北歐傢俬店 IKEA 越來越多素食產品，今次試下這個平平地的素食腸仔，滿滿蔬菜都幾好食丫。
+++++
【 Misskitb 粉絲專屬好康】
iherb 優惠碼：MIS8129
+++++
去 IKEA 我通常買素肉丸多，果個真係勁好食！雪櫃拎出來用烤盤焗15分鐘就食得，外面脆脆對幾開心架。
屋企仲有包肉丸未食晒，所以今次買素食熱狗腸，HK$39 一包有10條，除開四蚊條有找，其實都幾抵食。
睇返個成分都幾靚仔既，除了增稠劑和穩定劑，其他都係蔬菜，仲有好多款菜，亦有扁豆和藜麥，營養唔錯。
成份：水、羽衣甘藍、熟紅扁豆、熟藜麥、炸洋蔥、小麥蛋白、紅蘿蔔、番茄醬、薑、菜籽油、鹽、馬鈴薯片、濃縮蘑菇粉、馬鈴薯澱粉、洋蔥粉、芹菜粉、薑黃、葛縷子、濃縮檸檬汁粉、黑胡椒、茴香等
冷凍素腸直接從冰箱取出就可以煮，早餐煎開野可以用平底鑊順便煎，外面可以煎到小小金黃色，唔算太容易爛或散開。
它是沒有腸衣那種腸仔，感覺就無食大肉腸咁過癮，口感比較似加長版的 felafel，不過再軟身少少。
味道係混合香料風味，唔會太超過，啖啖都係蔬菜的感覺，食完唔驚好 heavy，早餐煎兩條係幾方便又唔洗用腦。
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com