聽說 BEEF & LIBERTY 有個姊妹品牌「LEAVES & LIBERTY 」好久，但一直都無機會食到，終於！我今日去試食將於一月推出的新菜式，實在太開心。
踏入2021年新開始，相信好多人都期望以一個健康新姿態去迎接，所以 Beef & Liberty 於蘭桂坊加洲大廈的旗艦餐廳，亦都決定由素食姊妹品牌 Leaves & Liberty 接手，整整一個月換上素食餐牌，堂食或外賣都無肉食，你都一齊為地球環境和自己健康出一分力吧！
++++++++++++++++++++++++++++++++++++++++++++++++++++++++++++++
按讚我的粉專，追蹤最新鮮早餐與蔬食旅遊情報：
++++++++++++++++++++++++++++++++++++++++++++++++++++++++++++++
Beef & Liberty 蘭桂坊旗艦餐廳位於加州大廈，由中環地鐵站行上去只需要幾分鐘，因為不是在很高的山上，唔需要行好多斜路，都幾容易搵既。
我第一次上來食，這才發現環境如此好！餐廳夠大勁多位之餘，最正係有露台位，尤其適合這種唔太凍的冬天天氣，坐出面同朋友傾計超級悠閒超級爽。
等一月出左素食餐牌，一定要再約朋友來食。
除了有露台位，其他位置同樣採光極良好，超大面積的落地大玻璃，可以望到熱鬧的蘭桂坊街景。
座位唔會排得太逼，食飯唔會好有壓逼感。
餐廳整個色調充滿歐美餐酒館感覺，服務生全部都講英文，好似去左旅行咁樣。
到一月的時候，餐廳會全面換上素食餐牌，除了 100% 無肉食之外，大部分更屬純素之選，餐廳仲自製一系列純素芝士、牛油和沙律醬等，真係好認真做素食好值得欣賞。今天來吃這個是傳媒試食餐牌，由主廚精選一系列特色菜式，兩個人食晒成版食物，好滿足。
炭燒香料椰菜花(HK$49) / 杏鮑菇天婦羅 / 烤甜粟米
絕對唔會沈悶的一系列前菜，今日食的菜式全部係純素無蛋奶，所以牛油呀、芝士以至沙律醬，全部都係 VEGAN ，估唔到食起來同真既差唔多，又幾驚喜喎！炭烤椰菜花吃起來有炭香味，烤得軟軟椰菜花加埋芝士，感覺健康無負擔又美味。熱氣野杏鮑菇天婦羅就係炸菇的意思，d菇都幾大隻厚肉，香口開胃。粟米除了有神奇純素牛油之外，我覺得大量脆口的香蔥粒都係重點，食起來唔會只有粟米甜味。
雪梨菊苣沙律 / 紅石榴沙律
吃菜的時間到了，兩款沙律的汁都幾好食，我最鍾意佢地加左好多核桃粒粒，有些堅果咬下好味又多一重口感。
需要特別留意的是這個「純素杏仁細蔥忌廉芝士」，一問之下才知道是餐廳自家製，味道特別口感有趣。如果你拿它跟一般忌廉芝士比當然完全唔同，不過可以當一項全新的美食來品嘗，都幾有趣架！
今天來試試三款招牌素食漢堡，每款除了素扒唔同，餡料配搭都非常有心思，絕對唔係 hae 你架！我自己就最鍾意紅菜頭漢堡，明明平時唔太好紅菜頭都覺得好食，真係出乎意料之外。
紅菜頭漢堡(HK$99)
自家製紅菜頭漢堡扒、純素香蔥忌廉芝士、紅菜頭洋蔥醬、雜錦沙律菜
橫切面看起來非常「血腥」的紅菜頭扒，吃起來口感偏軟身，味道帶少少水果香氣，配埋沙律菜和紅菜頭洋蔥醬，食起來幾清爽怡人，唔會好飽滯仲可以食晒d薯條咁樣。
鮮菇藜麥漢堡
自家製藜麥漢堡扒、純素生薑蛋黃醬、蘑菇醬、杏鮑菇天婦羅、火箭菜
這個漢堡扒用藜麥、黑豆和糙米飯等打埋一齊製感，吃起來比較有飽足感和厚實，上面有炸菇都幾有趣，口味方面帶少少日式調味，吃起來都幾有趣。
Impossible™雙層芝士漢堡(HK$119)
兩塊3安士植物肉漢堡扒、純素芝士、酸瓜、純素第戎芥末醬、牛油生菜
這款是大家很熟悉的 Impossible Burger，最特別之處係佢用左兩塊薄漢堡扒，中間再夾一層純素芝士，因為兩塊都有煎香的關係，美味道加倍，這個做法很有參考價值！味道方面吃起來就像一般的芝士漢堡，入面仲有酸瓜好美式漢堡。
這天還有機會品嘗本地手工品牌「Garden Hill」的純素芝士，佢地係一人品牌，收到 order 先新鮮製作，保證無防腐劑無添加劑天然健康！右邊三款分別是 Mozzarella、aged cheese和 Pepper Jack，我最鍾意 Mozzarella，佢食起來同真的芝士一樣口感，係半溶果種感覺，超級正！味道帶少少洋蔥香，雖然做唔到拉絲效果，但我覺得焗 Pizza 焗意粉或者做 Grilled Cheese 應該都好正！另外兩款就比較重口味，Pepper Jack 仲辣辣地添。
左邊兩個係 Cream Cheese 和松露沙律醬，這兩款都係大豆 base，我覺得都好適合點薯條食。個 Cream Cheese 雖然唔似真 Cream Cheese 的味道，但我覺得幾似搽麵包的蒜蓉醬，質感都幾好。
朱古力蛋糕
這個朱古力蛋糕都係純素啊！雖然不太吃得出沒加蛋奶，我覺得口味都幾似好 standard 的美式朱古力蛋糕，口感夠濕潤，外面個朱古力 frosting 好似食糖霜咁樣，非常原汁原味，間中食下都幾療癒架。順帶一提我好欣賞佢地個咖啡setting，隻牛牛奶壺超級可愛！好想買一隻返屋企用！！
餐廳環境又靚又舒服，仲竟然咁有心推出 100% 素食Menu，一月的時候一定要再約朋友過去食！你又諗住去食幾多餐先？
+++++
餐廳資料
Beef & Liberty Burgers Lan Kwai Fong
地址：中環蘭桂坊德己立街32號加州大廈3樓
電話：+852-2450-5778
營業時間：12:00 - 15:00、18:00 - 21:00
官網：https://www.beef-liberty.com/
FB：https://www.facebook.com/BeefandLibertyHK
IG：https://www.instagram.com/BeefandLiberty/
地圖：
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com