相約居於元朗的朋友行山，叫她找個簡易路線找到一個「龜山」，根據網上介紹都有兩公里要行一粒鐘。結果行條樓梯5分鐘攻頂，之後發現山路根本行唔到，好在尖鼻咀個后海灣觀察點影打卡相一流，去一個未去過的地方郊遊都算有趣。
行山BB班 (1) | 西高山：半小時登頂打卡 飽覽香港城市全景看絕美日落
行山BB班 (2) | 大帽山：香港最高峰 來回三小時全部馬路 舒適散步看風景路線
行山BB班 (3) | 龍虎山：晨運徑緩斜路容易行 40分鐘香港大學直上山頂
行山BB班 (4) | 南丫島：環島半圈遊 一路無敵海景必吃阿婆豆腐花
行山BB班 (5) | 5分鐘攻頂？尖鼻咀后海灣觀察點 唐夏寮涼亭
行山BB班 (6) | 城門水塘環塘之旅 原來要行3個鐘 仲有好多沙石山路
行山BB班 (7) | 南生圍濕地打卡之旅 舒服平路2小時行一圈
+++++
【 Misskitb 粉絲專屬好康】
iherb 優惠碼：MIS8129
Joirme香薰蠟燭8折優惠：kitty2021
找得意食譜/料理靈感：https://linkin.bio/ig-misskitb
+++++
由元朗市區出發，在泰豐街搭35號綠色小巴，車費單程 HK$9.3。表列班次係18分鐘一班，不過感覺都幾彈性時間..等二十分鐘上下啦。
附近有咖啡店有便利店，可以吃飽早餐再出發，需要買水亦記得先買好。
上車的時候可以同司機講聲去「尖鼻咀」，如果唔係唔會兜上這個迴旋處。尖鼻咀原來在流浮山，所以小巴由元朗去天水圍再去流浮山，車程大概都要四十分鐘。
迴旋處向前行幾步就會見到這個「尖鼻咀后海灣觀察點」，平日朝早唔知點解都有一堆人在這邊影相，可能係開車或者踩單車來看。
觀景台望出去景觀非常好，對面就是深圳，右邊可以看到米埔自然保育區。
這個位我建議可以行出去坐地下影相，感覺好似爬左上高山，其實起步點都未到 XDD 要注意安全唔好行太出啊。
后海灣觀察點對面有個停車場，停車場隔離有條樓梯，這就是起步點。
這裡鳥不生蛋的地方竟然有兩格公廁，可以先記下來以備不時之需。
這個景點的名堂是「唐夏寮」，仲有個歷史故事。
行這條樓梯大概5分鐘就上到山頂，70米高係完全唔辛苦，完全唔會氣喘。
眨下眼就到終點！
這天藍天白雲天氣大好，影相勁靚。
出發之前我跟朋友都有在網上看到文章，說有路可以再繞一繞再走，但山頂350度都有欄杆圍繞，跟本沒有正常的路可以行！地上的箭咀和樹上的旗仔應該是山友留下的指引。
我們以為只需行一小段山路，然後會接到文明路段，結果越行越唔對路，完全無裝備在樹叢間遊走有點危險，所以原路折返。
仲拮到成腳都係種子，變左箭豬。
還是回到山腳看看有沒有其他路，然後我見到觀景處前少少有個缺口，這個位可以坐下來拍照，整個構圖非常好。
藍天白雲樹陰下坐在山邊欄杆的悠閒感覺。
回程要行返去小巴站，幾分鐘腳程就到，在前面的迴旋處係等唔到車架！大概預返等20分鐘啦，除非你非常幸運。
行山BB班 (1) | 西高山：半小時登頂打卡 飽覽香港城市全景看絕美日落
行山BB班 (2) | 大帽山：香港最高峰 來回三小時全部馬路 舒適散步看風景路線
行山BB班 (3) | 龍虎山：晨運徑緩斜路容易行 40分鐘香港大學直上山頂
行山BB班 (4) | 南丫島：環島半圈遊 一路無敵海景必吃阿婆豆腐花
行山BB班 (5) | 5分鐘攻頂？尖鼻咀后海灣觀察點 唐夏寮涼亭
行山BB班 (6) | 城門水塘環塘之旅 原來要行3個鐘 仲有好多沙石山路
行山BB班 (7) | 南生圍濕地打卡之旅 舒服平路2小時行一圈
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com