南丫島絕對係適合任何年齡人士的郊遊好去處，好多人推住BB車都一樣照行 XD 我通常由索罟灣出發行去榕樹灣，全程約一個半小時，差不多到榕樹灣的時候有阿婆豆腐花食，行到榕樹灣又有多間餐廳有素食，校好時間仲可以睇埋日落先走添！
行山BB班 (1) | 西高山：半小時登頂打卡 飽覽香港城市全景看絕美日落
行山BB班 (2) | 大帽山：香港最高峰 來回三小時全部馬路 舒適散步看風景路線
行山BB班 (3) | 龍虎山：晨運徑緩斜路容易行 40分鐘香港大學直上山頂
行山BB班 (4) | 南丫島：環島半圈遊 一路無敵海景必吃阿婆豆腐花
行山BB班 (5) | 5分鐘攻頂？尖鼻咀后海灣觀察點 唐夏寮涼亭
行山BB班 (6) | 城門水塘環塘之旅 原來要行3個鐘 仲有好多沙石山路
行山BB班 (7) | 南生圍濕地打卡之旅 舒服平路2小時行一圈
+++++
【 Misskitb 粉絲專屬好康】
iherb 優惠碼：MIS8129
+++++
港九小輪有限公司官網：https://hkkf.com.hk/
由中環碼頭坐船去索罟灣大概半時間，回程班次比較疏，如果打算由榕樹灣出發行過這邊的話，建議睇清楚船期。由中環往南丫島索罟灣成人票價 HK$23.1，狗狗都可以一齊搭船。
索罟灣那邊有另外一條沿住島邊的行山徑，有興趣都可以兜個圈，又或者行上山睇狗仔石。碼頭設有公廁，有需要可以去左廁所先行。索罟灣碼頭附近有一堆海景海鮮餐廳，望住個海食飯都幾 chill ，有需要都可以食飽再起行。
成條路都非常平坦，基本上係沿住島邊行去另一邊，沿途都可以望住個海，心曠神怡。
沿途都會經過海灘石灘，整個非常寫意悠閒。
經過天后廟再行到海邊之後不久，會見到這個「神風洞」，據說可以行入去架喎，不過入去好似無咩睇。
之後都係平坦小路，成條徑數埋得幾個上斜位，而且完全唔辛苦果種，真係適合任何年齡人士。看到三枝大煙鹵即係差唔多到榕樹灣那一邊。
好快就行到洪聖爺灣，這裡也有公廁可以用。
過左沙灘再行少少就到阿婆豆腐花，中間會經過一間「酒店」，還有間阿媽豆腐花 XD。不過我梗係行去大樹底下搵建興阿婆。
冷熱豆腐花都係 HK$14/碗，行到身水身汗食一碗確係爽。
行到榕樹灣再搵野食，這間 Bali Tyche 有好多 Vegan 餐點。
三個人試左三款菜式，全部都好好食喎。
在榕樹灣一帶可以先逛逛街再走，行到出碼頭就咩都無架啦。
榕樹灣碼頭比起索罟灣碼頭正式好多。
由榕樹灣出中環只要二十多分鐘，超級快捷！成人船費 HK$18.6。如果唔想行山，搭船去榕樹灣行下食下野都幾chill 幾舒服架。
行山BB班 (1) | 西高山：半小時登頂打卡 飽覽香港城市全景看絕美日落
行山BB班 (2) | 大帽山：香港最高峰 來回三小時全部馬路 舒適散步看風景路線
行山BB班 (3) | 龍虎山：晨運徑緩斜路容易行 40分鐘香港大學直上山頂
行山BB班 (4) | 南丫島：環島半圈遊 一路無敵海景必吃阿婆豆腐花
行山BB班 (5) | 5分鐘攻頂？尖鼻咀后海灣觀察點 唐夏寮涼亭
行山BB班 (6) | 城門水塘環塘之旅 原來要行3個鐘 仲有好多沙石山路
行山BB班 (7) | 南生圍濕地打卡之旅 舒服平路2小時行一圈
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com