年初四朋友仔即興約上山頂，本來只係諗住行一圈盧吉道，但行到中間見西高山只距650米，行上去只要半粒鐘，時間剛剛好可以睇日落，咁就行左上去啦~ 登頂全程都係行樓梯，每1/4有指示牌鼓勵你，整體來說唔係好難，我見有人著boot都照行上去，男女老幼都可以handle到。
行山BB班 (1) | 西高山：半小時登頂打卡 飽覽香港城市全景看絕美日落
行山BB班 (2) | 大帽山：香港最高峰 來回三小時全部馬路 舒適散步看風景路線
行山BB班 (3) | 龍虎山：晨運徑緩斜路容易行 40分鐘香港大學直上山頂
行山BB班 (4) | 南丫島：環島半圈遊 一路無敵海景必吃阿婆豆腐花
行山BB班 (5) | 5分鐘攻頂？尖鼻咀后海灣觀察點 唐夏寮涼亭
行山BB班 (6) | 城門水塘環塘之旅 原來要行3個鐘 仲有好多沙石山路
行山BB班 (7) | 南生圍濕地打卡之旅 舒服平路2小時行一圈
+++++
【 Misskitb 粉絲專屬好康】
iherb 優惠碼：MIS8129
Joirme香薰蠟燭8折優惠：kitty2021
找得意食譜/料理靈感：https://linkin.bio/ig-misskitb
+++++
由山頂出發去西高山係最短最簡單的路徑。我們在中環交易廣場巴士總站，搭15號巴士上山頂，因為係年初四的關係，上山的道路有點塞車，足足坐了一粒鐘才到山頂總站。
落車之後去行盧吉道，條路有兩個入口，由一邊入就另一邊出。去西高山入口的話，餐廳旁邊個路口比較近少少，行到見到個有亭的公園，就會見到往西高山指示牌，入去沿路行就OK。
上西高山一路都係樓梯，梯級唔高那種，所以唔會好難行。樓梯每1/4段會有個指示牌，可以知道仲差幾多先到達，行得幾安心放心。
假日人潮比較多，中途可能要停一旁俾人落樓梯，基本上好快就行到上山頂，半小時係無呃人，小朋友都可以行到，平日無運動習慣亦唔會斷氣。
上到西高山頂，左右兩邊都可以飽覽香港美景，這日天朗氣清又無煙霞，可以看到好遠好清楚。
上到山頂已經係黃昏時間，影打卡相可以用山景加香港景，面向太陽就有橙色黃昏Filter。
轉上山頂觀景臺之前有條小路，這樣背光拍太陽幾有情調。
好多人一早已經來到搶頭位影日落，成個觀景臺都係人，差d多過年三十行花墟。
觀景臺前面仲有個小山頭，路口有牌寫住前路不通既，不過要行的人都會往前行，日落第一排係滿滿人頭，男女老幼仲有狗添。自己衡量安全問題啦~
有計劃睇日落的話可以先查清楚日落時間，iphone天氣入面就有，例如這天日落時間18:20，你大概預18:00前就要到達睇日落的位置，那就差不多可以看到太陽落山最尾最靚的那一段。如果係要霸頭位影日落相的就，就自己預更早時間到達啦。
行山BB班 (1) | 西高山：半小時登頂打卡 飽覽香港城市全景看絕美日落
行山BB班 (2) | 大帽山：香港最高峰 來回三小時全部馬路 舒適散步看風景路線
行山BB班 (3) | 龍虎山：晨運徑緩斜路容易行 40分鐘香港大學直上山頂
行山BB班 (4) | 南丫島：環島半圈遊 一路無敵海景必吃阿婆豆腐花
行山BB班 (5) | 5分鐘攻頂？尖鼻咀后海灣觀察點 唐夏寮涼亭
行山BB班 (6) | 城門水塘環塘之旅 原來要行3個鐘 仲有好多沙石山路
行山BB班 (7) | 南生圍濕地打卡之旅 舒服平路2小時行一圈
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com