我最鍾意行超市，尤其係多特色產品的超市，見識下個世界都開心嘛~ 今日出銅鑼灣就見到這間新開幕的高級超市「百味市集」，入面好多香港製造和東南亞熱門產品，仲特設生酮飲食專區，當然仲買到好多素食/純素產品，又靚又好行又多野買，銅鑼灣又多個行街好去處。
+++++
【 Misskitb 粉絲專屬好康】
iherb 優惠碼：MIS8129
Joirme香薰蠟燭8折優惠：kitty2021
找得意食譜/料理靈感：https://linkin.bio/ig-misskitb
+++++
銅鑼灣地鐵站F出口沿住渣甸街行少少就到，估唔到咁靚既位竟然會有一間三層高的靚超市。
這是百味市集的第二間門市，之前路經天后又好似真係有見過，銅鑼灣新店佔地超過6000呎，由地庫到一樓三層各有不同主題，一入門口係零食和乾貨專區。
作為台灣妹，櫃上面的台灣品牌我全部都好熟，反而香港老牌子我真係唔識出這個「其奧」的花生糖據說好出名。
老牌子之外也有新品牌，這個口味有趣的爆谷我都無見過，松露朱古力、黑咖啡焦糖、冬蔭公和錫蘭紅茶好似都幾有趣。
除了香港製造的品牌之外，百味市集亦搜羅了泰國、日本、韓國和台灣等多個亞洲地區的特色零食，這個花栗鼠堅果口味都幾多款喎。
泰國的食品科技其實蠻厲害，連 Freeze Dried 雪糕都有，係唔係八卦想試下呢？
追求健康又想食脆口野，西蘭花乾都幾得意丫。
香港生產的 Bean to bar 朱古力，同樣係以特色口味為賣點。
最吸引當然係生酮專區啦，架上供應超過130款生酮食品！不過買之前記得要自己睇清楚標簽，因為超市將同品牌產品放一起，未必全系列都係生酮/素食，自己睇最放心。
無添加糖的生酮朱古力和蛋糕，仲有我最鍾意的芝士脆脆。
素食零食都好多元化，這區以果乾和燕麥棒為主，有見過亦有未見過，都幾多野揀。
之前有買過這個泰國蛋白麵條，我覺得味道和口感俱佳非常推薦！原來這裡有賣就唔使再周圍搵了。
非常方便的即食椰菜花飯和果仁早餐都係素食生酮人士的好朋友。
用牛油果油做的無蛋奶沙律醬，好多人都話這個好食架，網購都成日無貨。
健康純素人士應該好熟悉這個椰子品牌，各種椰子奶、椰子忌廉、椰子煉奶都係無添加，另外仲有方便的大樹菠蘿罐罐和其他純素產品。
我第一次見這個純素杏仁餅，看起來非常吸引！據說幾好食同埋拎好多獎。
唔得閒自己煮，開罐罐頭就有得食的產品。
你知唔知平時用的豉油都有加糖！終於俾我搵到價錢合理的無添加醬油了！
還有其他生酮豉油和煮菜必備的牛油果油。
地下還有幾個本地食品品牌專門店。
專營國際品牌食品的「龍宮」，聽個名都知賣高檔野，圖中這個茶葉系列被很多酒店採用，茶包用氮氣包裝保鮮，茶葉品質都非常高級。
另外還有很適合送禮的陳皮，最老這個有13年，配合精美禮盒包裝，送給長輩親朋夠體面。
名貴食材當然唔少得原粒黑松露和黑松露片啦。
來自英國的朱古力品牌，產品包裝都由當地設計師設計，玩味十足。
我食朱古力呢就唔睇口味既，淨係揀「%」，以前食72%，現在只食90%以上，最常食99/100%，所以這個最適合我。
「萊茵衣藻麵」成個攤位都只賣加了萊茵衣藻的麵條，感覺非常健康！原來這個海藻有鐵質又有奧米加3，非常適合素食者補充微量營養。
除了乾麵也有新鮮麵條，同新鮮意大利粉同一原理。
法式餅店「Les Lunes a Deux」使用歐洲食材製作，中秋節就推出多款月餅，朱古力果個好似幾好食。
香薰油和天然護膚品牌。
「合泰海產」也有少量乾果和麵食適合素食者。
上到一樓還有更多本地品牌產品，悅和醬園的調味料就超級齊全。
當然唔少得本地手工啤酒，包裝都好有心思喎。
植物奶都有好多唔同牌子，這個我就未見過，想自己打奶沖咖啡可以試試。
我最鍾意的 Suphia's 能量棒都有喎！幾款生酮口味都有齊，下次搵唔到野食要醫肚，上來買一條就搞掂。
柴米油鹽當然都好多品牌，全部都係精選靚貨，買得特別開心。
雖然我成日覺得日本人的「低糖質」其實都唔太低碳，不過減左一半已經唔錯啦。
又俾我搵到個全素拌麵喎！
我覺得急凍餐包和湯包都幾正喎，素食項目唔算非常多，主要係素湯。
Hey Pantry 推出左唔少素食產品，有湯也有簡單餐包，翻熱就可以食夠晒方便慳時間。
落地庫原來係酒窖！內藏多款來自世界各地的葡萄酒，最正當然係有專業人士駐場講解，有任何問題都有人問，我今日都長左唔少知識。
素食者可以留意返，市面上大部分酒類其實都會用動物內臟做過濾，如果不能接受的話，最好都係揀返有「Vegan」認證的酒品。這裡暫時就找到不 Vegan 酒，但專家話可以飲清酒，因為無經過過濾的步驟。
如果你對品酒很有興趣，店內逢星期六日都會有免費試酒會，唔需要報名，直接行落地庫就可以參加，每個禮拜都有唔同主題可以飲到唔同酒，周末經過銅鑼灣咪落去飲返杯囉，現場環境都好靚架。
+++++
資料
百味市集 Feast Market
地址：銅鑼灣渣甸街66號亨環B/F-1/F
電話：+852-2832-9223
營業時間：10:00–22:00
FB：https://www.facebook.com/FeastMarket.hk
IG：https://www.instagram.com/feastmarket_hk/
地圖：
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作請洽：misskitb@gmail.com