最近椰菜花忽然成了風潮，生酮低醣人士會將椰菜花打碎扮飯食，香港亦越來越多地方買得到，不過好多人都唔係太識處理這個蔬菜，這篇就為你解說所有跟椰菜花相關的小知識。
素食食材小百科(1)：天貝
素食食材小百科(2)：鮮枝竹
素食食材小百科(3)：椰菜花飯
素食食材小百科(4)：藜麥
文章目錄
1/ 椰菜花的營養價值和好處
2/ 邊度買靚椰菜花？
3/ 邊度有即食椰菜花飯？
4/ 點樣自己打椰菜花飯？
5/ 椰菜花飯可以點食？
6/ 椰菜花飯菜式示範
- 椰菜花飯三文治
- 蔬食韓式拌椰菜花飯
- 牛油果椰菜花飯塔
- 椰菜花芝士烘蛋
- 椰菜花煎餅
+++++
【 Misskitb 粉絲專屬好康】
iherb 優惠碼：MIS8129
+++++
1/ 椰菜花的營養價值和好處
椰菜花高纖低碳低熱量，吃起來具飽足感，特別適合減肥人士。它同時含豐富維他命B群和C，這兩種都是水溶性維他命，受熱容易流失，所以應避免高溫烹調或水煮。
++++++++++++++++++++++++++++++++++++++++++++++++++++++++++++++
2/ 邊度買靚椰菜花？
現在很多濕街市都買到白色椰菜花，大陸來的比較便宜，但都要$12/$14蚊斤之類，大個的話稱起來都唔平架。要特別注意「椰菜花」跟「福花」是兩個不同品種，「福花」的白花比較疏散，它其實是椰菜花和西蘭花的混種，英文名叫「Caulini」，我看Masterchef學到。我覺得佢個樣有少少奇怪，感覺亦比椰菜花難洗，所以無買過來吃，聽說也很爽甜。
我自己通常會去 Marks and Spencer 買英國椰菜花，HK$25個不分大細，我每次都會揀好耐揀最大果個。Marks and Spencer 亦有有機椰菜花賣，大概 HK$40/個，豐儉由人。除了Marks and Spencer，Market Place 都有澳洲椰菜花賣，白色的好似賣 HK$26，最近仲有美國彩色椰菜花，而且賣得好平。
Market Place 美國彩色椰菜花最近賣到 HK$24，唔買真係對唔住自己，紫色、綠色和黃色據說有唔同味道。圖中是朗豪坊B2的分店，有個好靚的冰櫃拆晒膠袋擺出來。其他分店應該都有賣，但可能包膠袋放雪櫃，自己搵一下。
Marks and Spencer 除了白色椰菜花，也有賣很多英國進口蔬菜，品質都唔錯架，價錢亦都算合理。
(8月7日更新：加左價！！)
++++++++++++++++++++++++++++++++++++++++++++++++++++++++++++++
3/ 邊度有即食椰菜花飯？
懶得自己打的話，市面上也買到打好晒分好晒一包包，用微波爐叮叮就食得，放一包響雪櫃唔得閒煮的時候最方便。冷凍蔬菜即是將蔬菜固定在最靚的狀態，對營養成分沒有影響，可以儘管放心買來吃。
香港有幾個地方買到冷凍椰菜花飯：
1/ Aeon：Topvalu 品牌出產，細細包好似三十蚊。
2/ Marks and Spencer：M&S的冷凍蔬菜真係好方便！而且咩都有，除了椰菜花飯也推薦菠菜、西蘭花和蘑菇片等。HK$29/2×200g
3/ U購：Tesco英國貨，HK$41.9有四包。你可以話藍店不了，也可以花少錢吃得好，閣下自理。
Marks and Spencer 除了冷凍椰菜花飯，也有冷藏椰菜飯，一包包煮好有味，都係用微波爐「叮」就食得。
Marks and Spencer 也有這種即食椰菜花飯。
英國品牌Tesco 雪藏椰菜花飯在 U購買到。要注意以上所有即食椰菜花飯都唔係經常有貨，或者唔係每間分店都有，要自己搵一搵。
在奧海城一間有機商店見過這種即食椰菜花飯，我諗好似即食麵/即食粥之類，唔佔雪櫃空間，世界末日都可以食生酮(誤)。
++++++++++++++++++++++++++++++++++++++++++++++++++++++++++++++
4/ 點樣自己打椰菜花飯？
椰菜花飯做法應該有很多，分享我自己平常的處理方法。1/ 椰菜花切小朵，用鹽水浸約20分鐘
2/ 隔水吹乾一陣
3/ 用攪拌機將椰菜花打碎
4/ 白鑊將椰菜花飯炒至乾身無濕氣
5/ 不立即吃的話，可以放涼再放入食物盒入雪櫃儲存，我有時唔得閒食擺成個禮拜都無問題既。
++++++++++++++++++++++++++++++++++++++++++++++++++++++++++++++
5/ 椰菜花飯可以點食？
椰菜花飯最常見的食法是取代白飯，可以做咖喱飯、蓋飯或蛋包飯，也可以做炒飯。我也會加入雞蛋和芝士做煎餅，都好好食架。
懶人吃法蔬菜一盆焗，將椰菜花、茄子、櫛瓜、番薯、南瓜、番茄、洋蔥等等任何蔬菜，全部切細鋪放在烤盤，再加入橄欖油和香草調味，焗20-30分鐘就有得食。
++++++++++++++++++++++++++++++++++++++++++++++++++++++++++++++
6/ 椰菜花飯菜式示範
以下來分享一些椰菜花飯簡易食譜：(1) 椰菜花飯三文治
訂閱#早安晨之美TV頻道看最新素食推薦
++++++++++++++++++++++++++++++
(2) 蔬食韓式拌椰菜花飯
材料
椰菜花飯
豆干
金菇
紫洋蔥
大啡菇
韓式辣醬
韓式大豆醬
做法
1/ 金菇洗淨切成約 2cm 小段
2/ 紫洋蔥切絲
3/ 大啡菇切條加鹽炒香
4/ 豆理切條煎至金黃色
5/ 將所有材料放進大碗內，加入韓式辣醬和大豆醬拌勻
++++++++++++++++++++++++++++++
(3) 牛油果椰菜花飯塔
材料
椰菜花飯
蘑菇
車厘茄
牛油果
開心果
素芝士
做法
1/ 蘑菇用橄欖油炒熟、車厘茄切粒、牛油果壓成醬
2/ 家裡沒模具不要緊，可以自己用錫紙摺一個
3/ 將椰菜花飯放進圈形模具內，用湯匙背壓實
4/ 蘑菇、番茄和牛油果醬依次序放上
5/ 面層放數顆開心果(也可以換成別的堅果)
6/ 插上純素起司片
7/ 輕輕將模具拿走
++++++++++++++++++++++++++++++
(4) 椰菜花芝士烘蛋
材料
椰菜花 100g
雞蛋 2顆
Parmesan 45g
車打芝士 20g
Fetta Cheese 30g
橄欖油 20ml
營養酵母 5g
鹽、黑胡椒、辣椒粉、薑黃粉
做法
1/ 將所有材料混合
2/ 再將混合物放進瑪芬烤盤
3/ 烤箱預熱至180度，焗約20分鐘即可
++++++++++++++++++++++++++++++
(5) 椰菜花煎餅
材料
椰菜花飯
雞蛋1隻
芝士
做法
1/ 將椰菜花飯、雞蛋、芝士調合在一起，用鹽、黑胡椒和紅椒粉等調味。我通常都無量份量，一隻雞蛋可以黏實幾多就用幾多椰菜花飯。
2/ 平底鍋預熱加入油，將混合物放進去，大約弄成煎餅的形狀，兩面煎至金黃色即可。
++++++++++++++++++++++++++++++
(6) 小熊蔬食佛陀碗
(7) 薑黃椰菜花扒配雜菜
(8) 兔兔椰菜花泥小食
(9) 富士山椰菜花飯
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com