因為要去灣仔食豐盛大餐，所以決定由香港仔水塘一路行過去，先運動一下再放心大吃大喝。原來這條路線非常輕鬆好行，遊人不多清清靜靜，全線平路去到灣仔先一直斜路落山，當郊遊晨運路線行就可以。行得多唔驚退化性關節炎。
行山BB班 (1) | 西高山：半小時登頂打卡 飽覽香港城市全景看絕美日落
行山BB班 (2) | 大帽山：香港最高峰 來回三小時全部馬路 舒適散步看風景路線
行山BB班 (3) | 龍虎山：晨運徑緩斜路容易行 40分鐘香港大學直上山頂
行山BB班 (4) | 南丫島：環島半圈遊 一路無敵海景必吃阿婆豆腐花
行山BB班 (5) | 5分鐘攻頂？尖鼻咀后海灣觀察點 唐夏寮涼亭
行山BB班 (6) | 城門水塘環塘之旅 原來要行3個鐘 仲有好多沙石山路
行山BB班 (7) | 南生圍濕地打卡之旅 舒服平路2小時行一圈
行山BB班(8) | 龍脊：港島必行初級路線 山脊眺望石澳風光
+++++
【 Misskitb 粉絲專屬好康】
iherb 優惠碼：MIS8129
+++++
起步點在香港仔，可以搭巴士去「漁光道海鷗樓」站最方便，在中環和香港大學站附近都有巴士去，要自己查一下路線。我最後揀左中環交易廣場搭7號巴士，車程都要7、8個字先去到。
落巴士之後轉個彎行少少斜路就到起步點，右邊的係去下水塘，左邊就行去上水塘。根據我查到的網上資料，可以先行去下水塘，再原路返轉頭行去上水塘。
希望野豬們都仲平安。
行去下水塘其實都幾近，幾分鐘就見到。
下水塘景觀都幾開揚，而且無人個喎，如果天氣好一點就更舒服。
其實水塘都幾難影打卡相，搵左好耐位最後隨意影。
望落去有個好似游泳池的物體，不過水面有油污，個水壩望落都幾污糟。
下面的紅磚屋是古蹟，不過唔知點行落去。
睇完下水塘再沿路返出去，行少少會見到一個傷健公園的東西，有公廁可以利用。
這條路又闊又平輪椅都可以行，來散步一流。
從遠處望到上水壩的樣子，望到之後轉個彎就到了。
上水壩條路闊一點，不過我覺得景觀好似下水塘比較靚。
應該有路行落下面條橋仔，不過望落去好似唔太靚就無特別搵路了。
行過水壩對面可以搵到這個介紹牌，然後我地行左一陣先發現，去灣仔唔應該行這邊。
如果要行去灣仔的話，記得唔好過水壩對面，行返出這個路口再去灣仔峽方向先正確。
行去灣仔峽只要45分鐘左右，全條都係兩邊林蔭的平路，最後有少少上斜位，不過都好快就行到閘口。
由香港仔郊野公園出來，仲要行一段路先去到灣仔，過馬路去對面這個路口就對了。這條路全部都係落斜，而且非常斜，擺低個足球佢會自己滾下山的程度。所以我絕對唔會由灣仔起步行去香港仔水塘。
去到灣仔之後可以參觀埋北帝廟和藍屋等等古蹟。
+++++
Follow me on Instagram @misskitb
+++++
行山BB班 (1) | 西高山：半小時登頂打卡 飽覽香港城市全景看絕美日落
行山BB班 (2) | 大帽山：香港最高峰 來回三小時全部馬路 舒適散步看風景路線
行山BB班 (3) | 龍虎山：晨運徑緩斜路容易行 40分鐘香港大學直上山頂
行山BB班 (4) | 南丫島：環島半圈遊 一路無敵海景必吃阿婆豆腐花
行山BB班 (5) | 5分鐘攻頂？尖鼻咀后海灣觀察點 唐夏寮涼亭
行山BB班 (6) | 城門水塘環塘之旅 原來要行3個鐘 仲有好多沙石山路
行山BB班 (7) | 南生圍濕地打卡之旅 舒服平路2小時行一圈
行山BB班(8) | 龍脊：港島必行初級路線 山脊眺望石澳風光
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com