
+ 罐頭粟米
+ 罐頭湯
+ 罐頭純素吞拿魚
+ 罐頭即食餐

素食者居家必備的罐頭豆，當然你都可以買乾豆自己煮，但正常都市人都無咁多時間咁好心機，罐頭擺得耐又一開就食得方便好多！買罐頭豆盡量揀無加鹽，如果有鹽水煮之前要沖一沖，以免吸收過量鹽份。鷹咀豆、紅腰豆、牛油豆之外，有時會見到新奇品種，記得咩都食下要多元化喲。
邊度買？ 一般超市、大生 HK$8罐抵食、印度超市、Marks and Spencer 等

罐頭去皮番茄和番茄醬都係必須的！維他命C 和茄紅素都非常重要！罐頭番茄有原粒去皮、切碎等不同選擇，用起來都差唔幾。番茄醬主要用來做醬汁底，圖中咁大樽賣$10好抵玩，煮番茄炒蛋、茄汁燴麵、咖喱、肉丸意粉等等都需要。
邊度買？ 大生 (番茄罐頭 HK$8、樽裝番茄醬 HK$10)

(3) 植物奶

+ 無糖植物奶
+ 不同口味植物奶
+ 咖啡師用植物奶
+ 椰奶

我平時主要飲無糖豆奶，因為其他植物奶都好多添加，唯獨豆奶係只有黃豆和水，我覺得比較健康。而且蛋白質含量豐富，亦唔似燕麥奶、杏仁奶有陣味。我長期都係買這個日本牌子，最平應該係 HK$34/2盒，可以大量入貨儲備。除了直接飲之外，沖咖啡打奶泡都得，煮豆乳火鍋亦得，烘焙當然亦能勝任，非常萬用架。
邊度買？ 大生 HK$34/2盒

(4) 香料類

+ 日式咖喱磚
+ 泰式/印尼咖喱醬
+ 印度香料包

買日式咖喱磚記得睇食物標簽，因為大部分都含動物成分，唔識睇建議去素食店買比較安心
邊度買？ Donki、甘薯葉

熱愛食印度咖喱的寶寶，當然都會買定一堆印度咖喱粉！其實大部分咖喱粉都只由香料組成，仲無添加糖，不知幾咁健康！印度鋪賣的通常係粉狀，可以自己加水或者椰漿煮，我通常會落洋蔥、蒜和番茄罐罐做底，煮到咁上下再加粉加椰奶。
邊度買？ 印度超市

最平價的泰國咖喱即煮醬，一包只賣 HK$6，綠咖喱和紅咖喱都幾好食，用來煮任何蔬菜、素肉或豆都得。這個是醬料狀，都係先炒洋蔥、蒜和番茄底，再加醬加椰奶，煮咖喱的方法都大同小異啦。
邊度買？ 大生

印尼鋪都有好多即煮醬料，不同菜式都有可以隨意試下，有粉也有醬，成分都以香料為主，部分有加糖所以睇一睇營養標簽比較好。
邊度買？ 印尼雜貨鋪。

(5) 堅果種籽類

+ 杏仁、核桃、碧根果、開心果、腰果......
+ 南瓜籽、葵花籽、松子......
+ 堅果醬

NOW Foods 系列的無鹽生堅果我都買唔少，除了堅果亦可以買埋種籽類。平常當零食，或者放入乳酪、沙律都得，種籽類的話煮完個菜灑幾粒好味又有咬口。
邊度買？ iherb (優惠碼：MIS8129)

(6) 乾貨類

+ 高野豆腐
+ 乾燥菇類
+ 乾燥海帶
+ 蟲草花
+ 紅棗、杞子

韓國乾燥海帶係我家居必備之物，煮飯灑一堆落去就好似好多菜食咁樣，唔洗煮唔洗切超方便又有營養。一條乾海帶可以發到好大，所以咁樣一包食好多餐。
邊度買？ 價真棧 (HK$19/包)

高野豆腐即係日本人做的脫水豆腐，浸水就會還原，口感有少少似海綿，佢吸水能力勁強，用來吸收湯汁好正架！
邊度買？ Donki

高野豆腐乾身的時候好難切，如果想方便少少可以揀細粒裝
邊度買？ 阿信屋

其實乾燥菇類都係非常方便之物，除了大家熟悉的冬菇之外，黑木耳、黃耳、白木耳、姬松茸各式各樣都好實用，煲湯煮糖水或者燉飯都用得著
邊度買？ 聯生行、素食店、乾貨店

素肉鬆是一個方便又神奇之物，可以配粥、豆腐、包飯糰、做三文治...總之加少少就會變好食左，菜式更多元化
邊度買？ 這兩包我在商場展銷會買，一般素食店都有

在家沒事煲下糖水或湯水都唔錯，買定包桃膠養顏
邊度買？ 大生、雜貨鋪

想自己煲啖純素湯水飲下，但唔知點配搭又唔識點搵齊咁多料？這個純素湯包幫到你，自己加條紅蘿蔔和粟米，煲一個鐘左右就飲得，好清甜又有唔同功效
邊度買？ Yumsoupla 潤

不用放雪櫃的即食餐，這個牌子有一整個系列不同馬拉素肉，可以成包用滾水加熱，或者倒出來用微波或焗爐處理，你可以加個白飯或者好似我咁加斤菜一齊食
邊度買？ 素店、 Taste of Veg

(7) 醬料類

+ 番茄醬
+ 意粉醬
+ 黑松露醬
+ 韓式甜辣醬
+ 味噌
+ 菇粉
+ 即煮醬

二澳農作者的本地人系列即煮醬料
邊度買？ 可以直接在 https://store.yio.com.hk/ 網購，或者在很多食品網站和店鋪都買到

在誠品找到的台式即煮醬料

(8) 冷凍類

+ 素肉
+ 即食餐

我最愛的 IKEA 純素肉丸&素肉腸，方便並且非常好吃！不過好似要特登落門市買，無得網購

這個放冷藏就OK，我在基隆街近北河街一間台式柑仔店買的~好味~個湯可以順便煮幾條菜食

U購最近引入澳洲品牌 Coles 的純素產品，價錢略貴，貪新鮮可以試下，我試左粉紅色盒個純素豬腩仔，「肥豬肉」入口即溶幾有趣

素肉排都唔一定完全係化學成分，這個來自斯里蘭卡的手工素排成分比較天然，味道都唔錯架
邊度買？ vbrands

U購入左 coles 的產品之後，竟然無左原本我成日買的希臘優格(慘)，但就多左這款純素椰子優格，我未試

台灣的地瓜特別甜，懶煮的話可以食冰烤地瓜，擺一盒響冰箱，食的時候拎出來擺一陣，半解凍就食得，超級軟腍腍又甜又好食，健康澱粉質之選
邊度買？ hktvmall ，U購

最近先發現原來大生有 Moving Mountain 賣，雖然無一盒盒果幾款，不過價錢OK
邊度買？ 大生

中式素食都有比較天然選擇，無奶蛋猴頭菇和豆包我都鍾意食架
邊度買？ 始創中心地下「禾之家素食」

Edan 賣廣告的泰國素肉品牌，成個系列有好多唔同產品，價錢都好相宜，味道就一般般啦，可以接受但唔係非常好食咁樣
邊度買？ 惠康百佳、阿布泰

買唔到菜或者唔想洗菜都可以有菜食，其這雪藏蔬菜唔會影響營養，可以放心食，多買不同品種更均衡
邊度買？ Marks and Spencer (HK$29/包抵食)、Aeon、一般超市

鍾意飲酸野的朋友必備，來自台灣的檸檬冰角，純檸檬汁無添加糖，直接加水就飲得，亦可以用來煮食調醬汁
邊度買？ 這個我在基隆街近北河街的台灣柑仔店買，有檸檬冰角、百香果檸檬、柑桔檸檬幾款，HK$88/包、HK$160/2包

順便介紹另一款維他命C 增強抵抗力方便檸檬產品，這個是來自屏東的檸檬，一粒等於一個檸檬連皮帶汁，我通常溝一杯暖水飲，飲得勁酸既本人完全唔覺得酸 XD
邊度買？ 香工有一檔賣 HK$98 比較平，我識行去但唔知點形容個位置 XD； HKTVmall 都有鋪頭賣既

身在香港可以買到來自世界各地的素肉，多試幾款不同品牌好似食得開心d，這個素雞柳好方便，味道亦唔錯架
邊度買？ HKTVmall

(9) 零食類

+ 純素餅乾
+ 朱古力
+ 純素棉花糖
+ 脆脆野
+ 素肉乾、齋燒鵝

其實好多80%以上的黑朱古力都沒有牛奶成分，望一望食物標簽睇下~
邊度買？ 圖為優品360，應該係買99%朱古力最平的地方

最平價的100%朱古力必屬這一款，除了焗蛋糕，也可以整朱古力奶或者當零食食
邊度買？ marketplace

非常受素食者歡迎的德國純素朱古力系列，純素之餘亦屬低糖，好味又健康之選。採用環保包裝，並且每售出一條會種一棵紅樹
邊度買？ Organic Collective (尖沙咀誠品)

你估佢唔到這個金莎黑朱古力波係純素，不過這個價錢還個空心朱古力波好唔抵，可以等大特價先試。細粒版的黑金莎應該都係純素，但無見到有散賣
邊度買？一般超市/便利店

誠品有好多純素零食，原來乖乖係全素個喎！福源花生醬麻糬亦非常吸引！除了圖中幾款仲有更多選項，得閒可以去望下。(圖為北角匯分店)

其實我食素之前都唔食糖，所以對橡皮糖毫無情意結，唔明點解咁鐘意推出純素橡皮糖 XDD 如果你鐘意的話可以在以下網站買：
邊度買？ 五車草素食谷 / Taste of Veg

純素棉花糖可以用來配熱朱古力，或者焗下棉花糖曲奇，Marks and Spencer 有供應之外，粉紅色果隻可以去五車草素食谷買

順帶一提，Marks and Spencer 係有純素朱古力曲奇，口痕可以順便買幾塊食

最近網購這個純素軟心朱古力曲奇幾好食，除左咬落食到一塊塊燕麥影響口感之外，朱古力粒夠晒多，味道亦唔錯，等特價再買先
邊度買？ iherb「Maxine's Heavenly 軟烤餅乾」

除了薯片和蔬菜片之外，五車草素食谷有唔少泰式純素脆脆都幾得意

其實超市好多梳打餅都係純素，另外當然有原味OREO，Lotus 在惠康或者大生都有得賣

這個馬來西亞肉乾好多素食者都鍾意食，不過我食素前都無特別鍾意食肉乾，都唔會太get到個情意結。這個很多素店都有引入

去 Aeon 超市打仗，排除俾錢的時候見到有純素朱古力，日本零食添加劑都幾多既，不過平平地可以食既
邊度買？ Aeon