秋冬要進補，包括多吃黑色食物補腎，我就揀左方便有益的黑芝麻醬，仲可以順便補充鐵質和鈣質添！
+++++
【 Misskitb 粉絲專屬好康】
iherb 優惠碼：MIS8129
+++++
本來上 iherb 訂左樽黑芝麻醬，點知收到打開擺入口係石頭味，外國黑芝麻醬同港式完全唔同口味！於是周圍問香港邊度有黑芝麻醬賣，原來有新鮮即磨品牌，剛好順路就即刻去買。
這檔弘益健康牌黑芝麻是其中一間，品牌來自台灣，在藍田、荃灣和石門設有門市，可以買到新鮮即刻在你面前磨的熱辣辣黑芝麻醬。如果覺得唔就腳，亦可以上 HKtvmall 訂，價錢貴少少，不過都係即日磨好再出貨，同樣新鮮。
現場有部磨芝麻機，黑芝麻原料來自泰國，有預先炒過再運來香港。
黑芝麻醬不加糖亦沒有其他添加劑，真材實料在你面前磨好，轉眼就磨好一樽，拎上手仲暖架！
口感都幾幼滑，不過如果你第一次吃無糖黑芝麻醬，可能都有少少唔習慣，同第一次食100%黑朱古力一樣，食多兩次就會開始欣賞個苦味。
每次吃黑芝麻醬之前，都要記得攪拌攪到底，咁就可以確保由頭到尾都有幼滑的黑芝麻醬，不會油和醬分離。除了直接吃和塗麵包之外，我覺得加希臘優格都好好食，或者用來打黑芝麻豆乳亦可。
根據黃帝內經，下午 5 至 7 點入腎經，所以吃黑色食物補腎的話，可以跟返時間食啊。
食完洗乾淨個玻璃樽，拿去再買可以減 HK$5，仲慳返個樽好環保架。
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com