(2021年4月更新 門市已搬遷 可改為上網訂購 https://skylikefood.com/)
識得買，梗係直接搵批發買！
天喜素食原來已經創立八年，之前在屯門和元朗都有門市，現在只剩下元朗佔地三千呎這間。如果唔得閒去元朗都可以網上訂購，天喜有過千款來自台灣、馬來西亞、泰國、越南、香港和中國的產品，也有自家品牌於台灣生產，每日試一款都有排食。
文章目錄
1. 交通2. 超市簡介
3. 試食報告
+++++
【 Misskitb 粉絲專屬好康】
iherb 優惠碼：MIS8129
Joirme香薰蠟燭8折優惠：kitty2021
找得意食譜/料理靈感：https://linkin.bio/ig-misskitb
+++++
交通
我自己平時好少入元朗，好難得來到香港大西北，原來交通都幾方便。前往天喜素食超市最簡單的方法，係搭西鐵去到「朗屏站」，F 出口行天橋落樓梯，轉去公園後面應該好快就搵到一座綠色的工廈，入口在巷子入面，進去搭升降機就得。
有客用升降機也有貨用升降機，兩種都可以搭，留意返上唔上七樓就得。
++++++++++++++++++++++++++++++++++++++++++++++++++++++++++++++
超市簡介
在天喜素食超市可以找到很多你從來沒見過或完全意想不到的素食產品，想吃豬牛羊雞魚蝦蟹鮑參翅肚咩都有，連你諗唔到的火雞、天鵝肉可能連火星人肉都有得食。
來這邊購物要加入會員，手續很簡單，入會之後立即有折扣優惠，產品就平上加平了。
我就從來無見過咁多雪櫃全部都放素食產品，如果你屋企雪櫃夠大的話，一定買得勁開心，或者買到想買多個冷凍櫃。
天喜素食有推出自家品牌產品，生產線設在台灣，產品種類很多元化，打邊爐必備的各種丸子都買得到。
各種素扒、素腸仔原來都有好多款式，可以跟據自己口味和要求慢慢揀，唔洗食來食去都係果款。
這裡買的都是比較傳統的假肉素料，其實睇標簽成分都唔算非常差，買唔同款貪得意貪方便間中食下，唔係日日餐餐食應該都唔會影響健康。
店內並非100%產品屬純素，可以睇清楚標示。
過時過節想扮下豪華都有「鮑魚」「魚翅」可以買返去玩。
在 Beyond Meat 和 Impossible Meat 出現之前，其實已經有好多免治肉碎產品，不過品牌效應無咁犀利或者成分無咁先進。我搵日應該比較下到底這些傳統肉碎同名牌野在營養成分上有甚麼不同，睇下貴野係唔係真係好d先。
亦都搵到好多過口癮類的產品，素餃子、素包子、素魚肉燒賣都係好容易好快食得，而且好療癒的日常美食。
除了無窮無盡的冷凍產品，也有很多乾貨類可以揀，各種杯麵、即食麵、米粉、糙米麵好多款揀。
口痕想搵餅乾咬下都有很多款啊。
原來泰國有出這種素食即食粥，聽講BB都可以食架。
在這邊買調味料醬料就唔需要擔心買錯啦。
驚雪櫃唔夠位，或者鍾意自己煮自己調味，這些乾燥素料也很方便。
邀請老閭推介店內最熱門的素食產品，來看看有沒有很吸引：
++++++++++++++++++++++++++++++++++++++++++++++++++++++++++++++
試食報告
1) 麥之素鳳凰沙爹
冰箱唔夠位擺，一返屋企就先煮左包沙爹食，因為包裝上面無詳細寫點煮，我求其煎返熱來食，個沙爹醬就唔太肯定點處理。睇成分都係小麥和大豆再加調味料，竟然無「E」字頭添加劑，令人有少少懷疑。更神奇的還有 100g 竟然只有 31 卡路里！食晒成包都只係150卡？有無咁著數，係唔係計漏左？不過佢鹽分好高，腎唔好或有高血壓要小心，蛋白質含量亦唔多。味道都真係好夠沙爹風味，個素肉口感就偏實淨，食完超飽肚，我以為可以一次食晒成包，點知都係要分兩餐食。
2) 天喜素黑椒牛排
一包有三塊，每塊188卡、16.7g蛋白質，睇成分都係調味料為主。這個排煎起來好像沒有熟與不熟之分，我用鐵鍋煎好耐都係咁上下顏色，煎的時候亦沒有油滲出來。牛排吃起來真的非常有黑椒味，不過入面係纖維狀，唔係好似宜家好流行的素肉排咁，口感同真肉完全唔同。如果配返個黑椒汁，整鐵板素雜扒應該幾開心。
3) 天喜素三層肉
這個「肉」基本上係用蒟蒻做，吃起來完全沒有燒肉的口感，本身也沒甚麼味道。我本來想當燒肉咁煎香佢，但好似唔太煎得香，但佢個樣幾得意，可以扮一個人。
4) 猴菇羊小排
這個排是由大豆纖維和猴頭菇組合而成，中間不同色的就猴頭菇塊，吃起來有種酒樓點心的味道，口感同羊排完全無關係，不過都幾得意既。
5) 麥之素燒賣皇
馬來西亞做的素食燒賣，經理說這個牌子是用人手包唔係用機器，口感會比較好。其實平時你響街食的魚肉燒賣，入面都未必有魚肉啦，咁食素版咪一樣，蒸好加豉油食最爽。
6) VegeWorld 口口香卷 HK$28
這個類似腐皮卷的東西，入面有紅蘿蔔和沙葛，咬起樣鮮甜爽口，不過我覺得外面個腐皮唔太煎得脆，簡單當一餐都ok方便既。
7) 芋中寶 / 素黑椒牛丸 / 素牛蒡丸
素丸除了打邊爐之外，現在也很流行用氣炸鍋炸，所以我都試下係唔係咩都可以氣炸。實驗結果發現芋中寶夾心丸唔可以，因為入面個芋蓉餡會爆出來。至於黑椒牛丸和牛蒡丸都ok，外面少少脆口幾好食。
8) 更加好鮮豆包 HK$29
唔鍾意食素肉唔緊要，天喜其實都好多豆製品揀，例如這個我每次去台灣食滷味都一定要有的「豆包」，佢外型結構同鮮枝竹有點相似，不過係正正方方一塊，成件拎去煮湯或者煎炸都好好食！
9) 白鴿牌素食冬炎湯即席醬 HK$29
這個泰式冬陰公醬幾抵食喎，三十蚊唔使咁大樽，最簡單的用法就係做冬陰煲，將上面提到的幾款素丸、豆包煮埋一齊，落兩湯匙個醬即刻可以變成冬陰公湯，最後仲可以煮埋綠葉蔬菜，方便又好味！圖中我係用左洋蔥個番茄煮個底先，加多少少層次，冬陰公醬有酸有辣，口味都真係幾泰國，懶得買齊咁多香料自己煮，呢個醬真係幫到手，食多兩條菜都靠佢。
10) 更加好海鮮豆腐 HK$37
這個出乎意料好好食喎！雖然包裝上面幅圖教做串燒，但我煮開冬陰公就順便落幾塊試下，口感好柔軟，我覺得俾一般魚腐更好食！下次再試下煎來食先。+++++
資料
天喜素食超級市場
地址：元朗僑興路白沙一橋
電話：+852-9145-5454
營業時間：09:00 - 18:00 (星期一至日)
官網：https://skylikefood.com/
FB：https://www.facebook.com/skylikefood
地圖：
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com