[香港素食] 2020端午節純素/素食粽子推介

2020/05/23

[香港素食] 2020端午節純素/素食粽子推介

現在吃素越來越幸福，連端午節粽子都有數之不盡的選擇，你諗到今年要買咩粽食未呀？來看看我的精選推介吧。

(文章隨吃隨更新啊，吃到新的會再加)

找得意食譜/料理靈感：https://linkin.bio/ig-misskitb
++++++++++++++++++++++++++++++++++++++++++++++++++++++++++++++

緊貼最新鮮早餐與蔬食旅遊情報
按讚我的粉專：https://www.facebook.com/breakfastland
追蹤我的IG：https://www.instagram.com/misskitb/

【 Misskitb 粉絲專屬好康】
iherb 優惠碼：MIS8129

全清85折+免運費：@misskitb

Joirme香薰蠟燭8折優惠：kitty2021

++++++++++++++++++++++++++++++++++++++++++++++++++++++++++++++

(1) 甘薯葉純素粽

甘薯葉素食超市 廣告無Green Common咁犀利，初初接觸素食可能無咁認識，其實佢地引入好多台灣和馬來西亞的素食產品，亦有自家推出一系列好好食的冷凍素食產品(水餃、素丸、叉燒包都好好食架！) 每年端午節亦會推出素粽，四款口味全部純素、不含五辛亦無添加防腐劑，而且唔會太大隻，一次食兩隻都唔會頂住個胃。

1/ 古早味道-一品家鄕糉 (320G兩件裝)
2/ Q彈之選-客家裹蒸糉 (240G兩件裝)
3/ 經典口味-招牌貴妃糉 (300G兩件裝)
4/ 人氣之選-養生裹蒸糉 (280G兩件裝)

客家裹蒸糉 / 招牌貴妃糉

客家裹蒸糉蒸完軟軟爛爛，我還以為自己煮的方法不對，後來才發現這是客家粽特色！就像吃茶粿那種口感，好有趣啊！我第一次吃客家粽覺得新奇，軟糯Q彈有鹹有甜，如果你也喜歡吃客家蘿蔔粿會好開心。

招牌貴妃糉非常足料而且很夠味，完全不用額外加調味料點豉油，入面有香菇、腐皮和菜脯，食起來幾有咬口。

一品家鄕糉 / 養生裹蒸糉

如果你喜歡吃好多料的粽子，甘薯葉一定滿足到你。之前去台灣吃過成隻都係糯米和花生的粽子，雖然都好好食，但就覺得比較悶。甘薯葉的粽就唔同啦，隻隻都料多過飯，豐富到完全唔似食緊素，而且調味剛剛好唔會太鹹或無味，我覺得四款都幾好食。如果想健康的話可以揀養生裹蒸糉，看顏色就知好多唔同榖麥，而且無味精呢。

訂購連結 ► https://bit.ly/2X5gx9A
推介：客家裹蒸糉、招牌貴妃糉

++++++++++++++++++++++++++++++++++++++++++++++++++++++++++++++

(2) 程班長素粽

喜歡去台灣的朋友，十個有九個都會認識「程班長台灣美食」，不過因為佢地主打牛肉麵的關係，素食者平時無咩機會幫襯。不過今年端午節程班長推出左素粽，係唔係好吸引好想試呢？

可惜就在我思考應該訂幾隻的幾分鐘之間，700顆素粽已被搶購一空，好采有朋友仔讓一隻俾我先有得食！程班長的素粽也走非常足料路線，入面有好多塊素肉，最特別係有黑胡椒香和有菜甫咬下，吃起來應該無加味精，好扎實功夫的好味。

++++++++++++++++++++++++++++++++++++++++++++++++++++++++++++++

(3) 走肉朋友素粽

「走肉」品牌有兩間素食餐廳，分別是大角咀「走肉 ‧ 朋友」自助餐和荔枝角「走肉蔬食硏究所」餐廳，兩間都主打用素肉代替真肉，菜式以東南亞風味最有特色。除了最近推出的三款走肉素糉，亦有出品冷凍素食水餃。

1. 台式素肉燥花生糭 (蛋奶五辛素)
2. 傳統素鹹肉糭 (蛋奶素)
3. 椰香溏心蕃薯糭 (純素)

我自己最鐘意好多料的台式素肉燥花生糉，啖啖都好好味。傳統素鹹肉糉入面有素五花肉，我覺得都幾有趣。配椰汁食的蕃薯糉幾清新，不過我覺得個椰漿可以有返少少鹹味。

訂購連結► https://forms.gle/fyka6unWy77MKg2XA
推介：台式素肉燥花生糭 (蛋奶五辛素)

++++++++++++++++++++++++++++++++++++++++++++++++++++++++++++++

(4) 奇華餅家素粽

奇華餅家每年都會推出好多款唔同的端午粽子，除了今年特別推出的好養生「銀杏果蓮子素粽」，另外亦有「八寶粽」、陳皮豆沙/金黃蓮蓉水粽適合素食。

銀杏果蓮子粽除了銀杏和蓮子，還有栗子、芋頭、紅豆和綠豆等多種餡料，糯米之中亦混了燕麥米和紅藜麥，淨係睇材料都知好健康！素粽子吃起來帶甜味，入面沒有素肉但咬起來都幾豐富幾有咬口。

銀杏果蓮子素粽 HK$58

++++++++++++++++++++++++++++++++++++++++++++++++++++++++++++++

(5) Green Common 有您素粽

講到素粽一定有 Green Common 份啦，今年的Go Green有您系列共有四款粽，除了全新推出的「五香新豬肉藜麥」，還有可愛的三心兩意一口甜、養生如意藜麥珍珠和超大隻圓滿裹蒸。

這個新豬肉最讓我驚訝的地方係入面有好大舊新豬肉，我還以為會是散開一點的內碎之類，整舊肉非常重的五香風味，吃起來都幾惹味。另外還有大隻冬菇和原粒栗子，整體來說香口豐盛。