你今日強檢左未？隨著染疫數字急升，每日要強制檢測的人數越來越多，係唔係真係要去排三個幾四個鐘？網上要點先預約得到？一文教你整個檢測流程。
+++++
【 Misskitb 粉絲專屬好康】
iherb 優惠碼：MIS8129
+++++
居住大廈需要強制檢測的話，原來會有人來貼大字報，但佢係檢測期第二日先有人來貼，唔上網自己睇唔會預先知道。
奉公守法的第一步係睇清楚檢測日期和檢測中心，流動檢測站不設預約，一定要自己去排隊，據說食飯時間會比較少人，我諗都要睇彩數。
社區檢測中心就可以網上預約，不過每區只有一間，選擇較少，亦好難預約到幾日來的時間。
社區檢測中心預約網址
https://www.communitytest.gov.hk/zh-HK/
入到去你會見到最近幾日全時段都滿額，不過有搶開演唱會飛都知道，呢個世界係有得執死雞既！你要入個網站不停更新，一有空位就唔理咩時段都要搶左先。我家長輩一知道要強檢轉頭已經話 book 左，我都唔知佢地點解咁犀利，我都搞左半日先搶到兩個位。
除左自己居住地區之外，亦可以睇埋跨區檢疫中心，佢其實無限死你要自己區內檢測。
按照預約時間去到檢測中心，你會見到外面有好多條人龍，其實係分左：
有預約
無預約(免費)
無預約(自費)
我見老人院社好似都可以直入，而預約籌係跟足時間，早到都無得驗先既。
有預約的話去門口搵返自己時間條人龍，大概有十幾廿人。
排緊隊的時候會有人過來對短訊，口頭問一下點解要檢測，之後會得到一張紙仔。
「嘟」安心出行和額頭量體溫之後，就可以進入檢測中心，入去沿唔轉轉幾個圈。
入去之前要準備身份證和門口派張紙仔，跟指示去分流counter，工作人員會對資料、對手提電話和俾個樣本樽你。
拎住個樣本樽再去排隊，入面大概有十個櫃位，工作人員會分派唔同隊伍的人去檢測。
入去counter之後，將樣本樽交給檢測人員，檢完鼻再檢喉嚨，一分鐘唔駛就搞掂走得。
可能我有預約又約得早的關係，大概15分鐘就檢完，仲可以去食個早餐。
+++++
Follow me on Instagram @misskitb
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com