無論你是不是素食者，天貝這食材都係一個有益的蛋白質來源，一起來認識它吧！
+++++
【 Misskitb 粉絲專屬好康】
iherb 優惠碼：MIS8129
+++++
天貝是一種來自印尼的傳統發酵食物，通常用黃豆加入根霉真菌製成，成品是一舊白色的餅狀，中間可以看到一粒粒已經煮熟的黃豆，白色部分就係霉菌了。
除了用黃豆製作天貝，近年亦開始有使用不同豆類如黑豆、紅豆和鷹嘴豆之類製作，我之前就在台灣吃過超好味的八豆天貝，不過香港未見過有得賣。如果想補充蛋白質，記得都係揀返黃豆或黑豆天貝呀。
天貝含有豐富蛋白質，在印尼鋪買一舊大概260g，食一舊就有四十幾五十克蛋白質，足夠一般女性每日所需。如果你懶得諗食咩，每日一舊天貝分三餐食都係一個辦法。
我平常在印尼鋪買的天貝非常新鮮，拎上手仲感覺到暖暖地，如果唔係即日食可以先放入雪櫃，避免長出黑色的霉菌。不過擺入雪櫃低溫之下天貝依然在發酵，最好都係一個禮拜內吃掉。
天貝亦可以冷凍保存，在素食店買的進口台灣天貝就係雪藏，擺冰格的話可以放好耐，想要儲糧都係一個好選擇。
在香港天貝唔算難買，留意下屋企附近有無印尼雜貨鋪即可，或者問印尼姐姐佢地熟過你。不過印尼鋪都唔係間間有，同埋唔係日日有貨返，有時要行幾轉，製作過程和黃豆來源不詳，但勝在夠新鮮和平價。
部分素食網店有引入台灣品牌天貝，用料靚包裝靚方便儲存和食用。再講究一點也可以支持本地品牌有機手工製作天貝架。
Green Common 網店
甘薯葉網店
印尼鋪天貝
本地品牌有機天貝 ＠temehola
天貝基本上點煮都可以，切粒切條切片，煎焗煮炸都得。想更入味可以預先用醬汁醃過再煮，一盤放入焗爐焗最方便。
+++++
Follow me on Instagram @misskitb
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com
