.png)
這家連續13年獲米芝蓮推介的餐廳，一向有提供素食火鍋湯底，最近更推出富港式風味的碗仔翅打邊爐。素食版湯底用蔬菜和菇菌熬製，並加入日本人造魚翅，新鮮感十足。餐廳的手工丸餃亦非常出色，今次就以「山竹牛肉」和「南乳粗齋」為靈感，用來打邊爐既有特色又好味。
單人晚市套餐價HK$499/位，不過無限制一定要跟人頭點套餐，可以兩個人分享食一set都得，唔夠再散嗌其他野食。惠顧火鍋仲可以參加扭蛋抽獎，獎品有現金券或其他禮物。
【電子攻略/讀者優惠/其他平台：https://linktr.ee/misskitb】
港式風味火鍋有素食和非素食版，預定時候可以講清楚。這個火鍋基本上walk-in都食到，不過最好提早一日訂位，以便餐廳安排座位。素食套餐暫時只在晚市供應，餐廳都無限制要按人頭叫套餐，可以三個人叫兩套都得，價錢比較經濟。
素湯底用蔬菜和菇菌熬煮，加入日本人造魚翅和素肉絲，打邊爐啖啖都食到素翅，感覺非常滿意又足料。
前菜溏心皮蛋伴子薑和醃小黃瓜，兩個都幾好食，尤其個青瓜望落無咩特別，咬落去味道幾豐富。
南乳齋餃、素菜餃和雜菌洋蔥餃，三款之中我最鍾意南乳齋餃，勁富南乳香！另外兩款都好食，但相較之下就比較普通和平淡。
山竹素牛肉丸使用Beyond meat素肉製作，有食過Beyong meat都知佢本身有陣味，所以這個牛肉丸食落都主要係Beyond meat味。
美味廚除了出名素湯底，菇菌種類都好有特色，唔係平日食本菇、金菇、杏鮑菇咁簡單。套餐就有呢五款特色菇類：福建白玉木耳、新鮮雲南野生牛肝菌、新鮮雲南羊肚菌、新鮮雲南野生姬松茸、新鮮黑松茸菇，真係平時都好少買來食，莫講話打邊爐啦。
豆製豆都有五款揀：迷你生根、炸枝竹、蜂巢冰豆腐、潮州五香豆腐、山水豆腐，當中最特別當然係五香豆腐，本身都已經滷過有味，浸完湯更好食。蔬菜盤就係時令蔬菜，比較特別係有羽衣甘藍。
圖中為兩人份大概份量，女仔的話三個人分享食都夠，想食其他可以再另外散叫。
今次這個湯底好好味，套餐內容豐富，素食者都可以食得開心滿意，開始凍就要約朋友同訂位啦！
+++++
Follow me on Instagram @misskitb
+++++
餐廳資料
美味廚 Megan's Kitchen
地址：灣仔灣仔道165-171號樂基中心5樓
電話：28668305
營業時間：12:00–15:00、18:00–23:30
官網：https://meganskitchen.com/
IG：
https://www.instagram.com/meganskitchen.hk/
地圖：
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com