唔好以為我去左台灣，其實這是香港大埔一個以蝶豆花為主題的觀光農場，環境又大又靚又舒服，真係好似去台灣旅行咁樣！最厲害是這裡有全港最多的羊駝，又有勁多打卡位，不管係小情侶或者家庭旅遊都好適宜！
目錄
(1) 前往方法
(2) 入場費及園內活動一覽
(3) 全新「自駕露營遊」(泊車 + 露營)
(4) 園內餐飲小食
(5) 天鵝湖踏天鵝船
(6) 必拍打卡景點：天空之鏡
(7) 其他推薦打卡景點
(8) 甜蜜蜂園
(9) 親親羊駝
(10) DIY羊駝真皮鎖匙扣
(11) 總結
加入Patreon付費會員支持素食推廣
++++++++++++++++++++++++++++++++++++++++++++++++++++++++++++++
緊貼最新鮮早餐與蔬食旅遊情報
按讚我的粉專：https://www.facebook.com/breakfastland
追蹤我的IG：https://www.instagram.com/misskitb/
【 Misskitb 粉絲專屬好康】
iherb 優惠碼：MIS8129
++++++++++++++++++++++++++++++++++++++++++++++++++++++++++++++
(1) 前往方法
假日規劃香港一日遊去大埔玩，可以先吃 純素餐廳 V.W Vegan cafe，再入蝶豆花園。園內只有飲品和小食，無正餐食啊。
乘搭公共交通工具前往的話，可以在大埔墟火車站下車，再轉乘 20P 小巴，應該可以在門口附近下車。我是先搭 28K 小巴去寶湖花園吃午餐，再等 74K 去鳳園路下車，行入去五鐘左右唔算太遠，一條直路加上路上有指示牌唔會迷路。
++++++++++++++++++++++++++++++++++++++++++++++++++++++++++++++
(2) 入場費及園內活動一覽
蝶豆花園要收入場費，成人HK$200，3至12歲小童HK$150，套餐包幾項活動，親親羊駝要另外收費。假日則有一些體驗製作班可以參加，入園唔需要預約，可以來到門口登記都得。
++++++++++++++++++++++++++++++++++++++++++++++++++++++++++++++
(3) 全新「自駕露營遊」(泊車 + 露營)
蝶豆花園將於9月18日(星期五)開始，逢星期五丶六丶日丶公眾假期及前一日提供露營服務，讓大家不用搭飛機也能在香港旅行。套餐內容包括服務包括：
營地(約9平方米)、停車場、淋浴室、洗手間、使用園內設施、兒童遊樂場及桌椅。可以在全港首個「七彩幸福橋」旁邊露營，獨享360°全湖靚景，由停車場步行至營地只需一分鐘。
收費：
入場費*+露營費(每位HK$200)
不足三歲或以下免費
入場費另計
時間：
入營：13:00-18:00
退營：翌日12:00或之前
如需購買露營用品，農莊將提供營帳、枕頭、睡袋和地墊等。
預訂熱線：6583-5111
在湖邊露營真的太 Chill 太好景了吧！
營地附近有吊床等康樂設施。
幸福橋晚上還會亮起七色燈光，好有情調架！
++++++++++++++++++++++++++++++++++++++++++++++++++++++++++++++
(4) 園內餐飲小食
園內沒有正餐主食，但就有一系列蝶豆花飲品和小食，必試的一定係又靚又好飲的蝶豆花特飲，入面有蜂蜜、汽水、蝶豆花果凍、蝶豆花冰、蝶豆花茶和雪糕。另外也可以試下藍色的蝶豆花冰和蝶豆花砵仔糕等，也有手工曲奇和蝴蝶酥啊！
餐廳內除了有冷氣之外，也有夾公仔機和一些特色商品。
餐廳外面的湖邊座位也是熱門打卡位啊！
蝶豆花特飲 HK$50
喝起來沒有想像中甜，大熱天時喝這個超級消暑，還有羊駝紙卡，影相也太漂亮了。
若果想動手自己整的話，也有體驗班可以報名參加。
++++++++++++++++++++++++++++++++++++++++++++++++++++++++++++++
(5) 天鵝湖踏天鵝船
農莊內有湖已經夠厲害，上面竟然還有天鵝船仔可以坐。船仔有分二人和四人兩款，入面套餐有包這個活動，上船前要穿救生衣。我跟朋友踏了一轉，沒有想像中那麼疲累，天鵝船幾暢順，輕輕踏就會郁，跟踏單車差不多而已。
++++++++++++++++++++++++++++++++++++++++++++++++++++++++++++++
(6) 必拍打卡景點：天空之鏡
蝶豆花園園內有好多影相靚的打卡景點，每逢假日都唔少女生來拍照，有興趣拍婚紗相也可以預約查詢。當中詢問度最高的應該是這塊天空之鏡，我去之前以為都係湖水倒映啦，點知原來真係有塊鏡！旁邊仲有晒影相教學，確保你成功影到靚相，仲有道具花可以拎住影。
++++++++++++++++++++++++++++++++++++++++++++++++++++++++++++
(7) 其他推薦打卡景點
除了天空之鏡，園內也有電話亭、風車之類可以影相，以下介紹幾個我影左的位置。
坐在湖邊的座位，可以影到後面小島、天鵝和湖，前景帶少少紫色花，構圖都幾豐富。
順便介紹一下，這就是「蝶豆花」的真身，園內到處都可以見到。
彩虹滑梯可以帶寵物或小朋友影，或者坐中間影都ok既。
++++++++++++++++++++++++++++++++++++++++++++++++++++++++++++
(8) 甜蜜蜂園
農莊內有養蜂場，亦有提供採蜂蜜的體驗，需要報名預約。現在不是開花季節的關係，暫時沒甚麼花可以影，但原來會有油菜花和之後的向日葵等，季節對的時候就可以拍到花海照。
餐廳內可以買到自家蜂場的蜂蜜。
++++++++++++++++++++++++++++++++++++++++++++++++++++++++++++
(9) 親親羊駝
香港原來一共有十隻羊駝，蝶豆花園這裡有六隻，元朗菠蘿園有另外四隻，是全香港獨家可以親親羊駝的地方。農莊的羊駝是澳洲品種，都打理得很乾淨沒甚麼臭味，性格溫馴唔會太瘋狂搶野食。
我覺得這幾隻羊駝都唔算太為食，所以沒甚麼爭食的畫面，也可以這天來得比較晚，可能牠們已經吃飽。
HK$60有包一盒乾草，慢慢餵都可以玩幾耐，唔會一下子就食晒。
我上次見羊駝在韓國，有興趣可以參考返我個行程：
[首爾旅行] 草泥馬牧場 + 南怡島 + 晨靜樹木園一日遊（首爾出發）
除了羊駝之外，農莊其實還有小山羊和很多兔兔，唔好唔記得佢地啊！
++++++++++++++++++++++++++++++++++++++++++++++++++++++++++++
(10) DIY羊駝真皮鎖匙扣
入面套餐還包括這個DIY匙扣，可以自選羊駝圖案壓印上去，還可以再敲上圖案和英文名字。
++++++++++++++++++++++++++++++++++++++++++++++++++++++++++++
(11) 總結
估唔到香港都有咁靚咁舒服的觀光農場，同老闆傾開先發現原來佢都好鍾意去台灣，所以想將台式觀光農場那一套搬來香港，我覺得真係幾似去左台灣果種休閒感。整個農莊都打理得乾淨舒服，搭車過去亦算方便，宜家未有得搭飛機住，想搵地方親親大自然好值得一去啊！加入Patreon付費會員支持素食推廣
+++++
餐廳資料
蝶豆花園
地址：新界大埔鳳園路8號
電話：6583-5111/6589-3111
營業時間：10:00–18:00
官網：https://butterfly-valley.com/
FB：https://www.facebook.com/butterflyvalleytaipo/
IG：https://www.instagram.com/alpaca_butterflyvalley/
地圖：
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com