[名古屋素食] KOMEDA'S Coffee：名古屋必吃早餐？

來自名古屋的咖啡品牌，首創飲咖啡送早餐的文化，一場去到發源地就食下。早餐係食牛油多士配雞蛋，蛋奶素食人士可以一吃。不過我查官網發現原來有一間plant-based版本在東京，店內名物有做成純素版，有機會去東京記得吃吃看。

[名古屋素食] 東別院 | en-kitchen Cafe：天然系健康素食廚房

名古屋紫色名城線，東別院站附近的素食餐廳，搭名城線參觀景點時可以順路規劃去吃。食物走健康＆天然路紅線，有純素和無麩質的選項，菜單基本上只有4個主食，有飯有麵有包這樣，簡單好味。

[名古屋素食] 八事 | 菜食健美 SAISHOKU KENBI：每月更換豐富素食套餐 可順遊興正寺

去興正寺看紅葉，順路可以吃這間素食餐廳，午市套餐只有三個選擇，餐牌每月更換，可以在官方網站找到。這次去有素食餃子、素食擔擔麵和素牛三文治可以揀，主食以外還有豐富配菜，一盤上都幾吸引㗎。

[名古屋素食] 名古屋城 | Q.O.L. COFFEE：自家烘焙咖啡豆 紅葉景打卡Cafe

去到名古屋發現所有咖啡店早餐都是紅豆吐司，想吃好一點要花好多時間搜尋，我就找到名古屋城附近的文青咖啡店，有素食三文治，咖啡可以加錢轉植物奶，仲可以影到打卡相添！

[名古屋素食] 栄駅 | HARBS 本店：全世界少女去日本都要打卡 千層水果蛋糕名店

其實我只係食過一次定兩次 HARBS，亦無特別鍾意食甜野，不過見本店在附近，同行朋友亦想去吃，所以就去打個卡仔。

[名古屋素食] 栄駅 | ガスト 名古屋栄店：連鎖店鬆餅早餐 無限任飲

酒店附近有這間連鎖快餐店，早餐有各種煎蛋炒蛋套餐，多士仲可以換成鬆餅。食早餐就可以無限暢飲，咖啡茶之外，連汽水都可以任斟，特別適合早餐飲好多野的人。

[名古屋素食] 久屋大通 | Snow Peak Cafe：露營用品店竟然有純素咖哩

這次去名古屋住有中部電力 MIRAI TOWER 附近，塔下面是個寵物友善綠地公園，有名店和特色餐廳咖啡店，路過這個露營品牌見入面幾靚，原來可以坐低食野，望到餐牌仲竟然有純素咖哩，咁就入去吃個休閒lunch啦！

[名古屋素食] 吹上駅 | 大久手山本屋：名古屋必吃名物味噌湯烏冬

搜尋名古屋名物發現全部唔關素食者事，唯獨這個味噌烏冬有素食版本可以一吃！

去到名古屋會見到周街都係山本屋，但有素食果間叫「大久手山本屋」，我諗譚仔和譚仔三哥係有分別！大久手山本屋只有一間分店，搭地鐵吹上站行幾分鐘就到，坐低問店員拎Vegan Menu就可以放心落單！本店吃的味噌湯超級濃厚，手打烏冬也極之彈牙，有機會去名古屋必須一試。

[名古屋素食] 中部国際空港 | Freshness Burger：連鎖漢堡店有大豆扒漢堡 搭飛機前有野食

仲記唔記得 Freshness Burger ？佢地曾經在香港開過幾間店，所以我記得有素食。不過品牌好耐之前都徹走左，今次去名古屋可謂他鄉遇故之。在中部国際空港四樓找地方吃午餐，全場日本料理沒甚麼素食，好彩這間漢堡店有素扒，可以食飽再搭飛機。下次去日本除了MOS Burger，也可以吃這間啊！