香港最近越來越多純素蛋糕食，我諗係大家真係好努力推廣素食的關係。我碌 IG 的時候就發現西營盤這間咖啡店有好似幾好食的茶味芝士蛋糕，於是揀日去試下，又真係好夠濃烈好好食喎，飲品亦都唔錯，非常滿意！
西營盤有好多又靚又好食的素食：
The Missing Piece Cafe：焙茶控不能錯過！超濃厚純素芝士蛋糕
INFINITI C By October：素食生酮也吃得滿足
LN Fortunate Coffee：帶給人快樂的純素咖啡店
Vibes the place：身心靈同時滿足！有純素生酮大餐又有純素甜品下午茶嘆
++++++++++++++++++++++++++++++++++++++++++++++++++++++++++++++
按讚我的粉專，追蹤最新鮮早餐與蔬食旅遊情報：
++++++++++++++++++++++++++++++++++++++++++++++++++++++++++++++
西營盤有好多咖啡小店，想試齊晒都唔容易 XD 。The Missing Piece cafe 本身不是素食餐廳，但甜品竟然有90%係純素！鹹食亦有素食選項，咖啡飲品亦可以轉燕麥奶或豆奶，非常素食友善！
去開西營盤，仲有以下呢幾間可以去食架：
Vibes the place：身心靈同時滿足！有純素生酮大餐又有純素甜品下午茶嘆
INFINITI C By October：素食生酮也吃得滿足
LN Fortunate Coffee：帶給人快樂的純素咖啡店
除了下面介紹的純素+無麩質芝士蛋糕，亦有杯子蛋糕和磅蛋糕等，看起來都很吸引。純素無麩質芝士蛋糕有焙茶、抹茶、咖啡和朱古力四款口味，我睇最多人食焙茶味，來到才知原來有咁多款揀。不過我都係揀左試焙茶，主要因為佢個樣最靚 XD。
純素芝士蛋糕放出來的件數不多，各種口味都係一件起兩件止，我食緊最後一件焙茶的時候，又有個男仔入來掃左一堆純素蛋糕，如果你有特別想食的蛋糕的話，建議打個電話問清楚先以免撲空。
飲品除了咖啡之外，我見宇治抹茶的樣子都好漂亮，所以順便試埋。
純素無麩質焙茶芝士蛋糕 HK$58、宇治抹茶拿鐵 HK$46 (轉豆奶 +HK$5)
芝士蛋糕和抹茶都有花花，好襯好靚喎！咖啡店仲有印左自己logo的小木盤，整個很有質感。
蛋糕入口就超強焙茶味，比我想像中更濃烈！焙茶控一定大愛，因為平時食好多焙茶甜品都要搵好耐先搵到焙茶味。芝士蛋糕的質感都好幼滑，我覺得都幾似正常芝士蛋糕，最特別的是餅底超厚！用各種堅果壓成的餅底有近 1cm 的厚度，平時食純素芝士蛋糕好少咁重手，而且勁足料堅果又唔會太碎，好豪華的感覺。
飲品都無令人失望，抹茶綿密而且品質幾好，喝起來很香，配豆奶都幾好飲。
跟據我今次試的兩樣野，我覺得 The Missing Piece Cafe 用日本茶的東西品質都唔錯，用料絕無偷工減料。搵日再去試下其他純素蛋糕先！
去開西營盤，仲有以下呢幾間可以去食架：+++++
Vibes the place：身心靈同時滿足！有純素生酮大餐又有純素甜品下午茶嘆
INFINITI C By October：素食生酮也吃得滿足
LN Fortunate Coffee：帶給人快樂的純素咖啡店
餐廳資料
The Missing Piece Cafe
地址：西營盤東邊街35號
電話：+852-2547-6636
營業時間：08:00–18:00
FB：https://www.facebook.com/themissingpiecehongkong/
IG：https://www.instagram.com/themissingpiececafe/
地圖：
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com